ხარისხის ცენტრი სასწავლო პროცესის შეფერხებაზე საუბრობს, თანამშრომლების ნაწილი უწყებას ემიჯნება
განათლების ხარისხის განვითარების ეროვნულმა ცენტრმა დღეს დილიდან გაავრცელა განცხადება, რომლითაც “ზოგიერთ საგანმანათლებლო დაწესებულებაში სასწავლო პროცესის შეჩერებისა და გადავადების შემთხვევებს” გამოეხმაურა. ცენტრი აღნიშნავს, რომ საგანმანათლებლო დაწესებულების ადმინისტრაცია ვალდებულია წინასწარ, მის მიერ განსაზღვრული სასწავლო/აკადემიური კალენდრის შესაბამისად, უზრუნველყოს სასწავლო პროცესის შეუფერხებლად წარმართვა.
გარდა ამისა, განცხადების მიხედვით, “მნიშვნელოვანია, რომ სასწავლო პროცესის შეფერხებამ, მისმა შეჩერებამ ან გადაწევამ საფრთხე არ შეუქმნას საგანმანათლებლო პროგრამებით გათვალისწინებული მიზნებისა და სწავლის შედეგების მიღწევას, რაც, თავის მხრივ, გამოიწვევს მოსწავლეების, პროფესიული სტუდენტების, სტუდენტების კანონიერი ინტერესების შელახვას”.
ხარისხის ცენტრის განცხადებას მალევე გამოუხმაურნენ მისი თანამშრომლები. წერილში აღნიშნულია, რომ განათლების ხარისხის განვითარების ეროვნული ცენტრის უმაღლესი განათლების ხარისხის უზრუნველყოფის სამსახურის თანამშრომელთა უმრავლესობა და ზოგადად, ცენტრის თანამშრომელთა ნაწილი, კატეგორიულად ემიჯნება დღევანდელ განცხადებას. მათი თქმით, ამ განცხადებით ჩრდილი ადგება საქართველოს ახალგაზრდობის ნათელ, გულწრფელ და სამართლიან პროტესტს ჩვენი ქვეყნის ევროპული მომავლისა და ევროატლანტიკური მისწრაფებების მხარდასაჭერად.
“ქვეყანაში შექმნილია უმწვავესი მდგომარეობა, საფრთხე შეექმნა მოსახლეობის ცალსახა არჩევანს, რასაც ცენტრის თანამშრომლები დაარსების დღიდან ვემსახურებით. ჩვენი ყოველდღიური საქმიანობა ეყრდნობა სახელმწიფოს მიერ 33 წლის მანძილზე გაცხადებულ ევროატლანტიკურ დღის წესრიგს, ჩვენი წილი პასუხისმგებლობის ფარგლებში, გასული ორი წლის მანძილზე დაუღალავად ვმუშაობდით სამინისტროსთან ერთად ევროკავშირის წევრობის კანდიდატის სტატუსის მოსაპოვებლად და სტუდენტებთან, პროფესორებთან, უნივერსიტეტების ადმინისტრაციებთან თუ სამოქალაქო საზოგადოებასთან ერთად ვიზეიმეთ მიღებული შედეგი”, — აღნიშნულია წერილში.
“მოვუწოდებთ საქართველოს, შეიცვალოს კურსი და პატივი სცეს მშვიდობიანი პროტესტის უფლებას” — NATO-ს სპიკერი
მოვუწოდებთ საქართველოს ხელისუფლებას, გააუქმოს კანონი — ბორელი და ვარჰეი
საგარეო პოლიტიკის და უსაფრთხოების საკითხებში ევროკავშირის უმაღლესი წარმომადგენელი, ჯოზეფ ბორელი და სამეზობლო პოლიტიკისა და გაფართოების საკითხებში ევროკავშირის კომისარი, ოლივერ ვარჰეი აცხადებენ, რომ რუსული კანონის მიღება უარყოფითად აისახება საქართველოს პროგრესზე ევროკავშირის გზაზე. ერთობლივ წერილში ისინი მოუწოდებენ საქართველოს ხელისუფლებას, გააუქმოს კანონი.
ევროკავშირი დგას ქართველი ხალხისა და მისი არჩევანის გვერდით დემოკრატიისა და საქართველოს ევროპული მომავლის სასარგებლოდ. დაუშვებელია სამოქალაქო საზოგადოების წარმომადგენლების, პოლიტიკურ ლიდერებისა და ჟურნალისტების, ასევე მათი ოჯახის წევრების დაშინება, მუქარა და ფიზიკური შეურაცხყოფა. მოვუწოდებთ საქართველოს ხელისუფლებას, გამოიძიოს ეს დოკუმენტირებული ქმედებები.
ევროპულმა საბჭომ საქართველოს მიანიჭა კანდიდატი ქვეყნის სტატუსი იმის გათვალისწინებით, რომ 2023 წლის 8 ნოემბრის კომისიის რეკომენდაციით გათვალისწინებული შესაბამისი 9 ნაბიჯი გადაიდგმება. ეს ნაბიჯები მოითხოვს ადამიანის უფლებების დაცვას და სამოქალაქო საზოგადოების, ისევე როგორც მედიის, თავისუფლად ფუნქციონირებას. ისინი ასევე ეხება დეპოლარიზაციის აუცილებლობას და დეზინფორმაციასთან ბრძოლას.
მიუხედავად ამისა, და მიუხედავად დიდი პროტესტისა და საერთაშორისო საზოგადოების ცალსახა მოწოდებისა, საქართველოს მმართველმა უმრავლესობამ პარლამენტში მესამე მოსმენით მიიღო კანონი „უცხოური გავლენის გამჭვირვალობის შესახებ“. ევროკავშირმა ნათლად და არაერთხელ განაცხადა, რომ კანონის სული და შინაარსი არ შეესაბამება ევროკავშირის ძირითად ნორმებსა და ღირებულებებს. ეს ძირს უთხრის სამოქალაქო საზოგადოებისა და დამოუკიდებელი მედიის მუშაობას, მაშინ როცა გაერთიანების თავისუფლება და გამოხატვის თავისუფლება არის ფუნდამენტური უფლებები საქართველოს მიერ ასოცირების შეთანხმების ნაწილისა და ევროკავშირში გაწევრების ნებისმიერი გზის ფარგლებში.
ამ კანონის მიღება უარყოფითად აისახება საქართველოს პროგრესზე ევროკავშირის გზაზე. არჩევანი წინსვლის გზაზე საქართველოს ხელშია. მოვუწოდებთ საქართველოს ხელისუფლებას, გააუქმოს კანონი, შეინარჩუნოს თავისი ვალდებულება ევროკავშირის გზაზე და გააგრძელოს აუცილებელი რეფორმები, რომლებიც აღწერილია 9 ნაბიჯში.
ევროკავშირი მზადაა გააგრძელოს ქართველების მხარდაჭერა ევროპული მომავლისკენ”, — აღნიშნულია წერილში.
