მედია აპრილის ჟურნალისტს, გიორგი ბასხაჯაურს, რომელიც პარლამენტთან მიმდინარე პროცესებს აშუქებს, სპეცრაზმი ფიზიკურად გაუსწორდა.
როგორც გიორგი ბასხაჯაური ადგილიდან იტყობინება, მას სამართალდამცავებმა სცემეს და ჰომოფობიური ნიშნით “პიდარასტს“ ეძახდნენ.
„მცემეს, პირადარასტს მეძახდნენ, გააჯვი აქედანო, წავიქეცი და ზემოდან მირტყამდა რამდენიმე რობოკოპი. წაქცეული რომ ვიყავი და მირტყამდნენ, ვეუბნებოდი, რომ ჟურნალისტი ვარ. პიდარასტს მეძახდნენ, მეუბნებოდნენ, რომ ჭკუას ვისწავლი და მერე გამომიშვეს“, — ამბობს გიორგი ბასხაჯაური.
მისივე თქმით, სპეცრაზმმა ძალადობა მაშინ დაიწყო, როცა ტერიტორია დატოვა სატელევიზიო მედიამ. გიორგი ბასხაჯაური ასევე იტყობინება, რომ როცა სპეცრაზმმა თავდასხმა დაიწყო, არანაირ დაძაბულობას ან დაპირისპირებას ადგილი არ ჰქონია და ტერიტორიაზე ცოტა ხალხი იყო დარჩენილი.
განახლება: სასწრაფო დახმარების ექიმების რეკომენდაციით, გიორგი ბასხაჯაური ამ წუთებში კლინიკაში იყოფება.