მედია აპრილის ჟურნალისტს, რომელსაც 16 აპრილის აქციაზე სპეცრაზმი ფიზიკურად გაუსწორდა, ცხვირის ხაზოვანი მოტეხილობა აქვს, რის გამოც სამედიცინო ჩარევა დასჭირდა. გარდა ამისა, ექიმის თქმით, გიორგი ბასხაჯაურს აქვს მრავლობითი სისხლჩაქცევები.
გიორგი ბასხაჯაურის თქმით, მას სამართალდამცავებმა სცემეს და ჰომოფობიური ნიშნით “პიდარასტს“ ეძახდნენ.
“მცემეს, პირადარასტს მეძახდნენ, გააჯვი აქედანო, წავიქეცი და ზემოდან მირტყამდა რამდენიმე რობოკოპი. წაქცეული რომ ვიყავი და მირტყამდნენ, ვეუბნებოდი, რომ ჟურნალისტი ვარ. პიდარასტს მეძახდნენ, მეუბნებოდნენ, რომ ჭკუას ვისწავლი და მერე გამომიშვეს”, — ამბობს გიორგი ბასხაჯაური.
რუსული კანონის საწინააღმდეგო აქციაზე სპეცრაზმელებმა მშვიდობიანი მოქალაქეების წინააღმდეგ წიწაკის სპრეი გამოიყენეს და ფიზიკურად გაუსწორდნენ, მათ შორის, ჟურნალისტებს, რომლებიც პროფესიულ მოვალეობას ასრულებდნენ. ნაცემები არიან პუბლიკისა და ტაბულას ჟურნალისტები, ალექსანდრე ქეშელაშვილი და გიორგი ბადრიძე. ასევე, ცნობილია, რომ დაშავებულებს შორის არის სირცხვილიას აქტივისტი მარიამ დოლიძე.