მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

თინათინ ნოღაიდელის სადებიუტო წიგნი “ულვაშები” 2024 წელს გამოიცა. ნაწარმოები ავტოფიქციაა და, მათ შორის, ავტორის ბავშვობის თუ ზრდასრულობის გამოცდილებებსაც ასახავს. ავტორისვე თქმით, წიგნი უმცირესობად ყოფნის გამოცდილებაზე ჰყვება, ასევე ეხება ქალებისა და კაცების მიმართ დაწესებულ გენდერულ მოლოდინებსა და 90-იანების საქართველოს თავისებურებებს. “ულვაშების” პროტაგონისტი პირველ პირში ჰყვება აჭარაში გატარებული ბავშვობის, სირცხვილისა და დანაშაულის განცდის, ყოველ ფეხის ნაბიჯზე დაწესებული აკრძალვების, გაქცევის სურვილისა და გამთლიანების ამბებს.

“უკანონო” პოდკასტის მეორე სეზონის პირველ ეპიზოდში პრემია “ლიტერას” მფლობელ თინათინ ნოღაიდელთან ერთად ვსაუბრობთ თემებზე, რომლებსაც “ულვაშები” ეხება და წერაზე იმ დროს, როცა ქვეყანაში ჰომოფობიური, ცენზურის კანონები მოქმედებს.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.