ვგმობთ საპოლიციო ძალების სისასტიკეს და უკანონო ქმედებებს ჟურნალისტების მიმართ — ეთიკის ქარტია
საქართველოს ჟურნალისტური ეთიკის ქარტია 30 აპრილისა და 1 მაისის რუსული კანონის მშვიდობიანი საპროტესტო აქციების ძალადობრივ დაშლას ეხმიანება და გმობს საპოლიციო ძალების სისასტიკესა და უკანონო ქმედებებს ჟურნალისტების მიმართ.
განცხადებაში აღნიშნულია, რომ ძალოვანი უწყებების წარმომადგენლებმა კვლავ მიაყენეს დაზიანებები ჟურნალისტებს, რომლებიც 1-ელ მაისს ღამით და 2 მაისს გამთენიისას მიმდინარე მშვიდობიან დემონსტრაციას აშუქებდნენ.
“თავხედო ნაძირალა”, “ყლ*ქალა” — კალაძემ ჟურნალისტს შეურაცხყოფა მიაყენა
თბილისის მერმა, კახა კალაძემ ფორმულას ჟურნალისტს სიტყვიერი შეურაცხყოფა მიაყენა. ინტერვიუს დროს კალაძემ თქვა, რომ პირველი მაისის აქციაზე პოლიციის მხრიდან მოქალაქეების წინააღმდეგ რეზინის ტყვიები არ ყოფილა გამოყენებული და დანარჩენი გაირკვევა. მას ჰკითხეს, თუ ასეა, როგორ დასისხლიანდნენ ადამიანები, რაზეც კალაძემ კვლავ უპასუხა, რომ გაირკვევა. ამის შემდეგ ფორმულას ჟურნალისტმა მას ჰკითხა: “არ გერიდებათ, ასე უტიფრად რომ იტყუება შინაგან საქმეთა სამინისტრო და თქვენც?”.
კალაძემ ჟურნალისტს უპასუხა: “ცოტა ზრდილობა იქონიეთ. თქვენ ვინ ბრძანდებით საერთოდ?”
ჟურნალისტის პასუხზე, რომ ტელეკომპანია ფორმულას წარმოადგენს, კალაძემ თქვა:
“მერე ზრდილობა არ გასწავლეს ოჯახში? უტიფარი მოიკითხეთ სახლში და ოჯახში, თავხედო ნაძირალა. […] უტიფარი დაუძახე დედაშენს და მამაშენს, სახლში რომ მიხვალ! უზრდელო შენ! შენ ხარ თავხედი უზრდელი! […] უტიფარი უთხარი დედაშენს და მამაშენს შენი გაზრდისთვის. უზრდელო შენ! თავხედო შენ! შეირგე ახლა გემრიელად და წადი სახლში. თავხედო!”.
ინტერვიუს ბოლოს კი კალაძემ ჟურნალისტის მისამართით ჩაილაპარაკა: “ყლ*ქალა”.
დღეს, 2 მაისს, 19:00 საათზე, პარლამენტის შენობასთან აქცია დაიგეგმა.
მოქალაქის პოსტი — დახმარება აქციაზე დაზარალებულებს
“ძვირფასო მეგობრებო, მზად ვარ, აქციაზე მიღებული ნებისმიერი კანის, კანქვეშა ქსოვილებისა და ლორწოვანის დაზიანების მკურნალობასთან დაკავშირებული კონსულტაცია უფასოდ გაგიწიოთ!” — წერს დერმატოლოგი ზაზა თელია.
ვიდეო — კახა კალაძემ TV ფორმულას ჟურნალისტს შეურაცხყოფა მიაყენა
“უტიფარი მოიკითხე სახლში და ოჯახში, თავხედო ნაძირალა”, — თბილის მერი კახა კალაძემ TV ფორმულას ჟურნალისტს შეურაცხყოფა მიაყენა.
საქართველო გზაგასაყარზეა. ის ევროპისკენ მიმავალ გზაზე უნდა დარჩეს — ევროკომისიის პრეზიდენტი
ევროკომისიის პრეზიდენტი, ურსულა ფონ დერ ლაიენი აცხადებს, რომ ღრმა შეშფოთებას გამოთქვამს რუსული კანონის საპროტესტო მშვიდობიანი აქციების ძალადობრივი დარბევის გამო და გმობს ძალადობას თბილისის ქუჩებში.
მისი თქმით, საქართველოს მოქალაქეები დემოკრატიისადმი ძლიერ ერთგულებას ავლენენ და საქართველოს მთავრობამ ეს მკაფიო გზავნილი უნდა გაითვალისწინოს.
“ევროკავშირმა ასევე მკაფიოდ გამოხატა თავისი შეშფოთება “უცხოური გავლენის გამჭვირვალობის შესახებ” კანონთან დაკავშირებით. საქართველოს მოსახლეობას თავისი ქვეყნისთვის ევროპული მომავალი სურს. ევროპულმა საბჭომ ეს მისწრაფებები რომ აღიარა, დეკემბერში საქართველოს კანდიდატის სტატუსი მიანიჭა და დასახა მკაფიო გზა ევროკავშირში გაწევრიანების შესახებ მოლაპარაკებების დასაწყებად”, — აცხადებს ურსულა ფონ დერ ლაიენი.
მკაცრად ვგმობ საქართველოს ხელისუფლების მიერ პროევროპულ აქციის მონაწილეებზე თავდასხმებს — ლიეტუვის პრეზიდენტი
“მკაცრად ვგმობ საქართველოს ხელისუფლების მიერ პროევროპულ აქციის მონაწილეებზე თავდასხმებს. საქართველოს მთავრობა ქვეყანას უკან ხევს და ძირს უთხრის მის ევროპულ პერსპექტივას. საქართველო ეკუთვნის ევროპას. საქართველოს ხალხმა აირჩია ევროპული მომავალი და არავის აქვს უფლება მათ ეს წაართვას”, – წერს ლიეტუვის პრეზიდენტი, გიტანას ნაუსედა.
საქართველოს დასავლური ტრაექტორია რისკის ქვეშაა — აშშ-ის სახელმწიფო დეპარტამენტი
ამერიკის შეერთებული შტატების სახელმწიფო დეპარტამენტი რუსული კანონის მიღების მცდელობას კრიტიკული განცხადებით ეხმაურება და აღნიშნავს, რომ საქართველოს დასავლური ტრაექტორია რისკის ქვეშაა. ასევე, სახდეპი ხაზს უსვამს, რომ კანონზე მთავრობის ნარატივები ყალბია.
“შეერთებული შტატები გმობს კრემლის მიერ შთაგონებულ „უცხოური გავლენის” კანონმდებლობის წინ წაწევას საქართველოს პარლამენტში და მთავრობის ოფიციალური პირების ყალბ ნარატივს, რომელსაც მის დასაცავად მიმართეს. მმართველი პარტიის წევრები ცხადად ამბობენ, რომ კანონის მიზანია, ჩაახშოს კრიტიკული ხმები და გაანადგუროს საქართველოს მრავალფეროვანი სამოქალაქო საზოგადოება, რომელიც ნებისმიერ დემოკრატიულ ქვეყანაში მთავრობის კონტროლის უმნიშვნელოვანეს როლს ასრულებს”, — ვკითხულობთ განცხადებაში.
დიდი ბრიტანეთის საელჩოს განცხადება
ვგმობთ ძალადობას მშვიდობიანი დემონსტრანტების წინააღმდეგ — აშშ-ის სახელმწიფო დეპარტამენტი
სახელმწიფო დეპარტამენტი აცხდებს იმასაც, რომ ეს კანონი და ქართული ოცნების ანტიდასავლური რიტორიკა საქართველოს სახიფათო გზაზე აყენებს — საქართველოს მთავრობის განცხადებები და ქმედებები შეუსაბამოა დემოკრატიულ ღირებულებებთან, რომელიც ევროკავშირისა და ნატოს წევრობის საფუძველშია და ძირს უთხრის საქართველოს ევროატლანტიკური ინტეგრაციის გზას.
