საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის, ჯოზეფ ბორელის განცხადებით, რუსული კანონი ევროკავშირის ღირებულებებთან შეუთავსებელია. ამის შესახებ ბორელმა ლუქსემბურგში ევროკავშირის საგარეო საქმეთა საბჭოს სხდომაზე განაცხადა.
ბორელი კიდევ ერთხელ აცხადებს, რომ ქართული ოცნების მიერ პირველი მოსმენით მიღებული რუსული კანონი არ შეესაბამება ევროკავშირის ღირებულებებს, ხოლო ევროკავშირის წევრი ქვეყნების საგარეო საქმეთა მინისტრები შეშფოთებას გამოხატავენ რუსული კანონის გამო.
“საქართველოს ხელისუფლებას პირობა ჰქონდა დადებული, რომ გაიწვევდა ამ კანონპროექტს, მაგრამ ეს დაპირება არ შესრულებულა. გასულ კვირას მე და ევროკომისარმა ვარჰეიმ გამოვაქვეყნეთ განცხადება, რომელშიც ხაზი გავუსვით, რომ ეს კანონი შეუთავსებელია ევროკავშირის ღირებულებებთან. ევროკომისიამ უნდა წარადგინოს ყოველწლიური ანგარიში ამ მოვლენასთან დაკავშირებით, თუმცა ძალიან შეშფოთებულები ვართ იმ ფაქტით, რომ ეს კანონი კვლავ წარუდგინეს პარლამენტს. ვიმეორებ, ეს [რუსული კანონი] შეუთავსებელია ევროკავშირის ღირებულებებთან“, — განაცხადა ჯოზეფ ბორელმა.
როგორც რადიო თავისუფლების ევროპის ბიუროს რედაქტორი, რიკარდ იოზვიაკის წერს, საბჭოზე იყო მოწოდება, რომ გაგზავნონ მინისტრები საქართველოში ვიზიტით, ან საქართველოს საგარეო საქმეთა მინისტრი მიიწვიონ ევროკავშირის მომდევნო საგარეო ურთიერთობათა საბჭოზე.
The situation in 🇬🇪 was brought up today among 🇪🇺 foreign ministers. there was a call to send ministers to 🇬🇪for a visit or the Georgian foreign ministers to come to brussels for an upcoming EU foreign affairs council
— Rikard Jozwiak (@RikardJozwiak) April 22, 2024