საერთაშორისო გამჭვირვალობა — საქართველო (TI) სპეცრაზმის მიერ ჟურნალისტებზე ფიზიკურ თავდასხმას ეხმაურება და სამართალდამცველ უწყებებს შეახსენებს, რომ ჟურნალისტებისთვის პროფესიულ საქმიანობაში უკანონოდ ხელის შეშლა საქართველოს სისხლის სამართლის კოდექსის 154-ე მუხლის დარღვევაა.
“მედიით გავრცელებული ინფორმაციით, რუსული კანონის საწინააღმდეგო აქციის გაშუქებისას, შინაგან საქმეთა სამინისტროს წარმომადგენლები ფიზიკურად გაუსწორდნენ და ჟურნალისტურ საქმიანობაში ხელი შეუშალეს ონლაინ გამოცემების — პუბლიკას, ტაბულასა და აპრილის ჟურნალისტებს, ალექსანდრე ქეშელაშვილს, გიორგი ბადრიძესა და გიორგი ბასხაჯაურს”, — აღნიშნულია განცხადებაში.
ორგანიზაცია შინაგან საქმეთა სამინისტროს მოუწოდებს, დაუყოვნებლივ დაიწყოს მომხდარ ინციდენტებზე გამოძიება და დააყენოს კანონის დამრღვევ პირთა პასუხისმგებლობა; ასევე უზრუნველყოს მედიის წარმომადგენლებისთვის უსაფრთხო სამუშაო გარემო.
რუსული კანონის საპროტესტო აქციაზე მედია აპრილის ჟურნალისტს, გიორგი ბასხაჯაურს, რომელიც პარლამენტთან მიმდინარე პროცესებს აშუქებს, სპეცრაზმი ფიზიკურად გაუსწორდა.
როგორც გიორგი ბასხაჯაური ადგილიდან იტყობინებa, მას სამართალდამცავებმა სცემეს და ჰომოფობიური ნიშნით “პიდარასტს“ ეძახდნენ.
ასევე, სპეცრაზმის წევრები ფიზიკურად გაუსწორდნენ ონლაინ მედია პუბლიკისა და ტაბულას ჟურნალისტებს.