პარლამენტში დღეს დაგეგმილი ბიუროს და პლენარული სხდომები აღარ გაიმართება
საქართველოს პარლამენტის ინფორმაციით, დღეს, 2 მაისს, საკანონმდებლო ორგანოში დაგეგმილი ბიუროსა და პლენარული სხდომები აღარ გაიმართება.
პარლამენტის განცხადებით, “საპროტესტო აქციის მონაწილეების მიერ საქართველოს პარლამენტის სასახლეზე განხორციელებული თავდასხმის შედეგად დაზიანდა პარლამენტის შენობა და ინფრასტრუქტურა” და ამ დროისთვის მიმდინარეობს გაწმენდითი და აღდგენითი სამუშაოები.
ამ დროისთვის რუსთაველის გამზირზე აქციის რამდენიმე მონაწილეღა დარჩა
მას შემდეგ, რაც შსს-ს წარმომადგენლებმა წყლის ჭავლი ჭიჭინაძის ქუჩაზეც გაუშვეს და მოქალაქეები რუსთაველის გამზირზე გადაიყვანეს, ტერიტორიაზე გამოჩნდა საპატრულო პოლიციის დეპარტამენტის უფროსი, ვაჟა სირაძე. მან შეკრებილებს გზის სავალი ნაწილის გათავისუფლებისკენ მოუწოდა არგუმენტით, რომ გზა მანქანებისთვის უნდა გაიხსნას და მერიის შესაბამისმა სამსახურმა ტერიტორია დაასუფთაოს. რამდენიმე წუთში იქვე ორი ადამიანი დააკავეს, რომელთა შესახებ ვაჟა სირაძემ თქვა, რომ არაფხიზელ მდგომარეობაში იყვნენ და პოლიციას შეურაცხყოფას აყენებდნენ, რასაც აქციის მონაწილემ ტყუილი უწოდა.
პარლამენტთან აქცია დაახლოებით 12 საათის განმავლობაში გრძელდებოდა. მოქალაქეები ქართული ოცნების მიერ რუსული კანონის მეორე მოსმენით მხარდაჭერას აპროტესტებდნენ. აქციაზე ხელისუფლებამ გამოიყვანა სპეცრაზმი, რომელმაც მოქალაქეების წინააღმდეგ გაუფრთხილებლად გამოიყენა წყლის ჭავლი, ცრემლსადენი გაზი და წიწაკის სპრეი, ასევე, რეზინის ტყვიები, რომელთა გამოყენებას შსს უარყოფს, თუმცა მედიაში გავრცელდა როგორც ტყვიების, ასევე, დაშავებული ადამიანების ფოტოები.
ვიდეო — პარლამენტის წინ პოლიცია აქციის მონაწილეს აკავებს
პარლამენტის წინ პოლიციამ აქციის 2 მონაწილე დააკავა
საპატრულო პოლიციის დეპარტამენტის უფროსის, ვაჟა სირაძის, თქმით, 2 პირი ნასვამ მდგომარეობაში პოლიციას აყენებდა სიტყვიერ შეურაცხყოფას, რის შემდეგაც სამართალდამცავებმა ისინი დააკავეს.
ერთ-ერთი დემონსტრანტი ამ ინფორმაციას აბსოლუტურ ტყუილს უწოდებს. მისი თქმით, არავითარ სიტყვიერ შეურაცხყოფას ადგილი არ ჰქონია, მოქალაქე უბრალოდ იდგა და პოლიციამ დააკავა.
პოლიცია გზის გახსნას ცდილობს და აქციის მონაწილეებს გზის სავალი ნაწილის გათავისუფლებისკენ მოუწოდებს
პარლამენტთან გამოჩნდა საპატრულო პოლიციის დეპარტამენტის უფროსი ვაჟა სირაძე და დემონსტრანტებისკენ დაიძრა.
„აქციის მონაწილეებს უნდა მოვუწოდო, რომ გადმოვიდნენ და პროტესტი გააგრძელონ პარლამენტის წინ. ამის სათქმელად მივდივარ“, — განუცხადა მან მედიას.
დაკავებულებთან დაკავშირებით დასმულ კითხვაზე ვაჟა სირაძემ განაცხადა, რომ „არაერთი ძალადობრივი ფაქტი მოხდა აქციის მონაწილეების მხრიდან. ყველამ დაინახეთ ძალიან კარგად. შესაბამისი რეაგირება მოყვება ყველა სამართალდარღვევას. ჩვენ არაერთხელ მოვუწოდეთ აქციის მონაწილეებს, რომ არ გასცდენოდნენ შეკრებისა და მანიფესტაციების შესახებ კანონით გათვალისწინებულ ჩარჩოებს, მაგრამ, სამწუხაროდ, არაერთი ტელევიზიით გაშუქდა ის ძალადობრივი ფაქტები, რომლებსაც აქციის გარკვეული მონაწილეები ახდენდნენ პარლამენტის ირგვლივ“.
ვიდეო — ჩიტაძის ქუჩის შემდეგ საპოლიციო ძალებმა აქციის მონაწილეების წინააღმდეგ წყლის ჭავლი გამოიყენეს ჭიჭინაძის ქუჩაზეც
ჩიტაძის ქუჩის შემდეგ საპოლიციო ძალებმა აქციის მონაწილეების წინააღმდეგ წყლის ჭავლი გამოიყენეს ჭიჭინაძის ქუჩაზეც.
დემონსტრანტებმა აქაც სცადეს ბარიკადების აღმართვა, თუმცა პარლამენტის ეზოდან გამოსულმა პოლიციელებმა მათ ამის საშუალება არ მისცეს და შეკრებილები რუსთაველის გამზირზე გადაიყვანეს.
ჭიჭინაძის ქუჩაზე სიტუაცია დაიძაბა
ჭიჭინაძის ქუჩაზე პარლამენტის ჭიშკრიდან აქციის მონაწილეებს წყლის ჭავლი შეასხეს.
ამის შემდეგ ჭიჭინაძის ქუჩაზე საპოლიციო დანაყოფი გამოჩნდა, რუსთაველის მიმართულებით დაიძრა და დაიკავა პარლამენტის წინ მიმდებარე ტერიტორია.
აქციის მონაწილეებს რუსთაველზე, ქაშუეთის ეკლესიის წინ ტერიტორიაზე მოუწიათ ჩამოსვლა.
ფოტოები — საპროტესტო აქციის მდგომარეობა 03:50 საათისთვის
აქციის მონაწილეები რამდენიმე საათის განმავლობაში ცდილობდნენ ჩიტაძის ქუჩის მხრიდან პარლამენტის შესასვლელის ბლოკირებას, რათა შეეჩერებინათ სპეცრაზმის მიერ წყლის ჭავლის გამოყენება. ამ ეტაპზე ბარიკადებზე ასული მოქალაქეები ამბობენ, რომ პარლამენტის ეზოში სპეცდანიშნულების რაზმის წარმომადგენლები აღარ ჩანან.
ჩიტაძის ქუჩაზე მოქალაქეები ამ დრომდე რჩებიან. ისინი რუსული კანონის საწინააღმდეგო შეძახილებს სკანდირებენ, მღერიან, ბურთს თამაშობენ.
რამდენიმე საათის განმავლობაში სპეცრაზმმა ჩიტაძის ქუჩაზე შეკრებილების მისამართით არაერთხელ გამოიყენა წყლის ჭავლი, ცრემლსადენი გაზი. ასევე, წიწაკის სპრეი და რეზინის ტყვიები, თუმცა შსს რეზინის ტყვიების გამოყენებას უარყოფს, მიუხედავად იმისა, რომ არსებობს ფოტოები და არაერთი დაშავებული.
ფოტოები — სანამ პარლამენტის ეზოში გამაგრებული სპეცრაზმის ნაწილი აქციის მონაწილეებს წყლის ჭავლს უშვერს, მეორე ნაწილი თავისუფლების მოედანზე ისვენებს.