“არ უნდა იყოს არანაირი დებულება იმაზე, რომ რამენაირი კოსმეტიკური ჩასწორება არსებული კანონპროექტის სახეს გაასწორებს” — ლანდსბერგისი
“არ ვუღალატებ იმ სულისკვეთებას, რომელიც არის ამ ქვეყანაში” — სალომე ზურაბიშვილი
რამდენიმე საათის წინ ლიეტუვის, ლატვიის, ესტონეთისა და ისლანდიის საგარეო საქმეთა მინისტრები თბილისში ჩამოფრინდნენ
ფოტოები — აქციის მონაწილეების მცირე ნაწილი ამ დრომდე პარლამენტთან რჩება
ვიდეო — “წეროები მიფრინავენ. სად? ევროკავშირში” — პარლამენტთან აქციის მონაწილეები თამაშობენ
აშშ-ის სენატორების ერთობლივი განცხადება რუსული კანონის მიღებასთან დაკავშირებით
ერთობლივ განცხადებაში, სენატორები აღნიშნავენ, რომ ღრმად იმედგაცრუებულები არიან რუსული კანონის მიღების გამო, რომელიც საჭიროს გახდის აშშ-ის საქართველოს მიმართ პოლიტიკის გადახედვის განხილვას, თუმცა ასევე აცხადებენ, რომ ინარჩუნებენ რწმენას ქართველი ხალხისა, რომელიც ქვეყნის ნათელი მომავლისთვის იბრძვის.
“შავი დღეა ქართული დემოკრატიისთვის. ღრმად იმედგაცრუებულები ვართ საქართველოს პარლამენტის მიერ რუსული სტილის უცხოური აგენტების კანონპროექტის მიღებით. ეს კენჭისყრა გაიმართა ასობით ათასი ქართველის სურვილების დარღვევით, რომლებიც აგრძელებენ მშვიდობიან პროტესტს კანონპროექტის წინააღმდეგ, რომელიც არა მხოლოდ სიტყვის თავისუფლების შეზღუდვისთვის იქნება გამოყენებული, არამედ — საქართველოში დემოკრატიის წინსვლას შეაფერხებს. ეს კანონი, რომელიც მოითხოვს, რომ ყველა ორგანიზაციამ, რომელიც თავიანთი ბიუჯეტის 20%-ზე მეტს საზღვარგარეთიდან იღებს, უცხოურ აგენტებად დარეგისტრირდნენ, ჩაახშობს სამოქალაქო საზოგადოების მნიშვნელოვან სამუშაოს ქვეყანაში, სადაც მწირი დაფინანსებაა. ამ კანონის მიღება ფუნდამენტურად შეცვლის საქართველოს აშშ-სთან ურთიერთობებს და ევროკავშირში წევრობის მისწრაფებებს დააზიანებს.
როგორც პრემიერმინისტრ კობახიძისადმი წერილში გაფრთხილება გავავრცელეთ, ამ კანონპროექტის მიღება საჭიროს გახდის კონგრესის მიერ აშშ-ის საქართველოს მიმართ პოლიტიკის გადახედვის განხილვას, რათა საქართველოში ახალი პოლიტიკური ლანდშაფტი ასახოს. როგორც წინასწარ გაფრთხილება გავავრცელეთ, ეს ზომები შეიძლება მოიცავდეს სანქციებს მათ წინააღმდეგ, ვინც პასუხისმგებელია დემოკრატიისთვის ძირის გამოთხრაზე, ვიზის აკრძალვებსა და ამერიკული პირდაპირი დახმარების გადახედვას. როგორც კონგრესის წევრები, რომლებსაც ქართველი ხალხის ღრმა სიყვარული გვაქვს და რომლებიც ვიბრძოდით ძლიერი ორპარტიული და ორმხრივი კავშირებისთვის, ჩვენ გავაგრძელებთ ხალხის მხარდაჭერასა მათი ხმის ამაღლებას, რომელთაგან 79% თანმიმდევრულად უჭერს მხარს ევროკავშირში წევრობას. მიუხედავად იმისა, რომ დღეს ბნელი დღეა, ჩვენ ვინარჩუნებთ რწმენას ქართველი ხალხისა, რომელიც თავიანთი ქვეყნის ნათელი მომავლისთვის იბრძვის, — აღნიშნულია განცხადებაში.
განცხადებას ხელს აწერენ: ჯიმ რიში, ჯინ შაჰინი, ბენ კარდინი, კრის კუნსი, დიკ დურბინი, როჯერ უიკერი, ტიმ კეინი, რიჩარდ ბლუმენთალი, პიტ რიკეთსი, ლინდსი გრემი, ტომ ტილისი.
ფოტო — პოსტერი ბათუმში გამართული აქციიდან
ფოტოები — სიტუაცია რუსთაველის გამზირზე ახლა
ვიდეო — ლაზარე გრიგორიადისის ძალადობრივად დაკავების კადრები
მედია აპრილის მიერ გადაღებულ კადრებში ჩანს ლაზარე გრიგორიადისის დაკავება და მასზე ფიზიკური ძალადობაც.
ვიდეო — აქციის მონაწილეებს მანქანებიდან სოლიდარობას უცხადებენ.
ფოტოები — დემონსტრანტები, რომლებსაც ჭავჭავაძის გამზირი და გმირთა მოედანი ჰქონდათ გადაკეტილი, მსვლელობით პარლამენტთან ბრუნდებიან
ვიდეო — ჭავჭავაძის გამზირზე მყოფი დემონსტრანტების ნაწილს გმირთა მოედნიდან სხვებიც შეუერთდნენ და ერთობლივად რუსთაველის გამზირზე ბრუნდებიან
ფოტოები — აქციის მონაწილეებმა ვარაზისხევი გადაკეტეს
როცა გმირთა მოედნიდან მანქანებმა ჭავჭავაძისკენ დაიწყო მსვლელობმა, აქციის მონაწილეებმა ვარაზისხევი გადაკეტეს.
ისინი თამაშობენ და საკვებს უზიარებენ ერთმანეთს.
ფოტოები — დემონსტრანტების კიდევ ერთმა ნაწილმა ჭავჭავაძის გამზირიც გადაკეტა
პარალელურად, გადაკეტილია გმირთა მოედანი, რუსთაველის გამზირი და სანაპიროები.
ლაზარე გრიგორიადისის მდგომარეობა მისი ადვოკატის ინფორმაციით
ლაზარე გრიგორიადისის ადვოკატი, ეკა ქობესაშვილი “მთავარ არხთან” საუბრისას აცხადებს, რომ ლაზარეს სპეცრაზმელები ფიზიკურად გაუსწორდნენ. მან ცემის მომენტში გონება დაკარგა; აქვს დაზიანებები სახისა და თავის არეში.
“ლაზარე დაკავებულია ადმინისტრაციული წესით — წვრილმანი ხულიგნობა და პოლიციისთვის დაუმორჩილებლობა, თუმცა ყველამ ნახა ის კადრები, მსგავს ადმინისტრაციულ დარღვევას ადგილი იქ არ ჰქონია. დაკავების დროს მოხდა ლაზარეზე ფიზიკური ანგარიშსწორება. აქვს დაზიანებები სახის და თავის არეში. აქვს თავის ტკივილები. ასევე, ხელები აქვს დაზიანებული. დროებითი მოთავსების იზოლატორში, სადაც მოხდა მისი შესახლება, რამდენიმე საათის განმავლობაში მას ხელბორკილები ჰქონდა მჭიდროდ მოჭერილი და აქვს ეს დაზიანებები, რაც წარმოადგენს, რა თქმა უნდა, დარღვევას. ეს არის არაადამიანური მოპყრობა. რაც შეეხება დაზიანებებს, არის თვალსაჩინო და ძირითადად არის სახის არეში და თავის არეში. მას რამდენიმე სპეცრაზმელი გაუსწორდა ფიზიკურად. გონებაც დაკარგა ცემის მომენტში, არ ახსოვს რაღაც მომენტები, მაგრამ ამ ეტაპზე არის ექიმის მიერ ნახული”, — განაცხადა ლაზარე გრიგორიადისის ადვოკატმა, ეკა ქობესაშვილმა “მთავარ არხთან” საუბრისას.
