ხაშურში 15 წლის ბავშვმა იმშობიარა

ხაშურის რეფერალურ საავადმყოფოში 15 წლის ბავშვმა იმშობიარა. ინფორმაცია ამის შესახებ თავდაპირველად ადგილობრივმა მედიამ “მოზაიკამ” გაავრცელა.

გამოცემის თანახმად, არასრულწლოვანი 27 კვირის ორსული იყო, როდესაც ის ხაშურის ერთ-ერთ თავშესაფარში მიიყვანეს.

“გოგონამ ბავშვი გუშინ ხაშურის რეფერალური საავადმყოფოს ექიმების დახმარებით გააჩინა. ბავშვიც და დედაც გუშინვე თბილიში გადაიყვანეს”, – უთხრეს “მოზაიკას”.

გამოცემა წერს, რომ 15 წლის გოგო ადრეული ქორწინების მსხვერპლია და “არაოფიციალურად იყო დაოჯახებული”.

მედია აპრილს შსს-ში განუცხადეს, რომ მომხდარზე გამოძიება საქართველოს სისხლის სამართლის კოდექსის 140-ე მუხლით არის დაწყებული. მუხლი მოიცავს სქესობრივ კავშირს ან სექსუალური ხასიათის სხვაგვარ მოქმედებას 16 წლის ასაკს მიუღწეველთან და 7-დან 9 წლამდე თავისუფლების აღკვეთას ითვალისწინებს.

► იხილეთ აგრეთვე: ბავშვთა ქორწინება საქართველოში: “მამამ გადაწყვიტა, რომ მისი მეგობრის შვილს გავყოლოდი ცოლად“.

ადრეული/ბავშვთა ქორწინება დანაშაულია. თუ ხართ არასრულწლოვანი და გაიძულებენ ქორწინებას, ან გაქვთ ინფორმაცია სხვა არასრუწლოვანზე ძალადობის შესახებ, შეგიძლიათ მიმართოთ პოლიციას.

• უფასო, 24-საათიანი ცხელი ხაზი, სადაც შეგიძლიათ მოითხოვოთ ანონიმურობა — 112

• ცხელი ხაზი, რომელიც მოქალაქეებისთვის საკონსულტაციო მომსახურების გაწევის მიზნით ფუნქციონირებს — 116 006

• დაუკავშირდით გაეროს ბავშვა ფონდს — (995 32)2 25 11 30

• საფარი — 599 407 603

• ძალადობისგან დაცვის ეროვნული ქსელი/Anti-Violence Network of Georgia – 032 272 67 17

• წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT) –  032 222 06 89;