ფოტო — თავისუფლების მოედანზე წამოწოლილი სპეცრაზმი
ფოტოები — ნიუ-იორკში, ბრუკლინში, რუსული კანონის საწინააღმდეგო აქციაზე ევროკავშირისა და საქართველოს დროშები გაშალეს
ვიდეო — აქციის მონაწილეები ქუჩას ასუფთავებენ
ვიდეო — ნიუ-იორკში, ბრუკლინში, რუსული კანონის საწინააღმდეგო აქციაზე ნოდიკო ტატიშვილმა და სხვა მონაწილეებმა საქართველოს ჰიმნი შეასრულეს
მსოფლიოსი უდიდესმა ჰაკერულმა დაჯგუფება „ანონიმუსმა“ ქართული ოცნების და POSTV-ს საიტები დაჰაკა
„ანონიმუსმა დაჰაკა საქართველოს მმართველი პარტიის (http://gd.ge) და მასთან აფილირებული პროპაგანდისტული მედიასაშუალების, POSTV-ის (http://postv.media), საიტები.
მივმართავთ საქართველოს მარიონეტ მთავრობას, რომელსაც რუსეთი მართავს: ჩვენი გაფრთხილების მიუხედავად, თქვენ გადაწყვიტეთ, რომ უგულებელგეყოთ ჩვენი მოთხოვნა, შეგეჩერებინათ პოლიციის მხრიდან ძალადობა დემონსტრანტების მიმართ, და გააგრძელეთ მათზე ძალადობა, შევიწროება და მათი დაზიანება. თქვენივე მოქალაქეების წინააღმდეგ თქვენი არაჰუმანური მოქმედებებისთვის ჩვენ გავაგრძელებთ თქვენი მთავრობის თითოეული ინტერნეტ-ქონების გათიშვას. ეს არ არის მუქარა, ეს დაპირებაა. მანამ, სანამ სამართალი იზეიმებს, მას დაჰაკვა და პროტესტი ჩაანაცვლებს. უსაფრთხოებისა და დემოკრატიისთვის ბრძოლა გაამართლებს თქვენს ვირტუალურ ინფრასტრუქტურაზე თავდასხმას.
არ დაგავიწყდეთ: საქართველო არ არის რუსეთი და არც არასდროს იქნება“, — წერს დაჯგუფება X-ზე.
დაჯგუფებამ გუშინ კიდევ ერთი განცხადება გაავრცელა, სადაც მიმართა შინაგან საქმეთა სამინისტროს და ქართულ ოცნებას და ხაზი გაუსვა, რომ აქციის მონაწილეებზე თავდასხმას თანამდებობის პირების შესახებ ინფორმაციის გასაჯაროვება მოჰყვება.
🚨Anonymous has taken down the websites of Georgia’s ruling party (https://t.co/x308tB4f5U) and its affiliated propaganda media outlet POSTV (https://t.co/agcw4dEyOf)
— Anonymous TV 🇺🇦 (@YourAnonTV) May 1, 2024
– To the puppet government of Georgia, controlled by Russia: Despite our warning, you have decided to disregard… pic.twitter.com/6mnCeim9Zn
ფოტო — პარლამენტის შესასვლელი ჩიტაძის ქუჩიდან
ფოტოები — ნიუ-იორკში, ბრუკლინში მცხოვრებმა ქართველებმა რუსული კანონის საწინააღმდეგო აქცია გამართეს
ვიდეო — აქციის მონაწილე გულის ჟესტით, წყლის ჭავლის პირისპირ
ფოტო — ამ დროისთვის არსებული ვითარება ჩიტაძის ქუჩაზე
ამ დროისთვის არსებული ვითარება ჩიტაძის ქუჩაზე, სადაც სპეცრაზმი პერიოდულად იყენებს წყლის ჭავლსა და ცრემლსადენ გაზს. გამოყენებყლი იყო წიწაკის სპრეიც და რეზინის ტყვიებიც. გაუშვეს ცეცხლმაქრი ქაფიც.
ვიდეო — სიტუაცია ჩიტაძეზე უცვლელია
პარლამენტის ეზოდან პერიოდულად უშვებენ წყლის ჭავლსა და ცრემლსადენ გაზს. დემონსტრანტები დროებით ტოვებენ ტერიტორიას, შემდეგ კი ისევ უკან ბრუნდებიან.
მოვუწოდებ ევროკომისიას, შეუჩეროს [საქართველოს] კანდიდატის სტატუსი და შეამციროს ეკონომიკური დახმარება — ევროპარლამენტარი პეტრას აუსტრევიჩიუსი
„საქართველოს მმართველმა პარტიამ, ქართულმა ოცნებამ, ვერ მოახერხა ქვეყნის კანდიდატის სტატუსისთვის ფეხის აწყობა, რადგან უცხოური ჩარევის შესახებ კანონის მიღება უკან გადადგმული ნაბიჯია დემოკრატიული პრინციპებიდან.
მოვუწოდებ ევროკომისიას, შეუჩეროს [საქართველოს] კანდიდატის სტატუსი და შეამციროს ეკონომიკური დახმარება“, — წერს ევროპარლამენტარი პეტრას აუსტრევიჩიუსი X-ზე.
დაშავებულებს აღენიშნებათ ჭრილობები თავისა და სხეულის სხვადასხვა ნაწილზე, ინტოქსიკაცია და სასუნთქი გზების გართულებები — ჯანდაცვის სამინისტრო
საქართველოს ჯანდაცვის სამინისტროს ინფორმაციით, სხვადასხვა სამედიცინო დაწესებულებაში გადაიყვანილია პირველი მაისის საპროტესტო აქციაზე დაშავებული 8 სამოქალაქო პირი, რომელთაგან ერთი გაწერილია კლინიკიდან.
„დაშავებულებს აღენიშნებათ სხვადასხვა სახის დაზიანებები, მათ შორის: ჭრილობები სახის, თავისა და სხეულის სხვადასხვა ნაწილზე, ასევე — ინტოქსიკაცია და სასუნთქი გზების გართულებები. ამ ეტაპზე, სამედიცინო დაწესებულებაში ჰოსპიტალიზებული პაციენტების ჯანმრთელობის მდგომარეობა დამაკმაყოფილებელია. მათ უტარდებათ სათანადო მკურნალობა და იმყოფებიან დაკვირვების ქვეშ“, — აცხადებენ უწყებაში.
მათივე ინფორმაციით, საპროტესტო აქციის მიმდებარე ტერიტორიაზე მობილიზებულია საგანგებო სიტუაციების კოორდინაციისა და გადაუდებელი დახმარების 20 ბრიგადა.
„ადგილზე სამედიცინო დახმარება გაეწია ათობით მოქალაქეს, მათ შორის – ერთ სამართალდამცავს. მათ ძირითადად აღენიშნებოდათ თავის ტკივილი და თვალების წვა“.
უწყება განმარტავს, რომ სამედიცინო პერსონალი უზრუნველყოფს ყველა მოქალაქისთვის საჭირო სამედიცინო მომსახურებას. მათივე თქმით, სასწრაფო დახმარების სათადარიგო ბრიგადები დამატებით მობილიზებულია, ასევე, რუსთაველის გამზირის მიმდებარე ტერიტორიაზე, აქციის დაწყების დროიდან.
ქართველმა ხალხმა დემოკრატია და ევროატლანტიკური მომავალი აირჩია — აშშ-ის ჰელსინკის კომისია
„ქართველმა ხალხმა დემოკრატია და ევროატლანტიკური მომავალი აირჩია. აშშ ყოველთვის მხარს დაუჭერს ამ არჩევანს და იდგება მათ გვერდით, მათ წინააღმდეგ, ვინც მათ თავისუფლებას თრგუნავს“, — წერს აშშ-ის ჰელსინკის კომისია.
ნიუ ჰოსპიტალში შეყვანილია აქციაზე დაშავებული ორი ადამიანი
ნიუ ჰოსპიტალის ექიმის ინფორმაციით, კლინიკაში შეყვანილია აქციაზე დაშავებული ორი ადამიანი. მისი თქმით, დაშავებულები დაახლოებით 25-30 წლის კაცები არიან, რომელთაგან ერთს სახის და სხეულის დაზიანება წიწაკის სპრეის შედეგად აქვს მიღებული, აქვს კანის გაღიზიანება და თვალების წვა. მისი მდგომარეობა მსუბუქად მიიჩნევა. რაც შეეხება მეორე დაშავებულს, მას აქვს მარჯვენა თვალბუდის და თვალის დაზიანება. ექიმმა აღნიშნა, რომ „ეს შეიძლება იყო რაღაც ნასროლი, შეიძლება იყოს ბლაგვი საგანი ჩარტყმული“.