ლაზარე გრიგორიადისი დღეს, 14 მაისს რუსული კანონის საპროტესტო აქციაზე დააკავეს.
მედია აპრილის მიერ გადაღებულ კადრებში ჩანს ლაზარე გრიგორიადისის დაკავება და მასზე ფიზიკური ძალადობაც.
თუ ამ კანონს საბოლოოდ მიიღებენ, ეს გვაიძულებს, ფუნდამენტურად გადავაფასოთ ჩვენი ურთიერთობა საქართველოსთან — თეთრი სახლი
“ღრმად ვართ შეწუხებული საქართველოში, კრემლის სტილის უცხოური აგენტების კანონმდებლობით, რომელიც ახლახან დამტკიცდა და ველით, რომ საქართველოს პრეზიდენტი მას ვეტოს დაადებს, თუმცა გაურკვეველია, შეეცდება თუ არა პარლამენტი, რომ გადალახოს პოტენციური ვეტო”, — განაცხადა თეთრი სახლის პრეს-სპიკერმა კარინ ჟან-პიერმა.
საქართველოს პრეზიდენტმა საქართველოში მიმდინარე მოვლენებზე CNN-ის ეთერში ისაუბრა
„მჯერა, რომ წარმატებით მოვუღებთ ბოლოს რუსულ კანონს“ — ზვიად ქორიძე
იმ პროფესორებს, რომლებიც ადმინისტრაციის პოზიციის გამო, რუსულ კანონთან მიმართებით, უნივერსიტეტებთან თანამშრომლობას წყვეტენ, ზვიად ქორიძეც უერთდებათ და კავკასიის უნივერსიტეტს ტოვებს.
“ძალიან რთულია ჩემთვის ამ სტატუსის დაწერა, რადგან 16 წელი ვიყავი კავკასიის უნივერსიტეტის მედიის სკოლის მოწვეული ლექტორი. დღეს მივიღე გადაწყვეტილება, დავტოვო ეს უნივერსიტეტი.
როდესაც სტუდენტები იფიცებიან მაღალდემოკრატიული ღირებულებების ხელყოფის გამო, ეს პროტესტი არის სამართლიანი. მით უმეტეს, თუკი ამ ღირებულებებს ანადგურებს მთავრობა. ასეთი პროტესტი არათუ აზიანებს სასწავლო პროცესს, იგი სასწავლო პროცესის შემადგენელი ნაწილია და აძლიერებს სტუდენტობის სამოქალაქო პათოსს.
სტუდენტთა პროტესტი განაპირობა მთავრობის თავგასულობამ. სტუდენტები ყველაზე უკეთ ხვდებიან, რომ „უცხოელ აგენტთა კანონი“ მათ შეუზღუდავს თავისუფალი განვითარებისა და პროფესიული ზრდის პერსპექტივას. სამწუხაროდ, ამას ვერ ხვდება 38 უნივერსიტეტის რექტორი.
დღეს გაფიცული სტუდენტების წინაშე ჩემს ვალდებულებებს სემესტრის ბოლომდე აუცილებლად შევასრულებ. მანამდე კი მათთან ერთად ვიბრძოლებ და მჯერა, რომ წარმატებით მოვუღებთ ბოლოს რუსულ კანონს”, — წერს ქორიძე.
ფოტოები — დემონსტრანტების მცირე ნაწილმა მარცხენა სანაპიროზე გზა გადაკეტა
გმირთა მოედნიდან აქციის მონაწილეები დაიძრნენ მათ დასახმარებლად.
ომბუდსმენის ინფორმაციით, აქციაზე დაკავებული კონსტანტინე თოხაძე გაათავისუფლეს
ინფორმაცია ამის შესახებ TV პირველმა გაავრცელა. ჟურნალისტ ინგა გრიგოლიას თქმით, სახალხო დამცველმა მისწერა, რომ კონსტანტინე თოხაძე გაათავისუფლეს.
კონსტანტინე თოხაძე დღეს გმირთა მოედანზე დააკავეს. TV პირველის პირდაპირ ეთერში ისმის, რომ ის ეუბნება პოლიციას: “გაჩერდით, ეპილეფსია მაქვს, გაჩერდით, ცუდად გავხდები. ძაან ცუდად ვარ, გთხოვთ, გამიშვით”. მიუხედავად ამისა, ძალის გამოყენებით მის დაკავებას აგრძელებენ.
ფოტო — გმირთა მოედანი ახლა
ფოტო — ხალხის რაოდენობა გმირთა მოედანზე
აქციის მონაწილეებმა აქ მას შემდეგ გადაინაცვლეს, რაც პოლიციამ, გზის გადაკეტვის მცდელობის გამო, აქტივისტების დაკავება დაიწყო.
ფოტო — გმირთა მოედანი ახლა
“შემაშფოთებელია სავარაუდო არასათანადო მოპყრობა” — სახალხო დამცველი ქაცარავას ცემის ფაქტზე
სახალხო დამცველი შემაშფოთებელს უწოდებს დავით ქაცარავაზე სამართალდამცავების მხრიდან “სავარაუდო არასათანადო მოპყრობის იმ ფორმებს, რომლის ამსახველი ფოტომასალაც გავრცელდა”.
“სახალხო დამცველის რწმუნებული დაუყოვნებლივ მივიდა კლინიკაში დავით ქაცარავას მდგომარეობის გარკვევისა და მონახულების მიზნით. თუმცა, აღმოჩნდა, რომ დაზიანებების ხარისხის/ხასიათის გამო (სახის ძვლების მოტეხილობა), მას უტარდება ოპერაცია და მისი ნახვა ამ დროისთვის შეუძლებელია. სახალხო დამცველი აქციების პარალელურად გამუდმებით მიუთითებს, რომ პოლიციამ უნდა გამოიყენოს მხოლოდ აუცილებელი და პროპორციული ძალა, და იმოქმედოს კანონის ფარგლებში. ამის საპირისპიროდ, შემაშფოთებელია იმ ძალადობრივი ქმედებების ხილვა, რასაც სამართალდამცავი უწყება არაერთ შემთხვევაში კვლავ იყენებს”, — ნათქვამია განცხადებაში.
სახალხო დამცველი შსს-ს თანამშრომლებს კანონის შესაბამისად მოქმედებისკენ მოუწოდებს და პოლიციელებს შეახსენებს, რომ “არაადამიანური ან/და დამამცირებელი მოპყრობის დანაშაული წარმოადგენს ერთ-ერთ მძიმე დანაშაულს და მასზე სისხლისსამართლებრივი ხანდაზმულობის ვადა არ ვრცელდება”. ამასთან, სახალხო დამცველი სპეციალურ საგამოძიებო სამსახურს უმოკლეს ვადაში ეფექტიანი გამოძიებისკენ მოუწოდებს, რათა მოძალადე პოლიციელთა დროული იდენტიფიცირება მოხდეს.
“იმ ფონზე, როდესაც უკვე დაკავებულია აქციის ექვსი მონაწილე სისხლის სამართლის წესით და ადმინისტრაციული წესით – ჯამში 150-ზე მეტი მოქალაქე, დღემდე არც ერთი პოლიციელის პასუხისმგებლობის საკითხი არ დამდგარა, მათ შორის მათი, ვისი სახეებიც დანაშაულებრივი ქმედებების განხორციელებისას არ იყო დაფარული და მათი იდენტიფიცირება არ უნდა წარმოადგენდეს განსაკუთრებულ სირთულეს. კიდევ ერთხელ ხაზს ვუსვამთ, რომ ეს წაახალისებს დაუსჯელობის განცდას”, — აღნიშნულია განცხადებაში და ნახსენებია ჟურნალისტების მიმართ ძალადობის ფაქტებიც, რომლებიც “უკიდურესად მიუღებელია და საჭიროებს დაუყოვნებლივ რეაგირებას – ეფექტიანი გამოძიების ჩატარებას”.
