მედია აპრილი წარმოგიდგენთ “უკანონო” პოდკასტს

საქართველოში  უკანონოდ გამოცხადდა ყველაფერზე საუბარი, რაც ქვიარ საკითხებს უკავშირდება, უფრო ფართოდ კი ზოგადად ადამიანის უფლებები იქცა თავდასხმის სამიზნედ. ამ პოდკასტში ხან სერიოზულად, ხანაც შედარებით მსუბუქად ვსაუბრობთ ისეთ ამბებზე, რაზე სიჩუმეც “ქართულ ოცნებას” უნდა.

სექსუალურ ურთიერთობებს, სხვა შიშებთან ერთად, სქესობრივი გზით გადამცემ ინფექციებზე შფოთვაც ემატება. განსაკუთრებით გამოკვეთილია აივ-ინფიცირების შიში, რადგან ამ შემთხვევაში მდგომარეობა ქრონიკულია და ადამიანს მთელი ცხოვრების განმავლობაში უწევს მკურნალობის გაგრძელება. თუმცა, თანამედროვე სამედიცინო მიღწევების გათვალისწინებით, აივ-ინფექციის მართვა რთული არაა და პრევენციისთვისაც არსებობს გზები, მათ შორის, პრეპ პროგრამა, რომელიც საქართველოში მცხოვრები რისკ ჯგუფების წარმომადგენლებისთვის უფასოა. თანასწორობის მოძრაობის დირექტორთან, მიხეილ მეფარიშვილთან ერთად, ვსაუბრობთ პრეპზე.

ᲩᲐᲘᲢᲐᲠᲔ ᲣᲤᲐᲡᲝ ᲓᲐ ᲐᲜᲝᲜᲘᲛᲣᲠᲘ ᲢᲔᲡᲢᲘᲠᲔᲑᲐ ᲐᲘᲕ ᲘᲜᲤᲔᲥᲪᲘᲐᲖᲔ — დროული ტესტირება საკუთარი და სხვათა ჯანმრთელობის საწინდარია! 

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.