ექიმის ინფორმაციით, მხედველობას საფრთხე არ ემუქრება — კვლევა ჩატარებულია, ტომოგრაფია გადაღებულია, თვალზე ოპერაცია არ იგეგმება, ჭრილობას დაამუშავებენ და დაკვირვების მიზნით ორივე პაციენტი კლინიკაში დარჩება.
ფორმულას ჟურნალისტი, ნიკა საჯაია, სასწრაფო სამედიცინო დახმარების მანქანაში იმყოფება
„ნიკა საჯაია შეუძლოდ გახდა უკვე მერამდენედ, დიდი რაოდენობით მხუთავი აირის ყლაპვის გამო. იმედია, რომ ისიც უკეთ იქნება.
ეს უკვე ჩვენი მეორე კორესპონდენტია, რომელიც დღეს რეპორტაჟის წაყვანის დროს ცუდად გახდა. სალომე ბოკუჩავა (ფორმულას პირველი დაშავებული ჟურნალისტი) ახლა უკეთესადაა.
ნიკამ, როგორც ჩანს, ვერ გაუძლო ამ მდგომარეობას, მიუხედავად იმისა, რომ ჩვენი ჟურნალისტები და ოპერატორები ნიღბებით მუშაობენ ადგილზე“, — განაცხადა პირდაპირ ეთერში „ფორმულას“ ტელეწამყვანმა გიორგი თარგამაძემ.
ვიდეო — ჩიტაძეზე გაზი ისევ გაუშვეს
დემონსტრანტები პარლამენტის წინ გადმოვიდნენ, სადაც მოხალისეებმა პირველადი დახმარება აღმოუჩინეს.
ბიძინა ივანიშვილის ფოტო აქციიდან
ფოტოები აქციიდან
ჩიტაძის ქუჩაზე პარლამენტის შენობიდან პერიოდულად უშვებენ ცრემლსადენ გაზსა და წყლის ჭავლს.
მოქალაქეები მცირე ხნით რუსთაველზე ინაცვლებენ და ისევ უკან ბრუნდებიან.
პუბლიკას ვიდეო — რუსთაველის გამზირი დღეს
კადრები გადაღებულია დარბევამდე.
ფოტო — რუსთაველის გამზირს დემონსტრანტები არ ტოვებენ
ჩიტაძის ქუჩაზე ისევ უშვებენ ცრემლსადენ გაზს, წყლის ჭავლსა და წიწაკის სპრეის.
ფოტო — წარწერები ავტობუსის გაჩერებაზე
“საქართველო, შენი გზა გარკვეულია!”
“იცნობდე შენს მტერს!”
“გაიფიცე!”
ფოტო — მოქალაქეები აქციის მონაწილეებს წყალს, საკვებს და პირველადი მოხმარების ნივთებს უფასოდ სთავაზობენ
TV პირველი — გზა გადაკეტილია ორივე სანაპიროზე
შსს-ს სპეციალური ბრიფინგი
შსს ამტკიცებს, რომ რეზინის ტყვიები არ გამოუყენებია, თუმცა ჟურნალისტებმა გადაიღეს ტყვიები და დაშავებული მოქალაქეები, რომლებსაც აქვთ ჭრილობები.
შინაგან საქმეთა სამინისტროში მინისტრის მოადგილე ალექსანდრე დარახველიძემ საგანგებო ბრიფინგი გამართა, სადაც თქვა, რომ უწყებას აქციის მონაწილეების წინააღმდეგ რეზინის ტყვიები არ გამოუყენებია. რამდენიმე ჟურნალისტმა, მათ შორის, მედია აპრილის ფოტოგრაფმა გადაიღო ტყვიები და დაშავებული მოქალაქეები. ასევე, მედიაში გავრცელდა კადრები, სადაც ჩანს, რომ რამდენიმე მოქალაქეს ჭრილობა აქვს. თუმცა შსს-ს მტკიცებით, “მიუხედავად იმისა, რომ სრული სამართლებრივი საფუძველი ჰქონდათ”, არ გამოუყენებიათ რეზინის ტყვიები.
მინისტრის მოადგილემ ასევე თქვა, რომ მას შემდეგ, რაც სრულად მოხდა პარლამენტის შენობის დატოვება და აღარ არსებობდა დეპუტატებზე ინდივიდუალური თავდასხმების რისკი, სამინისტრომ მიიღო გადაწყვეტილება, ეტაპობრივად გაეთავისუფლებინა დაკავებული ტერიტორია და პროტესტის მონაწილეებს ჰქონდათ შესაძლებლობა, მშვიდ გარემოში, პარლამენტის მიმდებარე ტერიტორიაზე გამოეხატათ პროტესტი. მან აღნიშნა, რომ მიუხედავად პოლიციის და აქციის მონაწილეების არაერთი მოწოდებისა, “აქციის მონაწილეთა ჯგუფი ძალადობით ცდილობდა ჩიტაძის მხრიდან არსებული პარლამენტის შესასვლელის რკინის კარის დაზიანებას” და “ცდილობდნენ უნებართვოდ შეღწევას პარლამენტის ტერიტორიაზე”.
მინისტრის მოადგილე აქედან გამომდინარე ამბობს, რომ “აშკარად იყო გამოკვეთილი ძალადობრივი ხასიათის ქმედებები” და მოგვიანებით შინაგან საქმეთა სამინისტრომ გამოიყენა კანონით დადგენილი სპეციალური საშუალებები, ცრემლსადენი გაზი და ე.წ. წიწაკის სპრეი. დარხველიძე არ განმარტავს, რატომ არ გააფრთხილეს მოქალაქეები ამის შესახებ წინასწარ, რაც კანონით ევალებათ.
გარდა ამისა, შსს ამტკიცებს, რომ “აქციის მონაწილეები ძალადობრივი ქმედებებით, სხვადასხვა ნივთებისა და კონსტრუქციების გამოყენებით, ასევე, გაურკვეველი წარმოშობის ცრემლსადენი აირის გამოყენებით ცდილობენ პარლამენტის შენობაში შეჭრას და ახორციელებენ თავდასხმებს პარლამენტის შენობის ეზოში მყოფ პოლიციელებზე”.
დარახველიძის თქმით, ბოლო ორი დღის განმავლობაში დაშავდა უწყების 7 თანამშრომელი და ერთს ოპერაციაც დასჭირდა. შს მინისტრის მოადგილე არაფერს ამბობს უწყების მიერ აქციის დარბევის შედეგად დაზარალებულ მოქალაქეებზე.
“მიუხედავად იმისა, რომ აქცია არის ძალადობრივი ხასიათის შინაგან საქმეთა სამინისტროს ამ დრომდე არ განუხორციელებია აქციის შეწყვეტისთვის საჭირო ღონისძიებები, კერძოდ, ე.წ. რობოკოპების მეშვეობით ტერიტორიის გაწმენდა, შესაბამისად სრულიად გაუგებარია, ზოგიერთი ტელეარხის მიერ გავრცელებული ინფორმაცია, თითქოს აქციის მონაწილეები ცდილობენ სამართალდამცველებისგან თავის დაცვას, მაშინ როცა ამ დროისთვის სამართალდამცველები იმყოფებიან პარლამენტის შიდა ტერიტორიაზე და ცდილობენ პარლამენტის შენობაში უნებართვო შეჭრას”, — ამტკიცებს დარახველიძე.
აქვე უნდა აღინიშნოს, რომ შსს-ს წარმომადგენლები მოქალაქეების წინააღმდეგ წყლის ჭავლს, ცრემლსადენ გაზს, წიწაკის სპრეისა და რეზინის ტყვიებს პარლამენტის ტერიტორიიდან იყენებს, დაშავებულია აქციის რამდენიმე მოქალაქე, ზოგიერთს აქვს ჭრილობა, ერთ მათგანს კი თვალი აქვს დაზიანებული.