უფლებადარღვევის შემთხვევებზე შეტყობინების მიღების მიზნით, დაუკავშირდით სახალხო დამცველის აპარატის 24-საათიან ცხელ ხაზს — 14 81.
სპეციალურმა საგამოძიებო სამსახურმა სამართალდამცავების მხრიდან დავით ქაცარავას მიმართ სამსახურებრივი უფლებამოსილების ძალადობით გადამეტების ფაქტზე გამოძიება დაიწყო
სპეციალურის საგამოძიებო სამსახურის ცნობით, უწყებამ სამართალდამცავების მხრიდან დავით ქაცარავას მიმართ სამსახურებრივი უფლებამოსილების ძალადობით გადამეტების ფაქტზე, საქართველოს სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით გათვალისწინებული დანაშაულის ნიშნებით გამოძიება დაიწყო.
როგორც სამსახური იტყობინება, გამოძიების დაწყების საფუძველი დავით ქაცარავას მეუღლის მიერ ცხელ ხაზზე დაფიქსირებული შეტყობინება გახდა, სადაც მან განაცხადა, რომ მის მეუღლეს დაკავებისას სამართალდამცავებმა ფიზიკური შეურაცხყოფა მიაყენეს.
„სპეციალური საგამოძიებო სამსახური მომხდარი ფაქტის შესასწავლად ატარებს ყველა საჭირო საგამოძიებო და საპროცესო მოქმედებას ობიექტური გამოძიების უზრუნველსაყოფად.
სპეციალური საგამოძიებო სამსახური დანაშაულის შემცველ ყველა შეტყობინებაზე ატარებს ყოველმხრივ გამოძიებას, მიმდინარეობს მოწმეთა და განმცხადებელთა გამოკითხვა, მონაწილე პირების იდენტიფიცირება, შემთხვევის ადგილის დათვალიერება, დოკუმენტაციის გამოთხოვა, ტარდება სასამართლო-სამედიცინო და სხვა რელევანტური ექსპერტიზები, მიმდინარეობს კერძო და საჯარო დაწესებულებებიდან ვიდეო კამერის ჩანაწერების ამოღება და მათი დეტალური შესწავლა“, — წერია განცხადებაში.
ფოტოები — დემონსტრანტების ნაწილმა რუსთაველის გამზირიდან გმირთა მოედანზე გადაინაცვლა
ფოტო — პოსტერი აქციდიან
“მთავარია რუსეთი არ შეგვეტენოს, თორემ შეტენილი საგნების გადაბარება ყოველთვის შეიძლება”.
ფოტოები აქციიდან
რუსთაველის გამზირზე აქცია გრძელდება. დემონსტრანტების ნაწილი მსვლელობით გმირთა მოედნისკენ წავიდა.
ვიდეო — ხალხი უერთდება პროტესტს გმირთა მოედანზე
მას შემდეგ, რაც გავრცელდა ინფორმაცია, რომ გმირთა მოედანზე აქციის მონაწილეებს პოლიცია ძალადობრივად აკავებს, რუსთაველზე შეკრებილებმაც იქ გადაინაცვლეს.
ვიდეო — ორბორბლიანების მსვლელობა პარლამენტთან მიმდინარე აქციაზე
საპატრულო ეკიპაჟებმა თავად გადაკეტეს გმირთა მოედანი
ცოტა ხნის წინ დააკავეს რამდენიმე ადამიანი, ვინც გზის გადაკეტვას ცდილობდა.
აქციის მონაწილეები რუსთაველის გამზირიდან გმირთა მოედნისკენ მიემართებიან.
ფოტოები — საპატრულო პოლიციამ გმირთა მოედანი დატოვა
იქამდე პოლიციამ რამდენიმე ადამიანი დააკავა და მათზე ფიზიკურად იძალადა.
ამ მომენტში აქციის მონაწილეები რუსთაველიდან გმირთა მოედნისკენ მიემართებიან.
ვიდეო — ევროკავშირის წევრი ქვეყნების საგარეო საქმეთა კომიტეტების თავმჯდომარეების გამოსვლის შემდეგ ევროკავშირისა და საქართველოს ჰიმნები ჩაირთო
✨ რუსთაველი ისევ განათდა.
ვიდეო — ევროკავშირის წევრი ქვეყნების საგარეო საქმეთა კომიტეტების თავმჯდომარეები აქციის მონაწილეებთან ერთად სკანდირებენ „საქართველო, საქართველო!“
ფოტო დღევანდელი აქციიდან — Ezz Gaber
ვიდეო — ევროკავშირის წევრი ქვეყნების საგარეო საქმეთა კომიტეტების თავმჯდომარეები სიტყვა რუსთაველზე
“თქვენმა წარმომადგენლებმა არ მიგვიღეს, არ მოგვისმინეს, მაგრამ ჩვენ გვესმის თქვენი. თუ ჩვენ არ შეგვიძლია პარლამენტის შიგნით ყოფნა, ჩვენ შეგვიძლია ვიყოთ აქ, თქვენთან!”.
პარლამენტთან მიმდინარე აქციაზე ევროკავშირის წევრი ქვეყნების საგარეო საქმეთა კომიტეტების თავმჯდომარეები მივიდნენ. მათ რუსთაველზე შეკრებილებს სიტყვით მიმართეს.
ვიდეო — გმირთა მოედანზე პოლიცია აქციის მონაწილეებს ძალის გამოყენებით აკავებს
თუ ამ კანონს ევროკავშირის სტანდარტებთან შეუსაბამობაში მიიღებენ, ჩვენ ვიხილავთ შეზღუდვებს აშშ-ის მხრიდან — ო’ბრაიენი
“თუ ამ კანონს ევროკავშირის სტანდარტებთან შეუსაბამობაში მიიღებენ და დავინახავთ დემოკრატიის უგულებელყოფასა და ძალადობას მშვიდობიანი დემონსტრანტების წინააღმდეგ, ჩვენ ვიხილავთ შეზღუდვებს აშშ-ის მხრიდან, იქნება ეს ფინანსური თუ გადაადგილების შეზღუდვა იმ ადამიანებისა და მათი ოჯახის წევრების მიმართ, ვინც პასუხისმგებელი იქნება ამ ქმედებებზე”, — განაცხადა აშშ-ის სახელმწიფო მდივნის თანაშემწემ ევროპისა და ევრაზიის საკითხებში.
ვიდეო — მიხაელ როთის მიმართვა აქციის მონაწილეებს
“ჩვენ არ ვართ რადიკალები, თქვენ არ ხართ რადიკალები, თქვენ ხართ ევროპის მთავარი მოძრაობა, რადგან იბრძვით ევროპული დემოკრატიისთვის”, — გერმანიის ბუნდესტაგის საგარეო საქმეთა კომიტეტის თავმჯდომარის, მიხაელ როთის მიმართვა აქციის მონაწილეებს.
ფოტოები — პარლამენტთან მიმდინარე აქციაზე ევროკავშირის წევრი ქვეყნების საგარეო საქმეთა კომიტეტების თავმჯდომარეები მივიდნენ
მათ რუსთაველზე შეკრებილებს სიტყვით მიმართეს.
