ევროპარლამენტარი თაის როიტენი წერს, რომ 4-მა ევროპარლამენტარმა ევროკავშირის უმაღლეს წარმომადგენელს საგარეო ურთიერთობათა და უსაფრთხოების პოლიტიკის საკითხებში, ჯოზეფ ბორელს მიმართა, “რათა დაიწყოს მიზანმიმართული სანქციების მომზადება საქართველოში იმ ადამიანების წინააღმდეგ, რომლებიც ქვეყანას ევროპული მომავლისგან აშორებენ”.
როიტენი ასევე აცხადებს, რომ ისინი საქართველოს პროევროპელი ხალხის მხარდაჭერას განაგრძობენ.
🇬🇪🇪🇺 We ask HR/VP @JosepBorrellF to start preparing targeted sanctions against those in Georgia who are steering the country away from its European future.👇We will continue to support Georgia’s pro-European people. pic.twitter.com/9RKPDAF0ed
— Thijs Reuten 🇪🇺🌹 (@thijsreuten) May 13, 2024
ევროპარლამენტარები ბორელის მიმართ სამ კითხვას სვამენ:
- შესთავაზებ თუ არა უმაღლესი წარმომადგენელი 27 მაისის საგარეო ურთიერთობათა საბჭომდე, დაუყოვნებლივი მიზანმიმართული შემაკავებელი ზომების დაწესებას ბიძინა ივანიშვილის, ირაკლი კობახიძისა და შალვა პაპუაშვილის, ასევე, საქართველოს პარლამენტის ყველა იმ წევრის მიმართ, რომლებიც მხარს უჭერენ უცხოური გავლენის გამჭვირვალობის კანონს და პრეზიდენტის ნებისმიერი პოტენციური ვეტოს გაუქმებას?
- დაავალებენ თუ არა უმაღლესი წარმომადგენელი და სამეზობლო და გაფართოების საკითხებში კომისარი EEAS-ს და DG NEAR-ს, საქართველოს მთავრობასთან შეაჩერონ ნებისმიერი მაღალი დონის ურთიერთობა, რომლის მიზანი არ არის კანონის გაუქმება, მათ შორის ფინანსური მხარდაჭერა გადაიტანოს სამოქალაქო საზოგადოების გაძლიერებაზე და თავი შეიკავონ გაწევრიანების მოლაპარაკებების გახსნისგან, სანამ კანონი ძალაშია?
- იღებს თუ არა უმაღლესი წარმომადგენელი ვალდებულებას, კანონის მიღებისთანავე გაიწვიოს საქართველოს ელჩი ევროკავშირში, რათა გამოხატოს ევროკავშირის მიერ დაგმობა და გადასცეს მისი განზრახვა ზემოაღნიშნული ზომების მიღების შესახებ და განიხილება თუ არა ევროკავშირის ელჩის გამოწვევა კონსულტაციებისთვის?
მიმართვას ავტორი შემდეგი 4 ევროპარლამენტარია:
- თაის როიტენი;
- მირიამ ლექსმანი;
- ვიოლა ფონ კრამონი;
- პერტას აუსტრევიჩუსი