შსს ამბობს იმასაც, რომ აქციის მონაწილეებს გადაკეტილი აქვთ ორივე სანაპირო და “ახდენენ ხელოვნურად საავტომობილო მოძრაობის პარალიზებას”. დარახველიძის თქმით, კანონდებლობის მიხედვით, აკრძალულია ტრანსპორტის სავალი ნაწილის ხელოვნურად გადაკეტვა, აგრეთვე, აკრძალულია ტრანსპორტის გადაადგილებისათვის განზრახ დაბრკოლებების შექმნა.
მინისტრის მოადგილემ ასევე თქვა, რომ პოლიციელებსა და ადმინისტრაციულ შენობებზე თავდასხმა “არ წარმოადგენს შეკრებისა და მანიფესტაციის უფლებით დაცულ სფეროს”. უწყება მოუწოდებს აქციის მონაწილეებს, “შეწყვიტონ ძალადობრივი და კანონსაწინააღმდეგო ქმედებები და პროტესტი გამოხატონ მშვიდ ფორმაში, წინააღმდეგ შემთხვევაში, პოლიცია იძულებული იქნება გამოიყენოს კანონით დადგენილი სპეციალური საშუალებები და შეწყვიტოს აქციის მიმდინარეობა”.
ფოტო — მოქალაქეებმა მშრალი ხიდი გადაკეტეს
პროტესტი რამდენიმე ლოკაციაზე გრძელდება — პარლამენტთან, იუსტიციის სახლსა და მშრალ ხიდზე.
დილით ფეხი ვეღარ დავდგი, რომ იტყვიან, გაუსაძლისი ტკივილი მქონდა — მამუკა მდინარაძე
„დილით ფეხი ვეღარ დავდგი, რომ იტყვიან, გაუსაძლისი ტკივილი მქონდა და აღმოჩნდა, რომ 12-მილიმეტრიანი სეკვესტრირებული თიაქარით დავდიოდი. ხვალ დილით მიკეთებენ ოპერაციას ხერხემალზე და ამიტომ ვერ ვიყავი დღეს, ჩათვალეთ, 84-ე ხმა ჩემია“, — ასე განმარტთა ოცნების აღმასრულებელმა მდივანმა, მამუკა მდინარაძემ TV პირველთან სატელეფონო საუბარში, რატომ არ ესწრებოდა რუსული კანონის მეორე მოსმენით კენჭისყრას.
პარლამენტმა რუსულ კანონს მეორე მოსმენით მხარი დღეს დაუჭირა.
საქართველოს პარლამენტის განცხადებით, მიმდინარე წლის პირველი მაისის 23:00 საათიდან საკანონმდებლო ორგანოს შენობაში მოქმედებს უსაფრთხოების წითელი დონე
„საქართველოს პარლამენტის სასახლეზე განხორციელებული თავდასხმიდან გამომდინარე, რომელიც საშიშროებას უქმნის პარლამენტის სასახლეში მყოფი პირების სიცოცხლესა და ჯანმრთელობას, ცხადდება უსაფრთხოების წითელი დონე. წითელი დონის დროს ყველა პირი, გარდა პარლამენტის აპარატის უფროსის მიერ საფრთხის სპეციფიკისა და მისი თავიდან აცილების საჭიროების შესაბამისად განსაზღვრული პირებისა, ვალდებულია დატოვოს პარლამენტის სასახლე“, — აღნიშნულია განცხადებაში.
პარლამენტში ასევე ამბობენ, რომ აღნიშნული ღონისძიების მიზანია საქართველოს პარლამენტის სასახლეში მყოფი პირების სიცოცხლისა და ჯანმრთელობის დაცვა.
არ გამოგვიყენებია რეზინის ტყვიები — შს მინისტრის მოადგილე
შინაგან საქმეთა მინისტრის მოადგილის, ალექსანდრე დარახველიძის, თქმით, სამართალდამცავებს არ გამოუყენებიათ რეზინის ტყვიები, თუმცა არსებობს არაერთი ფოტო, რომელზეც რეზინის ტყვიები ნათლად ჩანს, და აქციაზე მყოფ არაერთ ადამიანს აქვს ფიზიკური დაზიანებები და სისხლდენა.
ფოტო — კადრი ჩიტაძის ქუჩიდან, სადაც სპეცრაზმი ინტენსიურად უშვებს ცრემლსადენ გაზს და წყლის ჭავლს
ვიდეო — ჩიტაძის ქუჩაზე, პარლამენტის ეზოდან სპეცრაზმი წყლის ჭავლს და ცრემლსადენ გაზს უშვებს და აქციის დაშლას ცდილობს
კვამლის გაფანტვამდე დემონსტრანტები ტოვებენ ტერიტორიას, შემდეგ კი უკან ბრუნდებიან.
აქციის მონაწილეების დიდი ნაწილი კი რუსთაველის გამზირზეა, კერძოდ ქაშუეთის ეკლესიიდან მეტრო რუსთაველის მინართულებით.
თბილისის „ლოკომოტივი“ — ჩვენ ღიად ვეუბნებით “არას” ინიცირებულ კანონს!
„ჩვენ როგორც საფეხბურთო კლუბი ლოკომოტივი ამ ჟესტით კიდევ ერთხელ ვუჭერთ მხარს ჩვენი ქვეყნის სწრაფვას ევროკავშირში!
ჩვენ ღიად ვეუბნებით „არას” ინიცირებულ კანონს!
გაუმარჯოს საქართველოს! 
“, — წერს საფეხბურთო კლუბი ფეისბუქზე.
უარი თქვით ადამიანის უფლებების დაცვასთან შეუთავსებელ ძალადობრივ პრაქტიკაზე — საია შსს-ს
საქართველოს ახალგაზრდა იურისტთა ასოციაცია რუსული კანონის საწინააღმდეგო აქციის ძალადობრივ დაშლას ეხმიანება და მოუწოდებს:
- შინაგან საქმეთა სამინისტროს: უარი თქვას კანონსაწინააღმდეგო, ადამიანის უფლებების დაცვასთან შეუთავსებელ და ღირსების შემლახავ ძალადობრივ პრაქტიკაზე;
- სპეციალური დანიშნულების რაზმის თანამშრომლებს: არ დაემორჩილონ უკანონო ბრძანებებს და არ გამოიყენონ ძალადობრივი მეთოდები მშვიდობიანი დემონსტრანტების წინააღმდეგ.
სამართალდამცავებმა ქაფის მსგავსი ნივთიერება გაუშვეს
როგორც კადრებში ჩანს, რუსული კანონის საწინააღმდეგო აქციაზე პარლამენტის ჭიშკრიდან ჩიტაძის ქუჩაძე ქაფის მსგავსი ნივთიერება გაუშვეს.
უცნობია, ზუსტად რა ნივთიერებაა ეს ან რა იყო მისი გამოყენების მიზანი.
ფოტო აქციიდან
ფოტო — კადრი ჩიტაძის ქუჩიდან
შინაგან საქმეთა სამინისტროში ბრიფინგი ჩაინიშნა
შინაგან საქმეთა სამინისტროში ბრიფინგი 00:00 საათზე გაიმართება.
ბრიფინგს შინაგან საქმეთა მინისტრის მოადგილე ალექსანდრე დარახველიძე გამართავს.
ფოტო — აქციის მონაწილეს თვალის არე დაუზიანდა
ფოტო — რეზინის ტყვიები ჩიტაძის ქუჩიდან
ვიდეო — ცრემლსადენი გაზის გაშვება პარლამენტთან და დაშავებული მოქალაქეები
ფოტო — დაზარალებული აქციიდან
LIVE: სპეცრაზმი აქციის დასაშლელად გაზს იყენებს – სიტუაცია პარლამენტთან
ფოტო — სპეცრაზმმა, სავარუდოდ, მშვიდობიანი დემონსტრანტების დასაშლელად რეზინის ტყვიები გამოიყენა
ფოტო — დემონსტრანტებმა ჩიტაძის ქუჩაზე ცეცხლი დაანთეს
ტაბულას ფოტო — თვალის არეში დაჭრილი მოქალაქე რუსთაველის გამზირზე
აშშ-ის სახელმწიფო დეპარტამენტის განცხადება
როგორც „ფორმულა“ იტყობინება, აშშ-ის სახელმწიფო დეპარტამენტმა კიდევ ერთხელ გააკეთა კომენტარი რუსული კანონის ირგვლივ მიმდინარე მოვლენებზე.
