17 ნოემბერს, ადამიანის უფლებათა სახლის ორგანიზებით, თბილისში ფორუმი ადამიანის უფლებებისთვის 2023 გაიმართება. ფორუმის მიზანი დედაქალაქის გარეთ, საქართველოს სხვა ქალაქებსა თუ სოფლებში მომუშავე უფლებადამცველების, აქტივისტების ორგანიზაციებისა და ინიციატივების ცნობადობის ზრდა და მათთვის საკომუნიკაციო პლატფორმის შეთავაზებაა.
“ფორუმი ადგილია, სადაც უფლებადაცვითი ორგანიზაციები, ინიციატივები და აქტივისტები საქართველოს რეგიონებიდან ამყარებენ ახალ კონტაქტებს სამომავლო და ერთობლივი თანამშრომლობისთვის, უზიარებენ ინფორმაციას თავიანთი საქმიანობის შესახებ უფრო ფართო საზოგადოებას და სხვა”, — აღნიშნულია ღონისძიების აღწერაში.
ფორუმში მონაწილე ორგანიზაციები და ინიციატივები წინასწარ შეირჩევიან. თუ თბილისის გარეთ უფლებადაცვითი მიმართულებით საქმიანობთ, ფორუმში მონაწილეობა ორგვარად შეგიძლიათ:
- მიიღოთ მონაწილეობა და წარმოადგინოთ თქვენი ორგანიზაცია ან ინიციატივა ინდივიდუალურ სტენდთან – მონაწილე ორგანიზაციებისთვის უზრუნველყოფილი იქნება ინდივიდუალური მაგიდა/სტენდი საინფორმაციო დოკუმენტების, ბანერების და ვიზუალური მასალის წარმოსადგენად. ამისთვის,10 ნოემბრის ჩათვლით უნდა შეავსოთ ეს ფორმა;
- მიიღოთ მონაწილეობა, როგორც ინდივიდუალურმა უფლებადამცველმა/აქტივისტმა. ამისთვის,10 ნოემბრის ჩათვლით უნდა შეავსოთ ეს ფორმა.
ხოლო იმისთვის, რომ, ფორუმს როგორც მსმენელი დაესწროთ, 15 ნოემბრის ჩათვლით უნდა შეავსოთ ეს ფორმა. მონაწილეობის ეს ფორმა ნებისმიერი დაინტერესებული პირისთვის ღიაა.
ფორუმში მონაწილეთა რაოდენობა შეზღუდულია და შერჩეული ორგანიზაციები თუ ინდივიდები პასუხს 13 ნოემბრის ჩათვლით მიიღებენ. ამასთან, საჭიროების შემთხვევაში, ორგანიზატორი ფორუმში მონაწილეთა თბილისში მგზავრობისა და ერთი ღამით დარჩენის ხარჯებს დაფარავს.