დღევანდელ აქციაზე 13 ადამიანია დაკავებული
შინაგან საქმეთა სამინისტროს ინფორმაციით, პოლიციელთა კანონიერი მოთხოვნისადმი დაუმორჩილებლობისა და წვრილმანი ხულიგნობისთვის დღევანდელ აქციაზე 13 ადამიანი დააკავეს. სავარაუდოდ, მათ შორისაა ლაზარე გრიგორიადისიც.
უწყების მტკიცებით, “პროტესტი სრულად გასცდა შეკრებისა და მანიფესტაციის კანონით დადგენილ ფარგლებს და მიიღო ძალადობრივი ხასიათი”. ამის არგუმენტად უწყება ასახელებს პარლამენტის შესასვლელში მოწყობილი რკინის დამცავი ღობის “მიზანმიმართულ დაზიანებას”. მათივე თქმით, აქციის მონაწილეებმა მოახერხეს პარლამენტის ტერიტორიაზე შეღწევა და პარლამენტის შენობაზე საღებავებით გააკეთეს სხვადასხვა სახის წარწერები.
მედია აპრილის მიერ გადაღებულ კადრებში ჩანს ლაზარე გრიგორიადისის დაკავება და მასზე ფიზიკური ძალადობაც.
რუსულ კანონს 520-ზე მეტი არქიტექტორი და დიზაინერი გმობს და ერთობლივი განცხადებით, მის უკან გაწვევას მოითხოვს.
“ქვეყანაში შექმნილი პოლარიზაციის, ძალადობრივი გარემოსა და იმ უკანონო ქმედებების გათვალისწინებით, რასაც რუსული კანონის მისაღებად საქართველოს ხელისუფლება ახორციელებს, ქართველი არქიტექტორები და დიზაინერები ჩვენი პოზიციის დასაფიქსირებლად ვერთიანდებით!
მიგვაჩნია, რომ კანონი საფრთხეს უქმნის საქართველოს სუვერენიტეტს, ცვლის მის კურსს ევროპული ორბიტიდან და რისკის ქვეშ აყენებს ქვეყნის განვითარებას.
ქართველი არქიტექტორები და დიზაინერები ვგმობთ საქართველოს ხელისუფლების მცდელობას, საკუთარი მოქალაქეების დაშინებითა და დასავლელი პარტნიორების სრული იგნორირებით მიიღოს ეს კანონი.
მოვითხოვთ შეწყდეს ძალადობრივი ქმედებები საქართველოს მოსახლეობის წინააღმდეგ და დაუყოვნებლივ უკან იქნას გაწვეული რუსული კანონი!
არა რუსულ კანონს! კი ევროპას!”, — აღნიშნულია განცხადებაში.
ინდიგოს ჟურნალისტს პოლიციამ აქციაზე კამერა წართვა
გამოცემა ინდიგოს ჟურნალისტს, საბა სორდიას 14 მაისის აქციაზე პოლიციამ კამერა, GoPro წაართვა. საბა სორდია მედია აპრილთან ამბობს, რომ აშუქებდა მიმდინარე პროტესტს რუსული კანონის კენჭისყრის შემდეგ, როცა აქტივისტები პარლამენტის ცენტრალურ შესასვლელთან მდებარე ბარიკადებზე მუშტებს აბრახუნებდნენ და პოლიცია მობილიზდა.
“პარლამენტის ცენტრალურ შესასვლელთან, ბარიკადებთან როცა იყო ეპიზოდი, მარცხენა მხრიდან დიდი ღრიჭოა და იმ ღრიჭოდან ვიღებდი კადრს. უცებ შსს-ის თანამშრომელმა გამოყო ხელი და წამართვა კამერა. ჩაფხუტი მოვიხსენი, ზემოთ ავწიე ხელი და ვუთხარი, რომ ჟურნალისტი ვარ, მაგრამ პასუხი არავინ გამცა. გაიქცა და უკან არ მობრუნებულა არავინ. არ ვიცი, ზუსტად რომელი დანაყოფი ვარ. რეზინის ტყვიების სასროლი იარაღები ჰქონდათ ხელში და მაგის გადაღება მინდოდა კარგად, თუმცა ვერ ვიტყვი, რომ ამ კადრის გადაღების გამო წამართვეს. წართმევის მომენტიც გადაღებულია, მაგრამ არავინ გააჩერებს მაგ კადრს”, — ამბობს ჟურნალისტი.
მისივე თქმით, თავდაპირველად უწყების პრესსამსახურს დაუკავშირდა, შემდეგ კი 112-ში გააკეთა განცხადება და საპატრულო პოლიციამ ოქმი შეავსო. ასევე, შეატყობინეს გენინსპექციასაც. ამ დროისთვის საბა სორდიასთვის კამერა არ დაუბრუნებიათ.
ვიდეო — რუსთაველის გამზირზე სპეცრაზმი უკან იხევს
მოქალაქეები პარლამენტის შენობის წინ ბრუნდებიან.
ბათუმის სახელმწიფო უნივერსიტეტის ჭიშკარი გაფიცულ სტუდენტებს ჩაუკეტეს
ბათუმის სახელმწიფო უნივერსიტეტის გაფიცულ სტუდენტებს, რომლებიც აქციის შემდეგ, უამინდობისგან თავს უნივერსიტეტის შენობას აფარებდნენ, შენობის ჭიშკარი ბოქლომით დაუკეტეს.
ბსუ-ის სტუდენტები აგრძელებენ პროტესტს და დღეს, 19:00-ზე ისევ იკრიბებიან რუსული კანონის გასაპროტესტებლად.
ფოტო — აქციის მშვიდობიანი მონაწილეს, დავით ქაცარავას სპეცრაზმი ფიზიკურად გაუსწორდა
მისი მეუღლის ინფორმაციით, ის ინგოროყვას კლინიკაშია გადაყვანილი და სასტიკადაა ნაცემი.
რუსულ კანონზე ადმინისტრაციის პოზიციის გამო, პროფესორთა ნაწილი უნივერსიტეტებს ტოვებს
დღეს, 14 მაისს კავკასიის ეკონომიკის სკოლის ყოფილმა დეკანმა, სოსო ბერიკაშვილმა განაცხადა, რომ კავკასიის უნივერსიტეტიდან სახელმწიფო უსაფრთხოების სამსახურის დავალებით, საკუთარი შეხედულებების გამო, გაათავისუფლეს. ამის შემდეგ უნივერსიტეტთან თანამშრომლობა არაერთმა პროფესორთა გაწყვიტა.
ბერიკაშვილის თქმით, 29 აპრილს დილით, კავკასიის უნივერსიტეტის პრეზიდენტმა კახა შენგელიამ დაიბარა და უთხრა, რომ უსაფრთხოების სამსახურმა მოსთხოვა მისი სამსახურიდან გაშვება, რადგან ბიძინას აგინებდა.
“ეს ტყუილია, არ მიგინებია, უბრალოდ მკაცრად გავაკრიტიკე “ოფშორების კანონის” გამო, თუმცა მაგას არ აქვს არსებითი მნიშვნელობა. როგორც ჩანს, ჩემი გაგდება საჩქარო იყო, 7 მაისს გამოიცა ბრძანება და გამიშვეს სამსახურიდან რეორგანიზაციის საბაბით (პოლიტიკური დევნა ჯერ არ იწერება ბრძანებებში). თუ ამ ხელისუფლებას ეს უმსგავსობა გაუვიდა, რეპრესიები მომავალში საყოველთაო გახდება და შეეხება ყველას”, — აღნიშნავს ბერიკაშვილი.
