ქართველი მოდელი, მატილდა გვარლიანი ნიდერლანდური Vogue-ის 2024 წლის მარტის ნომრის გარეკანის ფოტოზეა. არსებული ინფორმაციით, გვარლიანი პირველი ქართველი მოდელია, რომელიც Vogue-ის გარეკანზე გამოჩნდა.
როგორც ნიდერლანდური Vogue-ის Instagram პოსტი გვატყობინებს, მიმდინარე წლის მარტის ნომერი ოთხი ქალაქის მოდითაა შთაგონებული. ქალაქებს შორისაა ნიუ-იორკი, ლონდონი, მილანი და პარიზი. თითოეულ ქალაქს თავისი მოდელი, ხედვა და გარეკანი აქვს. მატილდა გვარლიანი კი ნიუ-იორკის სახეა.
View this post on Instagram
“გსურთ, თქვენც განიცადოთ ამ ჯადოსნობის ნაწილი მოდის ოთხი ქალაქიდან ერთ-ერთის მონახულებით? ჩვენ მოხარული ვართ, დაგეხმაროთ ამ გზაზე”, — აღნიშნულია აღწერაში.
აქვე ვკითხულობთ, რომ მატილდა გვარლიანი გვიზიარებს თავის საყვარელ ცხელ წერტილებს მთელ ქალაქში — ბრუკლინიდან ჩელსიმდე.
გვარლიანს გარეკანის ფოტოზე Calvin Klein-ის სამოსი აცვია, ხოლო ამ ფოტოს ავტორი ფოტოგრაფი Jorin Koers-ია. ნიდერლანდური Vogue-ს მარტის ნომერი მაღაზიებში 15 თებერვლიდან იქნებახელმისაწვდომი.
Vogue მოდის ინდუსტრიის ერთ-ერთი მთავარი ჟურნალია. მას გამომომცემლობა Condé Nast თვრამეტ ქვეყანაში, მათ შორის, ნიდერლანდებში გამოსცემს. Vogue-ს პირველი ჟურნალი ნიდერლანდებში 2012 წლის მარტიდან დაიბეჭდა, თუმცა ორიგინალი Vogue 1892 წლიდან გამოიცემა. ნიდერლანდური ვოგის პირველი მთავარი რედაქტორი კარინ სვიინკი იყო, რომელიც 2019 წელს რინკე ტეპკემამ ჩაანაცვლა.