პიცერია „პაცცა“ აცხადებს, რომ დღეს ინგოროყვას ფილიალში (ინგოროყვას #10, კანცელარიის წინ) აქციის მონაწილეებისთვის მომარაგებული ექნებათ სხვადასხვა საჭირო ნივთი და მედიკამენტი, მათ შორის:
- პირბადეები
- წყლები
- სპაზმის საწინააღმდეგო სპრეი (სასუნთქი გზებისთვის)
- წყალბადის ზეჟანგი
- ნატრიუმის ქლორიდი (თვალებისთვის)
- ჭრილობების სტიკერები
- ბამბები
- ქოქოსის ნახშირი
შეგახსენებთ, რომ დღეს, 19:00 საათზე, საქართველოს პარლამენტთან დაგეგმილია საპროტესტო აქცია „კი ევროპას! არა რუსულ კანონს!“
ჩაგდებიდან 1 წლისა და დაახლოებით 1 თვის შემდეგ, ქართულმა ოცნებამ თავისივე სიტყვა გატეხა და რუსულ კანონს აბრუნებს. ყოველგვარი წინასწარი ინფორმირების გარეშე, ეს მამუკა მდინარაძემ 3 აპრილს დააანონსა და რამდენიმე საათში შარშან დაწუნებული კანონპროექტი პარლამენტის ვებგვერდზე აიტვირთა.
მდინარაძეს არ დაუმალავს, რომ პროექტის შინაარსი იგივე იქნება, ოღონდ სიტყვა “აგენტს” არ გამოიყენებენ. აქვე ქართულმა ოცნებამ მიგვითითა იმაზეც, რომ რასაც შარშან რუსული კანონად მოვიხსენიებდით, წელსაც იგივე არ ვუწოდოთ.
ქართულმა ოცნებამ 3 აპრილსვე დააინიციირა ჰომოფობიური, ადამიანის უფლებების საწინააღმდეგო ცვლილებების პროექტი, რომელიც, მათ შორის, შეკრებისა და გამოხატვის შემზღუდავ დათქმებსა და ცენზურას ითვალისწინებს.
ამავე თემაზე მეტი ინფორმაციისთვის:
- სიძულვილი, ცენზურა, გამოხატვის თავისუფლების შეზღუდვა — “ოცნების” ინიციატივა პარლამენტშია
- რის “დაცვასაც” წინასაარჩევნოდ ქართული ოცნება ცდილობს, რუსეთმა უკვე “დაიცვა” — ნახეთ როგორ
- რა წერია ხელახლა ინიცირებულ რუსულ კანონში — დეტალურად
