დასავლეთ საქართველოს ერთ-ერთ რაიონში 17 წლის გოგომ იმშობიარა. არასრულწლოვანის გაუპატიურების ბრალდებით გოგოს მამა დააკავეს. აღნიშნული ინფორმაცია მედია აპრილს შსს-ში დაუდასტურეს და გვითხრეს, რომ გამოძიება 11-137-ე პრიმა მუხლით დაიწყო, რაც გულისხმობს გაუპატიურებას, რომელიც “ჩადენილია არასრულწლოვანის მიმართ ნდობის, ავტორიტეტული ან გავლენიანი მდგომარეობის გამოყენებით”. ბრალის დამტკიცების შემთხვევაში ბრალდებულს 15-დან 20 წლამდე ან უვადო პატიმრობა ელის.
ბავშვზე ზრუნვის სააგენტომ რადიო თავისუფლებას აცნობა, რომ საქმის შესწავლის პროცესში აქტიურად ჩაერთნენ და არასრულწლოვანთან და მის ოჯახის წევრებთან სააგენტოს რეგიონული ცენტრის სოციალური მუშაკი და ფსიქოლოგები მუშაობენ.
შსს-ის მიერ მოწოდებული ინფორმაციით, ახალშობილი ცოცხალია. არასრულწლოვანმა კი კლინიკა დღეს დატოვა.