დააკავეს კაცი, რომელმაც ყოფილი ცოლის ინტიმური ფოტოები მოიპოვა და მის ნათესავებს გაუგზავნა

სპეციალური საგამოძიებო სამსახურის განცხადებით, დააკავეს 1987 წელს დაბადებული კაცი, რომელმაც ყოფილ მეუღლეს ტელეფონი წაართვა, მისი პირადი ცხოვრების ამსახველი ინტიმური შინაარსის ფოტოები მოიპოვა და დაზარალებულის ნათესავებს WhatsApp-ით გაუგზავნა.

უწყების განცხადებით, დაკავებულს ბრალად ედება გენდერის ნიშნით შეუწყნარებლობის მოტივით ჩადენილი პირადი ცხოვრების საიდუმლოს ხელყოფა. დანაშაული 7 წლამდე თავისუფლების აღკვეთას ითვალისწინებს.