ზეგ, 20 ივლისს, დრეგბოლი ახალი ღონისძიებით THE DRAG BALL: Showcase ბრუნდება.
„The Drag Ball ყოველთვის იყო ხელოვნების პროტესტი! პროტესტი უსამართლობის, უთანასწორობის, ჩაგვრის, გარიყვის, ძალადობის წინააღმდეგ. The Drag Ball ყოველთვის იყო თვითგამოხატვის სივრცე ქვიარ ხელოვნებისთვის. მიგვაჩნია, რომ ახლა, როგორც არასდროს, მნიშვნელოვანია ვიხმაუროთ, შევქმნათ, მივწვდეთ ახალ სივრცეებს, მეტ ადამიანამდე მივიტანოთ ჩვენი ხმა და სისტემას, რომელიც გვებრძვის, ხელოვნება დავუპირისპიროთ. The Drag Ball ბრუნდება!“ — წერია ღონისძიების აღწერაში.
The Drag Ball, იგივე დრეგის მეჯლისი, საინიციატივო ჯგუფის მიერ ორგანიზებული ქვიარ ღამეების სერიაა, რომელიც 2022 წლის მარტში შეიქმნა „თბილისი პრაიდთან“ ერთად და ქალაქის უმნიშვნელოვანეს კულტურულ და სოციალურ მოვლენად იქცა. The Drag Ball-ის მიზანი ლგბტქ+ ხელოვანების მხარდაჭერა, გაძლიერება და მათთვის უსაფრთხო სივრცის შეთავაზებაა, სადაც თვითგამოხატვას შეძლებენ. The Drag Ball ღამეები განსხვავებული თემატიკისაა, შემსრულებლები მაყურებელს მრავალფეროვან შოუს სთავაზობენ და ყოველთვის ეხმაურებიან მიმდინარე სოციალურ-პოლიტიკურ თემებს.
THE DRAG BALL: Showcase-ს უმასპინძლებენ Fiona და Otaraant Queer, ხოლო ბოლზე გამომსვლელებს შორის იქნებიან:
- Sofio McQueen & Virginia Wolf
- Rafaela Toxikana & Dirty Daiana
- Not So Virgin Mari & 100Metria
- Beth Hoe Van & IAMNIKITA
- Ninja Li & Siren ETL
- Lucrezia
ბოლის სპეციალური სტუმარი იქნება ნინა სუბლატი, ხოლო ღონისძიებას დახურავენ ანდრო დადიანი, სანდრო წიქორიძე და ინგა ბალანჩინი.
- Pre-Party: MARGARITA ELEKTRA
- After Party:
- Main Room: Ika & Usherenko
- Small Room: IAMNIKITA და HERSHE
THE DRAG BALL: Showcase 20 ივლისს, 22:00 საათზე გაიმართება.
ღონისძიებაზე დაიშვებიან მხოლოდ 18 წელს მიღწეული პირები. ბილეთების შეძენა შესაძლებელია TKT.ge-ზე, ვერიფიკაციის გავლის შემდეგ. ასევე, ორგანიზატორებს აქვთ შეზღუდული რაოდენობის ადგილები ლგბტქ+ თემის იმ წევრებისთვის, რომლებსაც ფინანსური სირთულეების გამო არ შეუძლიათ სტანდარტული ბილეთის აღება. ამ ბილეთების მისაღებად ორგანიზატორებს შეგიძლიათ დაუკავშირდეთ დრეგბოლის Instagram გვერდზე.