ლექტორების ნაწილი უარს ამბობს უნივერსიტეტში სწავლების გაგრძელებაზე. მაგალითად, დავით ქაშიაშვილმა განაცხადა, რომ უნივერსიტეტთან თანამშრომლობას ადმინისტრაციის პოზიციისა და გადაწყვეტილებების გამო წყვეტს. ლევან ბერძენიშვილიც წერს, რომ მისთვის აბსოლუტურად მიუღებელია კავკასიის უნივერსიტეტის პრეზიდენტის პოზიცია და დაწესებულებას ტოვებს.
„უცხოური აგენტების“ კანონის მხარდაჭერა ეწინაარმდეგება ქვეყნის ამბიციას, გახდეს თანამედროვე ევროპული დემოკრატია — ნუსრატ განი
„კადრები საქართველოდან შოკისმომგვრელია და ჩვენ, როგორც საქართველოს მეგობრები, ყველა მხარეს მოვუწოდებთ სიმშვიდისა და თავშეკავებისკენ.
გაერთიანებული სამეფოს პოზიცია ნათელია: საქართველოს პარლამენტში დღეს „უცხოური აგენტების“ კანონის მხარდაჭერა ეწინაარმდეგება ქვეყნის ამბიციას, გახდეს თანამედროვე ევროპული დემოკრატია“, — წერს ევროპის საკითხებში გაერთიანებული სამეფოს მინისტრი ნუსრატ განი X-ზე (ყოფილ ტვიტერზე).
დღეს მთავრობამ მიიღო კანონი. ევროპისკენ მსვლელობის ნაცვლად, ის იხრება მოსკოვისკენ. მათ უნდა გააუქმონ კანონი! — კატრინ გერინგ-ეკარდი
“თბილისში ხალხი 24/7-ზე აპროტესტებს “უცხოური აგენტის კანონს”. ხალხი ძალიან მკაფიოა: მათ უნდათ მომავალი ევროპაში. დღეს მთავრობამ მიიღო კანონი. ევროპისკენ მსვლელობის ნაცვლად, ის იხრება მოსკოვისკენ. მათ უნდა გააუქმონ კანონი!
პუტინის რეჟიმი დესტაბილიზაციასა და მისი გავლენის სფეროს გაფართოებას ეყრდნობა. ეს ჩანს არა მხოლოდ უკრაინის წინააღმდეგ ომში, არამედ სრულიად რეგიონში. ეს განსაკუთრებით ცხადია ახლა საქართველოში, ასევე, მოლდოვაში, რომლებმაც აირჩიეს ევროპისკენ გზა”, — წერს ბუნდესტაგის ვიცეპრეზიდენტი, კატრინ გერინგ-ეკარდი.
მოსახლეობის 68% მიიჩნევს, რომ რუსული კანონი საჭირო არ არის — Edison Research
Edison Research-ის საზოგადოებრივი აზრის გამოკითხვის შედეგებით, კითხვაზე: თქვენი აზრით, რამდენად საჭიროა საქართველოში ქართული ოცნების მიერ ინიციირებული “გამჭვირვალობის კანონი?”, 68% მიიჩნევს, რომ არ არის საჭირო, ხოლო 32% ამბობს, რომ საჭიროა. ამასთან, ყველა ასაკობრივ ჯგუფში სრული უმრავლესობა მიიჩნევს, რომ რუსული კანონი საჭირო არ არის. ინფორმაციას ამის შესახებ ფორმულა ავრცელებს, რომლის დაკვეთითაც ჩატარდა კვლევა.
ფორმულას ცნობით, კითხვაზე პასუხი ასაკობრივ ჭრილში ასეა განაწილებული:
- 18-24 წლის მოსახლეობა — 82% ამბობს, რომ რუსული კანონი არ არის საჭირო
- 24-34 წლის მოსახლეობა — 74% აცხადებს, რომ რუსული კანონი არ არის საჭირო
- 35-44 წლის მოსახლეობა — 71%-სთვის რუსული კანონი არ არის საჭირო
- 45-54 წლის მოსახლეობა — 66%-სთვის რუსული კანონი არ არის საჭირო
- 55-64 წლის მოსახლეობა — 62% ამბობს, რომ რუსული კანონი არ არის საჭირო
- 65+ ასაკის მოსახლეობა — 57% ამბობს, რომ არ არის საჭირო
ფორმულას ინფორმაციით, კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1 000 საარჩევნო უფლების მქონე 18 წლისა და მეტი ასაკის ადამიანი.
ცდომილება არის +/- 3%, 95%-იანი სანდოობის დონისთვის. საველე სამუშაოები მიმდინარეობდა 16-26 აპრილის შუალედში.
აღსანიშნავია, რომ პრემიერმინისტრ კობახიძის მტკიცებით, ქართული ოცნების მიერ ჩატარებულ კვლევაში ჩანს, რომ რუსულ კანონს ქვეყანაში 60%-ზე მეტი უჭერს მხარს.
ფოტო — შსს-ს სხვადასხვა დანაყოფმა რუსთაველის გამზირი დატოვა და ბაზაზე დაბრუნდა
აქცია რუსული კანონის წინააღმდეგ გრძელდება.
ვიდეო — შსს-ს დანაყოფები რუსთაველის გამზირს ტოვებენ
ვიდეო — რუსთაველის გამზირზე სპეცრაზმი უკან იხევს
მოქალაქეები პარლამენტის შენობის წინ ბრუნდებიან.
ფოტოები — სამართალდამცავების ძალადობრივი ქმედებები მშვიდობიანი დემონსტრანტების წინააღმდეგ
როგორ უსწორდებოდა და აკავებდა პოლიცია აქციის მონაწილეებსა და ჟურნალისტებს პარლამენტთან მას შემდეგ, რაც ქართულამ ოცნებამ რუსული კანონი მესამე მოსმენით მიიღო.
საპოლიციო ძალებმა ყოველგვარი სამართლებრივი საფუძვლის გარეშე დაიწყეს აქციის დარბევა ძალადობრივი მეთოდებით — საია
საქართველოს ახალგაზრდა იურისტთა ასოციაცია ეხმიანება პარლამენტთან მიმდინარე მოვლენებს და აღნიშნავს, რომ შსს აგრძელებს შეკრებისა და მანიფესტაციის უფლების დარღვევის და მშვიდობიანი დემონსტრანტების მიმართ არასათანადო მოპყრობის პრაქტიკას.
საია-ს თქმით, ორგანიზაციის წარმომადგენლები აკვირდებიან პარლამენტის მიმდებარე საპროტესტო აქციას, როგორც ადგილზე, ისე მედიის საშუალებით, და მიმდინარე აქციას მთელი დღის განმავლობაში ჰქონდა და კვლავ აქვს მშვიდობიანი ხასიათი.
„მიუხედავად ამისა, საპოლიციო ძალებმა ყოველგვარი სამართლებრივი საფუძვლის გარეშე დაიწყეს აქციის დარბევა ძალადობრივი მეთოდებით, მათ შორის, სპეციალური საშუალებების გამოყენების წესის დარღვევით.
შინაგან საქმეთა სამინისტროს შევახსენებთ, რომ ლოკალური ხასიათის ინციდენტებზე რეაგირებამ არსებითი გავლენა არ უნდა მოახდინოს მთლიანი აქციის მიმდინარეობაზე“, — წერია საია-ს განცხადებაში.
