ევროკავშირის 27 წევრი ქვეყნის გადაწყვეტილებით, საქართველოს ევროკავშირის წევრობის კანდიდატის სტატუსი მიენიჭა. ევროკავშირის წევრი ქვეყნების ელჩები სპეციალურ მიმართვას ავრცელებენ და საქართველოს ამ ისტორიულ თარიღს ულოცავენ.
“საქართველოს კანდიდატის სტატუსი მიენიჭა. ამ ისტორიულ დღეს, ევროკავშირსა და წევრ ქვეყნებს ერთი გზავნილი აქვთ საქართველოს მოსახლეობისთვის: გილოცავ საქართველო”, — ამბობს ევროკავშირის ელჩი პაველ ჰერჩინსკი, რის შემდეგაც მილოცვას სხვა ქვეყნების ელჩები უერთდებიან.
გარდა ამისა, დღეს ცნობილი გახდა, რომ ევროკავშირის ლიდერებმა გადაწყვიტეს უკრაინასა და მოლდოვასთან გაწევრიანების მოლაპარაკებების დაწყება.
“ეს არის სტრატეგიული გადაწყვეტილება და დღე, რომელიც ჩვენი კავშირის ისტორიაში დარჩება. ვამაყობთ, რომ შევასრულეთ ჩვენი დანაპირები და გავახარეთ ჩვენი მეგობრები და პარტნიორები”, — წერს ევროკომისია.