„ჩვენ შეშფოთებულები ვართ სამოქალაქო საზოგადოებისა და ოპოზიციური პარტიების მიმართ ესკალაციური რიტორიკით და ტონით. ასე არ იქცევა ევროკავშირის ასპირანტი ქვეყანა. და ეს არის კიდევ ერთი მაგალითი იმისა, რომ საქართველო თავის ევროატლანტიკურ ტრაექტორიას შორდება“, — განაცხადა აშშ-ის სახელმწიფო დეპარტამენტმა.
ცოტნე კობერიძის ვიდეო: „გაზმა რომ ფეხები მომჭამა ტყვია მესროლეს“
საქართველოს პრეზიდენტის Facebook მიმართვა
მნიშვნელოვანია, აქციის ორგანიზატორები და მონაწილეები არ გაცდნენ საქართველოს კონსტიტუციით დაცული მშვიდობიანი შეკრების უფლების ფარგლებს — სახალხო დამცველი
„ამ დროისთვის (22:25 სთ) სიტუაცია რამდენჯერმე დაიძაბა ჩიტაძის ქუჩის მხრიდან საქართველოს პარლამენტის შენობის ჭიშკართან, სადაც აქციის მონაწილეთა ნაწილი ცდილობდა ჭიშკრის მთლიანობის დაზიანებას“.
საქართველოს სახალხო დამცველი განმარტავს, რომ მართალია, შეკრების თავისუფლების ერთ-ერთი უმნიშვნელოვანესი ელემენტი შეკრების ადგილმდებარეობის არჩევის თავისუფლებაა, რასაც განსაკუთრებული დატვირთვა ენიჭება იმ შემთხვევაში, თუ კონკრეტული ადგილი/დაწესებულება პროტესტის ობიექტია ან კონკრეტულ ლოკაციაზე შეხედულებების გამოხატვა ყველაზე ეფექტიანი საშუალებაა პროტესტის ადრესატამდე მისაღწევად, თუმცა ამ ეტაპზე პარლამენტის შენობაში შეწყვეტილია საკანონმდებლო პროცესი და მნიშვნელოვანია, აქციის ორგანიზატორები და მონაწილეები არ გაცდნენ საქართველოს კონსტიტუციით დაცული მშვიდობიანი შეკრების უფლების ფარგლებს.
„სახალხო დამცველი კიდევ ერთხელ შეახსენებს ასევე შინაგან საქმეთა სამინისტროს, რომ შეკრების თავისუფლებაში ჩარევა დასაშვებია მხოლოდ იმ შემთხვევაში, თუ აქცია მიიღებს ძალადობრივ ან/და კანონსაწინააღმდეგო ხასიათს, რა დროსაც ხელისუფლების მხრიდან შეკრების შეწყვეტა უკანასკნელ საშუალებად უნდა იქნას გამოყენებული, ხოლო აღნიშნულის ფარგლებში ძალის გამოყენება უნდა აკმაყოფილებდეს აუცილებლობისა და პროპორციულობის მკაცრ ტესტს“, — წერია სახალხო დამცველის განცხადებაში.
ფოტოები პარლამენტთან მიმდინარე აქციიდან
ვიდეო — სპეცრაზმმა აქციაზე ცრემლსადენი გაზი და, სავარაუდოდ, რეზინის ტყვიები გამოიყენა. არიან დაშავებულები.
ვიდეო — ჩიტაძის ქუჩაზე აქციის მონაწილეების წინააღმდეგ ცრემლსადენი გაზი გაუშვეს
ვადევნებ თვალს საქართველოში მიმდინარე სიტუაციას და ვგმობ თბილისის ქუჩებში ძალადობას — ლაიენი
„დიდი შეშფოთებით ვადევნებ თვალს საქართველოში მიმდინარე ვითარებას და ვგმობ თბილისის ქუჩებში ძალადობას.
ქართველ ხალხს თავისი ქვეყნისთვის უნდა ევროპული მომავალი.
საქართველო ახლა გზაჯვარედინზეა. ის უნდა დარჩეს ევროპისკენ მიმავალ გზაზე“, — დაწერა ევროკავშირის პრეზიდენტმა ურსულა ფონ დერ ლაიენმა X-ზე.
I am following the situation in Georgia with great concern and condemn the violence on the streets of Tbilisi.
— Ursula von der Leyen (@vonderleyen) May 1, 2024
The Georgian people want a European future for their country.
Georgia is at a crossroads. It should stay the course on the road to Europe.
აქციის დაშლისას მოზარდი დაშავდა — თვითმხილველის თქმით, მას, სავარაუდოდ, რეზინის ტყვია მოხვდა
მედიაში ვრცელდება კადრები, სადაც ჩანს, რომ აქციის მინიმუმ ერთი მონაწილე დაჭრილია. მას სისხლი სდის. ფორმულას ჟურნალისტის ინფორმაციით, ერთი მოქალაქე დაჭრილია ფეხში, ერთი მუცლის არეში
სპეცრაზმმა ცრემლსადენი გაზი გაუშვა რუსთაველის გამზირზეც
აქციის მონაწილეები გახდნენ აგრესიულები — შსს-ს განცხადება
მას შემდეგ, რაც აქციის მონაწილეების წინააღდეგ წიწაკის სპრე და წყლის ჭავლი გამოიყენეს, შსს-მ განცხადება გაავრცელა.
შინაგან საქმეთა სამინისტრო ამბობს, რომ “მართლწესრიგის აღდგენის მიზნით, გამოიყენეს კანონით დადგენილი სპეციალური საშუალება, ე.წ. წიწაკის სპრეი და წყლის ჭავლი”. უწყების მტკიცებით, მას შემდეგ, რაც შსს-ს დანაყოფებმა დატოვეს პარლამენტის მიმდებარე ტერიტორია, “აქციის მონაწილეები გახდნენ აგრესიულები” და საკანონმდებლო ორგანოს შესასვლელი რკინის კარების დაზიანება სცადეს.
შსს მოუწოდებს აქციის თითოეულ მონაწილეს, მშვიდად გამოხატონ პროტესტი, არ დაუშვან ძალადობრივი ქმედებები და დაემორჩილონ სამართალდამცველების კანონიერ მითითებას.
“კანონდარღვევის ნებისმიერ ქმედებებზე პოლიცია სამართლებრივ რეაგირებას მოახდენს”, — აცხადებენ უწყებაში.
ჩიტაძის ქუჩაზე სპეცრაზმმა დემონსტრანტების წინააღმდეგ წიწაკის სპრეი და წყლის ჭავლი გამოიყენა.
ჩიტაძის ქუჩაზე სპეცრაზმმა წიწაკის სპრეი გამოიყენა
ვითარება ჩიტაძის ქუჩაზე, პარლამენტის შენობასთან
ომში დაღუპული ჯარისკაცების ოჯახის წევრების განცხადება
პოსტერი აქციიდან “არა რუსულ კანონს, კი ევროპას”
წარწერა პარლამენტის კედელზე
პოლიციელებს, რომლებმაც რუსული კანონის მხარდამჭერ დეპუტატებს კორდონი გაუკეთეს, ტერიტორიის დატოვება სტვენის და ამ შეძახილების ფონზე მოუწიათ
მიმდინარე ვითარება ჩიტაძის ქუჩაზე, პარლამენტის შენობასთან
საქართველოს საპატრიარქოს პრესსამსახურის განცხადება
ვიდეო: რუსთაველზე საპროტესტო აქცია გრძელდება
შსს: პარლამენტიდან გავიყვანეთ დეპუტატები და აპარატის თანამშრომლები, გადიან პოლიციის კორდონებიც
შინაგან საქმეთა სამინისტრო წერს, რომ პარლამენტიდან დეპუტატები და პარლამენტის აპარატის თანამშრომლები უსაფრთხოდ გაიყვანეს და ჩიტაძისა და ჭიჭინაძის ქუჩებიდან პოლიციის კორდონები გაჰყავთ.
