ტელეკომპანია POSTV-ის წამყვანი და მომღერალი ბაბი კირკიტაძე სპეციალურ საგამოძიებო სამსახურში გამოკითხვაზე დაიბარეს მას შემდეგ, რაც განაცხადა, რომ დამონტაჟებული ჩანაწერი გაუვრცელეს.
“პირობას გაძლევთ, ადრე თუ გვიან ყველას პასუხი მოგეთხოვებათ, დამმონტაჟებელსაც და თითოეულ გამავრცელებელსაც ამ ცილისწამებისთვის! ვერც ჩურჩულით დადებული ხმა გიშველით და ვერც შუაში “სპიშკით” გადაფარული და დამონტაჟებული საზიზღრობა ფეიკით შემაშინებთ..!!!
ყველასთვის გასაგები რომ იყოს: ჭორებით, დაცინვით და ათასი საშინელებით რომ ვერაფერი მიქნეს, ახლა ისეთ ამაზრზენ ვიდეომონტაჟს ავცელებენ ჩემზე ჩათებში, პორნოსაიტებზეც რომ აღარ დებენ”, — განაცხადა კირკიტაძემ.
უწყებაში მედია აპრილს უთხრეს, რომ მომღერალს გუშინ დაუკავშირდნენ და გამოკითხვაზე დამატებითი ინფორმაციის მისაღებად დაიბარეს.