საქართველოს ახალგაზრდა იურისტთა ასოციაცია მოუწოდებს:
- შინაგან საქმეთა სამინისტროს: შეწყვიტოს მშვიდობიანი დემონსტრანტების შეკრებისა და მანიფესტაციის თავისუფლების დარღვევა და ხელი აიღოს აქციების დარბევის კანონსაწინააღმდეგო, ღირსების შემლახავ და ძალადობრივ პრაქტიკაზე;
- სპეციალური დანიშნულების რაზმის თანამშრომლებს: არ შეასრულონ უკანონო ბრძანებები და შევახსენებთ მათ, რომ წინასწარი შეცნობით დანაშაულებრივი ბრძანების ან განკარგულებების შესრულება წარმოადგენს სისხლისსამართლებრივი პასუხისმგებლობის საფუძველს
ძალიან სამწუხაროა, რომ ივანიშვილის ინტერესები უფრო წინ დგას, ვიდრე საქართველოსი — მირიამ ლექსმანი
“ძალიან სამწუხაროა, რომ ივანიშვილის ინტერესები უფრო წინ დგას, ვიდრე საქართველოსი. სამწუხარო დღეს ქართული დემოკრატიისთვის”, — წერს ევროპარლამენტარი მირიამ ლექსმანი სოციალურ ქსელ X-ზე და მოუწოდებს ჯოზეფ ბორელს მოქმედებისკენ.
„ინტერპრესნიუსის“ ცნობით, მათ ფოტორეპორტიორს გიორგი ჟამერაშვილს სამართალდამცველები ფიზიკურად გაუსწორდნენ
გამოცემის ინფორმაციით, გიორგი ჟამერაშვილს პარლამენტთან სამართალდამცავმა ფეხის არეში ხელკეტი მაშინ დაარტყა, როდესაც ის სამსახურებრივ მოვალეობას ასრულებდა, კერძოდ, როდესაც ის რუსთაველის გამზირზე არსებულ ვითარებას აშუქებდა.
საქართველოს ხელისუფლებამ ნათლად აჩვენა, რომ მას არ აინტერესებს ევროპული მომავალი — სენატორი რიში
„დღეს იმ კანონის მიღებით, რომელიც ძალიან დააზიანებს სამოქალაქო საზოგადოებას, საქართველოს ხელისუფლებამ ნათლად აჩვენა, რომ მას არ აინტერესებს ევროპული მომავალი. ეს არის სახეში სილის გაწნა ქართველების 80%-ისთვის, რომელსაც ევროკავშირის წევრობა სურს“, — წერს აშშ-ის სენატორი ჯიმ რიში X-ზე (ყოფილ ტვიტერზე).
Today, by passing a law that would greatly damage civil society, the government of #Georgia made clear it isn’t interested in a European future. This is a massive slap in the face to the 80% of Georgians who want EU membership.
— Senate Foreign Relations Committee Ranking Member (@SenateForeign) May 14, 2024
აღარ დგას მთლიანად აქციის დაშლის აუცილებლობა — სახალხო დამცველი
საქართველოს სახალხო დამცველი ეხმიანება პარლამენტთან მიმდინარე მოვლენებს და მოუწოდებს შსს-ს, არ გამოიყენოს აქციის მშვიდობიანი მონაწილეების მიმართ სპეციალური საშუალებები.
„14 მაისის 17:15 საათისთვის შსს მიერ გაცემულია მთლიანად აქციის შესაძლო დაშლის გაფრთხილება. სახალხო დამცველი მიიჩნევს, რომ აქციაზე ცოტა ხნის წინ ცალკეულ მონაწილეთა მიერ მშვიდობიანი შეკრების წესების და კანონმდებლობის მოთხოვნათა დარღვევის შედეგად, მათ მიმართ განხორციელებული ინდივიდუალური ღონისძიებების შემდეგ, აღარ დგას მთლიანად აქციის დაშლის აუცილებლობა“, — წერია სახალხო დამცველის განცხადებაში.
სახალხო დამცველი მოუწოდებს შინაგან საქმეთა სამინისტროს, „არ გამოიყენოს აქციის მშვიდობიანი მონაწილეების მიმართ სპეციალური საშუალებები და მიეცეთ მათ კონსტიტუციით გარანტირებული შეკრების უფლებით სარგებლობა“.
კანონის მიღება საფრთხეს უქმნის გამოხატვისა და გაერთიანების თავისუფლებას — გაერო
“გაერთიანებული ერების ორგანიზაცია საქართველოში წუხილს გამოთქვამს “უცხოური გავლენის გამჭვირვალობის შესახებ” კანონის მიღების გამო.
კანონის მიღება საფრთხეს უქმნის გამოხატვისა და გაერთიანების თავისუფლებას და აფერხებს სამოქალაქო საზოგადოებისა და მედიის, როგორც ქართული დემოკრატიის მთავარი საყრდენის საქმიანობას.
სხვა საფრთხეებთან ერთად, ამ კანონმა შესაძლოა, დააბრკოლოს სამოქალაქო საზოგადოების მიერ სასიცოცხლოდ მნიშვნელოვანი სოციალური სერვისების მიწოდება.
აუცილებლად მიგვაჩნია ძალადობისა და დაშინების ყველა შემთხვევის გამოძიება, რომელთაც ადგილი ჰქონდათ პროტესტების მიმდინარეობისას და მათ შემდეგ. გაერო განაგრძობს თანამშრომლობას პარტნიორებთან თანასწორი და სამართლიანი საქართველოს მხარდასაჭერად”, — ნათქვამია გაერთიანებული ერების ორგანიზაციის განცხადებაში.
დანიის საგარეო საქმეთა მინისტრის განცხადება რუსული კანონის წინააღმდეგ
“ჩვენ მხარს ვუჭერთ ხალხის მოწოდებას დემოკრატიისკენ და მტკიცედ მივმართავთ საქართველოს მთავრობას, უკან წაიღოს კანონი და დაიცვას ევროკავშირის გზაზე დგომის ვალდებულება”, — წერს ლარს ლოკე რასმუსენი სოციალურ ქსელ X-ზე.
ვიდეო — შსს-ს სხვადასხვა დანაყოფმა აქციის დარბევა დაიწყო
აქციის მონაწილეებმა პარლამენტიდან თბილისის კლასიკური გიმნაზიის ტერიტორიაზე გადაინაცვლეს.
ფოტო — კადრი აქციიდან
ფოტოები — სიტუაცია რუსთაველის გამზირზე
შსს-ს სხვადასხვა დანაყოფმა დაიწყო მოქალაქეების დარბევა და ძალადობრივი დაკავებები.
აქციის მონაწილეები რჩებიან რუსთაველის გამზირზე.
დაკავებულია ლაზარე გრიგორიადისი
პარლამენტთან მიმდინარე მშვიდობიან აქციაზე, სადაც პოლიციამ დაკავებები დაიწყო, დააკავეს ლაზარე გრიგორიადისიც. ინფორმაციას ამის შესახებ რამდენიმე წუთის წინ გავრცელდა და მისი დედა, თამთა კალანდაძეც ადასტურებს.
“დიახ, მეგობრებო ლაზარე ისევ დაიჭირეს და ჩვენც მიგვაყოლებენ, თუ ეს დამპალი რეჟიმი არ გაუყენეთ ციმბირის გზას!”, — წერს თამთა კალანდაძე.
View this post on Instagram
მედია აპრილის მიერ გადაღებულ კადრებში ჩანს ლაზარე გრიგორიადისის დაკავება და მასზე ფიზიკური ძალადობაც.
შსს ადასტურებს პარლამენტთან “სპეციალური საშუალებების” გამოყენებას
შინაგან საქმეთა სამინისტრო პარლამენტთან მიმდინარე მშვიდობიან აქციაზე აცხადებს, რომ ის “გასცდა შეკრებისა და მანიფესტაციის კანონით დადგენილ ნორმებს და მიიღო ძალადობრივი ხასიათი” და “აქციის მონაწილეებმა დააზიანეს პარლამენტის შენობის მიმდებარე ტერიტორიაზე განთავსებული დამცავი ჯებირი”.