იაპონური ენისა და კულტურის ცენტრი: ჩვენი დაწესებულების კარები დღეს ღამით ღია იქნება
პარლამენტის უკან განლაგებული ათეულობით პოლიციელი უკან იხევს და ტერიტორიას აქციის მონაწილეები იკავებენ, რომლებიც მანამდე ჭიჭინაძის ქუჩაზე იდგნენ
რუსთაველის გამზირი ახლა
დემონსტრანტთა ნაწილმა პარლამენტის გვერდითა შესასვლელებთან გადაინაცვლა. ნაწილი მსვლელობას გეგმავს, ნაწილი კი რუსთაველზე რჩება.
პარლამენტმა რუსულ კანონს მეორე მოსმენით მხარი დაუჭირა, რასაც აქციაზე შეხვდნენ შეძახილებით: “მონებო”, “რუსებო”
ბანერები მიმდინარე საპროტესტო აქციიდან
რუსული კანონის საწინააღმდეგო აქცია გაიმართა ბათუმშიც
პარლამენტის შენობის წინ აქცია მიმდინარეობს
ამ კანონზე უარის თქმა არავითარ შემთხვევაში არ შეიძლება — ირაკლი კობახიძე
საქართველოს პრემიერმინისტრმა ირაკლი კობახიძემ დღეს სპეციალური ბრიფინგი გამართა რუსული კანონპროექტის მხარდასაჭერად.
კობახიძემ აღნიშნა, რომ „გამჭვირვალობა არის ერთ-ერთი უმთავრესი ევროპული ღირებულება“, თუმცა ევროპელი პოლიტიკოსების განცხადებებს რუსული კანონის წინააღმდეგ მან „ცილისმწამებლური“ უწოდა და ამ განცხადებების ავტორებს დააკისრა პასუხისმგებლობა იმ ძალადობაზე, რომელსაც სამართალმდაცავებმა მშვიდობიანი დემონსტრანტების წინააღმდეგ მიმართეს.
GCRT აქციების დროს დაკავებულ და დაშავებულ პირებს გაუწევს უფასო სამედიცინო დახმარებას
პარლამენტმა რუსულ კანონს მეორე მოსმენით მხარი დაუჭირა
საქართველოს პარლამენტმა რუსულ კანონს მეორე მოსმენით მხარი დაუჭირა.
კენჭისყრაზე რეგისტრაცია გაიარა პარლამენტის 106-მა წევრმა. კანონპროექტს 83-მა დეპუტატმა დაუჭირა მხარი, 23-ის წინააღმდეგ.
იმისთვის, რომ კანონპროექტი კანონად იქცეს, საჭიროა სამი მოსმენა და, საბოლოოდ, მესამე მოსმენაზე კანონის მხარდაჭერა.
პრემიერის მორიგი განცხადება პრესკონფერენციაზე
ომბუდსმენის პირველადი შეფასებები რუსული კანონის საწინააღმდეგო აქციის ძალადობრივად დარბევაზე
საქართველოს სახალხო დამცველი რუსული კანონის საწინააღმდეგო აქციაზე მშვიდობიანი დემონსტრანტების დარბევის ფაქტს გამოეხმაურა.
აპარატის განცხადებაში ნათქვამია, რომ ლევან იოსელიანი მონიტორინგის ფარგლებში გაეცნო საჯაროდ ხელმისაწვდომ ვიდეოჩანაწერებს და გაესაუბრა დაკავებულებს, რის შემდეგაც მისი პირველადი შეფასებები წარადგინა.
საქართველოს პრემიერ-მინისტრმა გუშინდელ დარბევასთან დაკავშირებით პრესკონფერენციაზე ისაუბრა
საქართველოს პრემიერ-მინისტრმა მშვიდობიანი დემონსტრანტების ძალადობრივ დარბევაზე კომენტარი გააკეთა
ნინი ბადურაშვილი მშვიდობიანი დემონსტრანტების ძალადობრივ დარბევას ინსტაგრამის საშუალებით ეხმაურება
ამ ეტაპზე მოვახერხეთ 200 ცალი აირწინაღის შესყიდვა — ვოიაჟერ 365
ჩვენ გავაგრძელებთ ჩვენი სამშობლოსთვის ბრძოლას — გიორგი მარგველაშვილი
გაიწვიეთ უკან ეს კანონი და ბოდიში მოუხადეთ დაზარალებულებს — შოთა არველაძე
მრცხვენია, რომ შენ გვერდით ვითამაშე — კახა ალადაშვილი კახა კალაძეს
Scoot Scoot-ის ფასდაკლება ჩაფხუტებზე
დიზაინერი გიორგი ქებურია ნინო წილოსანის პოსტს ეხმაურება
რისი გათვალისწინებაა საჭირო დაკავების შემთხვევაში? — ედუარდ მარიკაშვილის პოსტი
კომლი აწყობს მოხალისეობრივ პუნქტს და მოქალაქეებს აქციისთვის საჭირო ნივთებს უფასოდ სთავაზობს
ფარმაცევტული კომპანია PSP მომხმარებლებს უფასოდ სთავაზობს ფიზიოლოგიურ ხსნარებსა და პირბადეებს
“17:00 საათზე, ყველანი პარლამენტთან” — არასამთავრობოები განცხადებას ავრცელებენ
არასამთავრობო ორგანიზაციები ერთობლივ განცხადებას ავრცელებენ და აღნიშნავენ, რომ “რუსულ კანონთან ბრძოლა გადამწყვეტ ფაზაში შედის”, ამიტომ მოქალაქეების სიმრავლე მნიშვნელოვანია.
“მნიშვნელოვანია, რომ ჩვენი სიმრავლე, სიძლიერე და ერთსულოვნება ქვეყნის ევროპული მომავლისთვის კიდევ ერთხელ ყველამ ერთად დავანახოთ, როგორც კონსტიტუციის მიღმა გასულ ხელისუფლებას, ასევე საერთაშორისო საზოგადოებას”, — აღნიშნულია განცხადებაში და გაჟღერებულია მოწოდება პოლიციისა და შსს-ის სხვა თანამშრომლების მიმართაც — “მოვუწოდებთ პოლიციელებს და შინაგან საქმეთა სამინისტროს სხვა თანამშრომლებს, არ შეასრულონ უკანონო ბრძანება და არაძალადობრივი პროტესტის მიმართ არ გამოიყენონ ძალა. ეს პროტესტი ყველა ჩვენთაგანის ევროპული, მშვიდობიანი და ბედნიერი მომავლის უზრუნველყოფას ემსახურება”.
აქცია — კი ევროპას! არა რუსულ კანონს! დღეს ისევ იმართება. პროტესტი 17:00 საათზე — პარლამენტის უკან არის დაგეგმილი.
მშვიდობიანი დემონსტრანტების ძალადობრივ დარბევას ეხმაურებიან ქართველი სპორტსმენებიც
ქართველი ცნობილი სახეები მშვიდობიანი დემონსტრანტების გუშინდელ დარბევას ინსტაგრამის საშუალებით ეხმაურებიან.
ამ ურთულესი გამოწვევებისას ევროპელი პარტნიორების მხარდაჭერა გვჭირდება — პრეზიდენტი კომპმანს
პრეზიდენტმა სალომე ზურაბიშვილმა ევროკავშირის სამეზობლო და გაფართოების საკითხებზე მოლაპარაკებების საკითხებში გენერალურ დირექტორთან, გერტ იან კოპმანთან შეხვედრისას განაცხადა, რომ ამ ურთულესი გამოწვევების დროს ქართველ ხალს ჩვენი ევროპელი პარტნიორებისა და მეგობრების მხარდაჭერა სჭირდება. მისივე თქმით, ნათელია, რუსეთი ყველა ხერხს იყენებს იმისათვის, რომ საქართველოს ევროპისკენ სვლა შეჩერდეს.
