სახალხო დამცველი, ლევან იოსელიანი რუსული კანონის საწინააღმდეგო აქციების მონაწილეებზე თავდასხმას ეხმიანება და აცხადებს, რომ რაც არ უნდა მიუღებელი იყოს განსხვავებული და კრიტიკული აზრი, ადამიანების დევნა, მათი ოჯახის წევრების, არასრულწლოვანი შვილების დაშინება, მოქალაქეებთან ფიზიკური ანგარიშსწორება წარმოადგენს დანაშაულებრივ ქმედებას, რაც შესაბამისი სამართალდამცავი ორგანოებისგან მოითხოვს მყისიერ და ეფექტურ რეაგირებას.
შეგახსენებთ, რომ გუშინ, 8 მაისს რუსული კანონის საწინააღმდეგო აქციის მონაწილეებს, სამოქალაქო აქტივისტებსა და პოლიტიკებს, თავს უცხო პირები დაესხნენ და ფიზიკურად გაუსწორდნენ. მათ შორის არიან, ერთიანი ნაციონალური მოძრაობის წევრი, დიმა ჩიქოვანი; დიპლომატი და პოლიტიკოს ზურა გირჩი ჯაფარიძის ძმა, გია ჯაფარიძე და რუსული კანონის საწინააღმდეგო მარშის ერთ-ერთი ორგანიზატორი, ლაშა ღვინიანიძე.