ქვიარ-ასოციაცია „თემიდა“ ქვიარ-აქტივისტური, მემარცხენე ტრანს სათემო ორგანიზაციაა, რომელიც ორგანიზდება, მუშაობს და იბრძვის ტრანს და ქვიარ ადამიანებისთვის უსაფრთხო, თანასწორი და ღირსეული პოლიტიკური, უფლებრივი და სოციალური გარემოს შესაქმნელად.
წარმოგიდგენთ „თემიდას“ 2024 წლის თებერვლის მიმოხილვას:
- თემიდას პროექტის „Rainbow Refugee Project-ის“ ფარგლებში მარტში გაიმართა სამი სათემო შეხვედრა. პირველი შეხვედრა შეეხებოდა ზიანის შემცირების პრაქტიკებს, მეორე შეხვედრას უძღვებოდა მოწვეული ფსიქოლოგი, მესამე შეხვედრაზე კი ორგანიზაციის თანასწორ-განმანათლებელმა დამსწრე აუდიტორიას გააცნო ინფორმაცია ქვეყანაში ხელმისაწვდომი გენდერული აფირმაციის სერვისებისა და პროცედურების შესახებ. აღნიშნული პროექტი მარტში დასრულდა, მისი მიმდინარეობის პერიოდში კი „თემიდა“ დახმარებას სთავაზობდა რეგიონში მიმდინარე შეიარაღებული კონფლიქტების შედეგად დაზარალებულ, იძულებით გადაადგილებულ LGBTQ+ თემის წევრებს.
- 31 მარტს „თემიდამ“ ერთ-ერთ ადგილობრივ ქვიარ სივრცეში გამართა ტრანს* ხილვადობის დღისადმი მიძღვნილი ღონისძიება, რომლის ფარგლებშიც დრეგ შოუებთან ერთად გაიმართა ჟურნალ „ბიანკას“ პრეზენტაცია. ჟურნალი „ბიანკა“ პირველი ექსპერიმენტული გამოცემაა, რომლის თემასაც წარმოადგენდა „სხეული: საშიშროება და შესაძლებლობა“. ჟურნალი აერთიანებს ათი ტრანს* ავტორის ტექსტურ ნამუშევარს, რომელიც ასახავს მათ პერსპექტივებსა და გამოცდილებებს. პუბლიკაციის ბეჭდური ვერსია შეგიძლიათ აიღოთ „თემიდას“ ოფისში, მასში შესული ტექსტების ელექტრონული ვერსიები კი აპრილის დასაწყისიდან ეტაპობრივად განთავსდება ორგანიზაციის ვებგვერდზე.
გარდა ამისა, შეგახსენებთ, რომ ორგანიზაციის დროებითი საცხოვრისის სერვისი კვლავ ფუნქციონირებს და ლგბტქ+ თემის წევრებს, ძალადობრივ გარემოში მცხოვრებ ან/და სხვა კრიზისულ მდგომარეობაში მყოფ პირებს სთავაზობს დროებით საცხოვრისს. სერვისის საჭიროების შემთხვევაში ნებისმიერ დროს შეგიძლიათ დარეკოთ ნომერზე +995 800 000 180 ან მიწეროთ ორგანიზაციას ელ. ფოსტაზე: [email protected]. სერვისთან დაკავშირებული დეტალური ინფორმაცია შეგიძლიათ იხილოთ მოცემულ ბმულზე.
- იხილეთ აგრეთვე: თემიდა — 2024 წლის თებერვლის მიმოხილვა