პარლამენტში რუსული კანონის განხილვისას ალეკო ელისაშვილი მმართველი პარტიის ლიდერ მამუკა მდინარაძესთან ტრიბუნასთან მივიდა და დაარტყა.
პარლამენტის პირდაპირი ეთერის კადრებში ჩანდა დარტყმის მომენტში ელისაშვილის ნათქვამი „შენი რუსი…“, რის შემდეგაც სხვა დეპუტატებმა მისი გაშველება დაიწყეს. ამის შემდეგ პარლამენტის პირდაპირი ტრანსლაცია დროებით გაითიშა.
შეგახსენებთ, რომ დილის 10 საათიდან პარლამენტში იურიდიულ საკითხთა კომიტეტზე ქართული ოცნების მიერ 3 აპრილს ხელახლა ინიციირებული რუსული კანონის განხილვა მიმდინარეობს. პარალელურად, საქართველოს პარლამენტის თავმჯდომარის ბრძანებით, პარლამენტში არ უშვებენ აკრედიტაციის მქონე ონლაინმედიების ჟურნალისტებს.
ჩაგდებიდან 1 წლისა და დაახლოებით 1 თვის შემდეგ, ქართულმა ოცნებამ თავისივე სიტყვა გატეხა და რუსულ კანონს აბრუნებს. ყოველგვარი წინასწარი ინფორმირების გარეშე, ეს მამუკა მდინარაძემ 3 აპრილს დააანონსა და რამდენიმე საათში შარშან დაწუნებული კანონპროექტი პარლამენტის ვებგვერდზე აიტვირთა.
მდინარაძეს არ დაუმალავს, რომ პროექტის შინაარსი იგივე იქნება, ოღონდ სიტყვა “აგენტს” არ გამოიყენებენ. აქვე ქართულმა ოცნებამ მიგვითითა იმაზეც, რომ რასაც შარშან რუსული კანონად მოვიხსენიებდით, წელსაც იგივე არ ვუწოდოთ.
ქართულმა ოცნებამ 3 აპრილსვე დააინიციირა ჰომოფობიური, ადამიანის უფლებების საწინააღმდეგო ცვლილებების პროექტი, რომელიც, მათ შორის, შეკრებისა და გამოხატვის შემზღუდავ დათქმებსა და ცენზურას ითვალისწინებს.
ამავე თემაზე მეტი ინფორმაციისთვის:
- სიძულვილი, ცენზურა, გამოხატვის თავისუფლების შეზღუდვა — “ოცნების” ინიციატივა პარლამენტშია
- რის “დაცვასაც” წინასაარჩევნოდ ქართული ოცნება ცდილობს, რუსეთმა უკვე “დაიცვა” — ნახეთ როგორ
- რა წერია ხელახლა ინიცირებულ რუსულ კანონში — დეტალურად
