ქვიზი: გამოიცანი, „ოცნების“ რომელმა წარმომადგენელმა თქვა ეს ფრაზა

{{$global}}

გამოიცანი, „ოცნების“ რომელმა წევრმა თქვა ეს ფრაზა

შენ სწორად უპასუხე {{userScore}} კითხვას {{maxScore}}-დან

{{title}}

{{image}}

{{content}}

{{/global}}

---

მას შემდეგ, რაც ქართულმა ოცნებამ მოსახლეობისთვის მიცემული პირობა დაარღვია და რუსული კანონი ხელახლა დააინიცირა, პარლამენტთან აქციები, ფაქტობრივად, უწყვეტად მიმდინარეობს. წინა წლისგან პროექტს მხოლოდ ის განასხვავებს, რომ „უცხოური გავლენის აგენტის“ ცნება შეცვლილია „უცხოური ძალის ინტერესების გამტარებელი ორგანიზაციის“ ცნებით. სწორედ კანონპროექტთან დაკავშირებით და არამხოლოდ, დეზინფორმაციული, ანტიდასავლური და პროპაგანდისტული ნარატივები გაავრცელა პარტიის საპატიო თავმჯდომარემ, ბიძინა ივანიშვილმა, რომელიც სიტყვით გამოვიდა ხელისუფლების მიერ გამართულ კონტრაქციაზე.

ფაქტობრივად, არ დარჩენილა სფერო, რომლის წარმომადგენლებმაც კანონპროექტის საწინააღმდეგო პოზიცია არ გამოთქვეს. კრიტიკულია ქვეყნის სტრატეგიული პარტნიორების განცხადებებიც. აქტიურად მიმდინარეობს საუბარი სანქციებზე. ამასთან, POLITICO-მ გაავრცელა ინფორმაცია, რომ თუ საქართველოს მთავრობა დაუბრუნდება თავის კურსს, უარს იტყვის მზარდ ანტიდასავლურ რიტორიკაზე და შეწყვეტს ადამიანის უფლებების კუთხით უკუსვლას, აშშ განიხილავს ქვეყნის მხარდაჭერის პაკეტს. კანონპროექტის, სახელად MEGOBARI Act (Mobilizing and Enhancing Georgia’s Options for Building Accountability, Resilience, and Independence Act) ავტორი კონგრესმენი ჯო უილსონია. დოკუმენტის მიხედვით, თუ ხელისუფლების ანტიდემოკრატიული კურსი შეიცვლება, აშშ განიხილავს შეღავათიანი ვაჭრობის, ვიზალიბერალიზაციის და სამხედრო დახმარების პაკეტს. თუმცა ქართულმა ოცნებამ ამ უპრეცედენტო შეთავაზებაზე, ფაქტობრივად, უარი თქვა — პარტიამ გაავრცელა განცხადება, სადაც MEGOBARI Act-ს იწუნებს და ამერიკასთან ურთიერთობის გამოსასწორებლად თავის პირობებს აყენებს.

მოქალაქეები ერთ თვეზე მეტია ითხოვენ ხელისუფლებისგან, გაიწვიოს კანონი, რომელიც აზიანებს ქვეყანას და პროდასავლურ კურსს. ხელისუფლებამ მშვიდობიანი დემონსტრანტების წინააღმდეგ არაერთხელ გამოიყენა როგორც უხეში ფიზიკური ძალა, ასევე ცრემლსადენი გაზი, წიწაკის სპრეი თუ წყლის ჭავლი. სპეცრაზმი არაერთხელ გაუსწორდა აქციის მონაწილეებსა და ჟურნალისტებს. გარდა ამისა, აქტივისტებს, ჟურნალისტებს უცხო პირები უსაფრთდებოდნენ და ფიზიკურად უსწორდებოდნენ. ადამიანების შეშინების კიდევ ერთი მეთოდი იყო საცხოვრებელ სახლებთან თუ ოფისებთან შეურაცხმყოფელი და სიძულვილის წარწერების გაკეთება, პლაკატების გაკვრა და უცხოური და ქართული ნომრებიდან უცხო პირებს მიერ დარეკვა და მუქარა.

სპეცრაზმის მიერ ფიზიკური თავდასხმის შემდეგ, არაერთი უცხო ნომრიდან დაურეკეს მედია აპრილის ჟურნალისტს, გიორგი ბასხაჯაურაც. მისი თქმით, საცხოვრებელი მისამართი დაუსახელეს და დაემუქრნენ. გიორგი ბასხაჯაურთან მუქარის შემცველი ზარები დღემდე გრძელდება.