ზურაბიშვილმა ასევე აღნიშნა, რომ გასულ წელს კანდიდატის სტატუსის მოპოვებამ უდიდესი იმედი და სტიმული მისცა ქართველ ხალხს, რომელიც დღეს საქართველოს ევროპულ მომავალს იცავს.
„ცემა-ტყეპაა, ქალებსაც ესვრიან ბოთლებს ქართული ოცნების დეპუტატები“ — დაპირისპირებები პარლამენტში
დღეს საქართველოს პარლამენტში რუსული კანონის მეორე მოსმენით განხილვა მიმდინარეობს, რომელიც ხმაურითა და ფიზიკური დაპირისპირებებით დაიწყო. თეონა აქუბარდიას განცხადებით, „ოცნების დეპუტატები“ ქალებს ბოთლებსა და წიგნებს ესვრიან.
„ცემა-ტყეპაა, ქალებსაც ესვრიან ქართული ოცნების დეპუტატები. მივიდა პაპუაშვილი, იმიტომ რომ ხაბეიშვილისთვის ეთქვა, რომ წუხს, და თიკამ უთხრა, რომ გასულიყო, რადგან მათი წუხილი არავის არ სჭირდებოდა და დაიწყო შემდეგ ჩხუბი. მივიდნენ კაცები. ახლაც მიდის, ქალებს ესვრიან ბოთლებს, მიდის ფიზიკური ჭიდაობა“, — განაცხადა თეონა აქუბარდიამ.
რუსული კანონის განხილვიდან შალვა პაპუაშვილმა ოპოზიციონერი დეპუტატები გააძევა
პარლამენტის თავმჯდომარე შალვა პაპუაშვილმა რუსული კანონის მეორე მოსმენით განხილვისას პლენარულ სხდომათა დარბაზიდან ოპოზიციონერი დეპუტატები თაკო ჩარკვიანი და სალომე სამადაშვილი გააძევა. მოგვიანებით მან დარბაზის დატოვება მოსთხოვა კიდევ ორ დეპუტატს, გიორგი ბოტკოველსა და თინა ბოკუჩავას.
შალვა პაპუაშვილი ასევე მიკროფონს უთიშავს ყველა დეპუტატს, რომელიც, მისი თქმით, „არათემატურ“ საკითხებზე საუბრობს.
არა ტოტალიტარიზმს! — ფიზიკოსები გია დვალი და ზაზა ოსმანოვი აქციის დარბევაზე
ფიზიკოსები, გია დვალი და ზაზა ოსმანოვი საერთო წერილს ავრცელებენ, რომლითაც რუსული კანონის საპროტესტო მშვიდობიანი აქციის ძალადობრივ დარბევას ეხმიანებიან და აცხადებენ, რომ ისინი ახალი თაობის გვერდით დგანან. ფიზიკოსები წერენ, რომ რუსული კანონი მიმართულების განმსაზღვრელი ნიშნულია, დემოკრატიულ საზოგადოებად ჩამოვყალიბდებით თუ — ტოტალიტარული იმპერიის გუბერნიად.
დვალი და ოსმანოვი მოუწოდებენ პოლიციას, არ გამოიყენონ ძალა მშვიდობიანი მანიფესტანტების წინააღმდეგ, არამედ დაიცვას პროტესტის მონაწილეები, როგორც ეს 9 აპრილს იმდროინდელმა ქართულმა მილიციამ გააკეთა.
შსს-ს მიერ გამოყენებული ძალა გაუტოლდა წამებას, არაადამიანურ მოპყრობას — NGO-ები
არასამთავრობო ორგანიზაციების განცხადებით, შინაგან საქმეთა სამინისტროს მიერ 30 აპრილის მშვიდობიანი აქციის დარბევა არალეგიტიმური და არაპროპორციული იყო. მათივე თქმით, გამოყენებული ფიზიკური ძალა გაუტოლდა წამებას, არაადამიანურ დამამცირებელ მოპყრობას; ორგანიზაციები ასევე აღნიშნავენ, რომ ადმინისტრაციული დაკავების პრაქტიკა კვლავ შეკრების თავისუფლების მომეტებული შეზღუდვის ინსტრუმენტად იქცა.
NGO-ების განცხადების თანახმად, აქციის დარბევის შესახებ მიღებული გადაწყვეტილება უკანონო იყო ორი საფუძვლით:
- არ არსებობდა შესასვლელების ბლოკირების მიზეზით დემონსტრანტების დარბევის საფუძველი;
- ასეთი საფუძვლის არსებობის შემთხვევაშიც კი, არ არსებობდა მთლიანი აქციის დარბევის სამართლებრივი წინაპირობა.
მშვიდობიანი შეკრების ჩასახშობად ძალის გამოყენება დაუშვებელია — ჯოზეფ ბორელი
„კატეგორიულად ვგმობ საქართველოში აქციის იმ მონაწილეების მიმართ განხორციელებულ ძალადობას, რომლებიც მშვიდობიანად აპროტესტებდნენ კანონს უცხოური ძალის გავლენის შესახებ. საქართველო ევროკავშირის წევრობის კანდიდატი ქვეყანაა და მოვუწოდებ მის ხელისუფლებას, უზრუნველყოს მშვიდობიანი შეკრების უფლება. მის ჩასახშობად ძალის გამოყენება დაუშვებელია“, — წერს ჯოზეფ ბორელი X-ზე (ყოფილ ტვიტერზე).
რუსული კანონის საწინააღმდეგო აქციაზე 63 ადამიანი დააკავეს
გუშინ, 30 აპრილს რუსული კანონის საპროტესტო აქცია პარლამენტში მიმდინარე პლენარული სხდომის პარალელურად დაიწყო და პირველი აპრილის დილამდე გაგრძელდა. სხდომაზე რუსულ კანონს მეორე მოსმენით მუხლობრივად განიხილავდნენ. აქციის მონაწილეებმა პარლამენტის სხვადასხვა შესასვლელისკენ გადაინაცვლეს, საიდანაც ქართული ოცნების დეპუტატები უნდა გამოსულიყვნენ, თუმცა პოლიციამ ჩიტაძის ქუჩა ჩაკეტა. შსს-მ მოქალაქეებს მოუწოდა, დაეტოვებინათ პარლამენტის შენობის შესასვლელი და გამოსასვლელი სივრცეები, შემდეგ კი იძულებით სცადა გათავისუფლება.
მოგვიანებით, გავრცელდა კადრები, რომლებშიც მკაფიოდ ჩანდა, როგორ ძალადობდა სპეცრაზმი მოქალაქეებზე და გაფრთხილების გარეშე, სხვადასხვა სპეციალურ საშუალებას იყენებდა. ტერიტორიაზე გაუშვეს წყლის ჭავლიც. ამ შემთხვევაში იმ განსხვავებით, რომ რამდენიმე წამით ადრე ადგილზე შეკრებილები გააფრთხილეს. დაშავებულები არიან აქციის მონაწილეები, ჟურნალისტები და დეპუტატები. მთელი ღამის განმავლობაში აქციის მონაწილეების მიმართ პერიოდულად იყენებდნენ წყლის ჭავლსა და ცრემლსადენ გაზს, თუმცა მოქალაქეები ტერიტორიზე რჩებოდნენ.
შსს-მ დაკავებულების შესახებ ინფორმაცია მხოლოდ პირველი მაისის დილით გაავრცელა და თქვა, რომ 63 ადამიანს წვრილმან ხულიგნობისა და პოლიციის მოთხოვნისადმი დაუმორჩილებლობას ედავებიან. უწყება ამტკიცებს, რომ რუსული კანონის წინააღმდეგ აქციაზე შეკრებილი მშვიდობიანი მოქალაქეები სამართალდამცველებს სიტყვიერად და ფიზიკურად დაუპირისპირდნენ და მათი მიმართულებით სხვადასხვა საგანი ისროლეს. დღესვე ცნობილი გახდა, რომ სპეციალურ საგამოძიებო სამსახურში აქციის მონაწილეებზე ძალადობის საქმეზე გამოძიება დაიწყო.