სირცხვილიას აქტივისტების ცნობით, მათი წევრი, მარიამ დოლიძე რუსული კანონის საპროტესტო აქციის დაშლის დროს დაშავდა. მარიამ გეგუჩაძის განცხადებით, დოლიძეს იდაყვის მოტეხილობა აქვს და ოპერაცია სჭირდება, რომელიც ხვალ გაუკეთდება.
რუსული კანონის საწინააღმდეგო აქციაზე სპეცრაზმელები მოქალაქეებს ფიზიკურად გაუსწორდნენ, მათ შორის, ჟურნალისტებს, რომლებიც პროფესიულ მოვალეობას ასრულებდნენ. ნაცემია მედია აპრილის ჟურნალისტი გიორგი ბასხაჯაური, ასევე, პუბლიკისა და ტაბულას ჟურნალისტები, ალექსანდრე ქეშელაშვილი და გიორგი ბადრიძე.