საქართველოს პრეზიდენტი სალომე ზურაბიშვილი კიდევ ერთხელ აკრიტიკებს რუსულ კანონს და მხარს უჭერს საპროტესტო აქციის მონაწილეებს.
„უკვე მესამე ღამეა, რაც მიმდინარეობს სამართლიანი პროტესტი რუსული კანონის წინააღმდეგ! ერთ მხარეს ქართველი ხალხი დგას, მეორე მხარეს კი — პარლამენტის 83 წევრი, რომელმაც ხმა მისცა ევროპული მომავლის წინააღმდეგ. ხალხი ყოველთვის იმარჯვებს!“, — წერს პრეზიდენტი X-ზე (ყოფილ ტვიტერზე).
Third night of dignified protest against the adoption of the Russian law! On one side the people of Georgia , on the other 83 MP’s who voted against our European future. The people always win!
— Salome Zourabichvili (@Zourabichvili_S) April 17, 2024
პრეზიდენტმა დღეს ასევე BBC-სთან ინტერვიუში განაცხადა, რომ რუსული კანონის პუტინის იმ კანონის ასლია, რომელიც რუსეთში 2012 წელს მიიღეს.
დღეს პარლამენტმა რუსულ კანონს პირველი მოსმენით მხარი დაუჭირა.
კენჭისყრაზე კანონპროექტს 83-მა დეპუტატმა დაუჭირა მხარი, 0-ის წინააღმდეგ. ამ დროს ოპოზიციის დეპუტატებს დარბაზი უკვე დატოვებული ჰქონდათ.
იმისთვის, რომ კანონპროექტი კანონად იქცეს, საჭიროა სამი მოსმენა და, საბოლოოდ, მესამე მოსმენაზე კანონის მხარდაჭერა.
აღსანიშნავია, რომ გასულ წელს საპროტესტო აქციების შემდეგ ქართულ ოცნებას რუსული კანონის მიღებაზე უარის თქმა პირველი მოსმენით მხარდაჭერის შემდეგ მოუწია.