“სამართალდამცველების არაერთი მოწოდების მიუხედავად, აქციის მონაწილეები არ ემორჩილებიან პოლიციის კანონიერ მოთხოვნებს. საზოგადოებრივი წესრიგის აღდგენის მიზნით შინაგან საქმეთა სამინისტრომ კანონმდებლობით გათვალისწინებული სპეციალური საშუალებები გამოიყენა”.
შინაგან საქმეთა სამინისტრო მოუწოდებს აქციის ყველა მონაწილეს, “დაემორჩილონ პოლიციის კანონიერ მითითებებს, არ დაუშვან სიტუაციის ხელოვნურად ესკალაცია, წინააღმდეგ შემთხვევაში სამართალდამცველები გამოიყენებენ კანონით დადგენილ სპეციალურ საშუალებებს”.
პარლამენტთან წყლის ჭავლის მანქანა მიემართება. ადგილზეა სპეცრაზმიც. შეკრებილ მშვიდობიან მოქალაქეებს აფრთხილებენ, რომ დატოვონ ტერიტორია
View this post on Instagram
როგორ აკავებს სპეცრაზმი რუსული კანონის მოწინააღმდეგეებს
View this post on Instagram
პარლამენტთან დაძაბულობაა. დაკავებები გრძელდება
View this post on Instagram
პარლამენტიდან სპეცრაზმი გამოვიდა და აქციის მონაწილეებს აკავებს
View this post on Instagram
ენმ და ლელო პარლამენტში ბოიკოტის რეჟიმში გადადიან
ერთიანი ნაციონალური მოძრაობისა და ლელოს დეპუტატები ბოიკოტის რეჟიმში გადადიან. ამის შესახებ მათ განცხადება პარლამენტში გააკეთეს. ბოიკოტის მიმდინარეობისას ისინი საპარლამენტო მუშაობაში მონაწილეობას აღარ მიიღებენ.
View this post on Instagram
პარლამენტის შენობაში 14 მაისის 17:00 სთ-დან გაუქმებამდე უსაფრთხოების წითელი დონე ამოქმედდება
პარლამენტის ინფორმაციით, 14 მაისს, წითელი დონის დროს საქართველოს პარლამენტში არ დაიშვება არცერთი პირი, გარდა პარლამენტის აპარატის უფროსის მიერ საფრთხის სპეციფიკისა და მისი თავიდან აცილების საჭიროების შესაბამისად განსაზღვრული პირებისა.
უსაფრთხოების დამატებითი ზომები მოქმედებს „საქართველოს პარლამენტის სასახლეში უსაფრთხოების დაცვის წესის დამტკიცების თაობაზე“ საქართველოს პარლამენტის თავმჯდომარის 2023 წლის 04 სექტემბრის N1/259/23 ბრძანების შესაბამისად.
პარლამენტის წინ იმ 84 დეპუტატის სახელებს აცხადებენ, ვინც კანონის მიღებას მხარი დაუჭირა
View this post on Instagram
პარლამენტთან რუსული კანონის საწინააღმდეგო აქცია გრძელდება
View this post on Instagram
შენგელია უარყოფს სუს-დან ზარის გამო სოსო ბერიკაშვილის გათავისუფლებას
View this post on Instagram
“ეს ქვეყანა ჩვენია” — სტენსილის გაკეთების დროს, აქციის ერთ-ერთი მონაწილე დააკავეს, რასაც მოქალაქეების პროტესტი მოჰყვა
View this post on Instagram
ვინ (არ) დაუჭირა მხარი რუსულ კანონს
დღეს ქართულმა ოცნებამ რუსული კანონი მესამე მოსმენით მიიღო. პროექტს მხარი 84-მა დეპუტატმა დაუჭირა, 30 კი წინააღმდეგი იყო. მომხრეებიდან 73 ქართული ოცნების დეპუტატია, 9 მათი განაყოფის — ხალხის ძალის, 2 კი ევროპელი სოციალისტების.
მომხრეები იყვნენ:
- ბარვენაშვილი გიორგი
- ბენაშვილი გია
- ბერაია ირაკლი (დაჩი)
- ბერაძე რამინა
- ბითაძე მაია
- ბოლქვაძე ანზორ
- ბოლქვაძე ელისო
- ბოჭორიშვილი მაკა
- გოცირიძე ელგუჯა
- დავითულაინი ბექა
- ალექსანდრე დალაქიშვილი
- ზაურ დარგალი
- ისკო დასენი
- ზაალ დუგლაძე
- ავთანდილ ენუქიძე
- გოჩა ენუქიძე
- გია ვოლსკი
- ირმა ზავრადაშვილი
- ირაკლი ზარქუა
- არჩილ თალაკვაძე
- ედიშერ თოლორაია
- ფრიდონ ინჯია
- რატი იონათამიშვილი
- დავით კაჭარავა
- ლადო კახაძე
- გიორგი კახიანი
- კახი კახიშვილი
- პაატა კვიჟინაძე
- ბაია კვიციანი
- ირაკლი კირცხალია
- სუმბატ კიურეღიანი
- ლევან კობიაშვილი
- რესან კონცელიძე
- მარიამ ლაშხი
- ზაზა ლომინაძე
- დავით მათიკაშვილი
- სამველ მანუკიანი
- ლევან მაჭავარიანი
- გურამ მაჭარაშვილი
- ლევან მგალობლიშვილი
- ირაკლი მეზურნიშვილი
- გოგი მეშველიანი
- ირაკლი მეძმარიაშვილი
- სავალან მირზოევი
- გივი მიქანაძე
- ზაალ მიქელაძე
- იმედა ნიკურაძე
- ანტონ ობოლაშვილი
- ბექა ოდიშარია
- ანრი ოხანაშვილი
- შალვა პაპუაშვილი
- გელა სამხარაული
- დიმიტრი სამხარაძე
- ნიკოლოზ სამხარაძე
- ვიქტორ სანიკიძე
- ეკა სეფაშვილი
- დავით სონღულაშვილი
- გიორგი სოსიაშვილი
- სოზარ სუბარი
- ალექსანდრე ტაბატაძე
- ნოდარ ტურძელაძე
- ირაკლი ქადაგიშვილი
- ლევან ქარუმიძე
- მერაბ ქვარაია
- სალომე ქურასბედიანი
- ალუდა ღუდუშაური
- მიხეილ ყაველაშვილი
- თენგიზ შარმანაშვილი
- ირაკლი შატაკიშვილი
- გიორგი ჩაკვეტაძე
- გოდერძი ჩანქსელიანი
- ქეთევან ჩარკვიანი
- ვასილ ჩიგოგიძე
- გიორგი ცაგარეიშვილი
- ბეჟან წაქაძე
- ნინო წილოსანი
- ხატია წილოსანი
- გრეტა წიწავა
- გივი ჭიჭინაძე
- შოთა ხაბარელი
- გიორგი ხახუბია
- დიმიტრი ხუნდაძე
- ვიქტორ ჯაფარიძე
- სალომე ჯინჯოლავა
დამსწრეთაგან კანონს მხარი არ დაუჭირეს:
- თეონა აქუბარდია
- არმაზ ახვლედიანი
- დავით ბაქრაძე
- ლევან ბეჟანიშვილი
- თინა ბოკუჩავა
- გიორგი ბოტკოველი
- გიორგი გოდაბრელიძე
- რომან გოცირიძე
- მიხეილ დაუშვილი
- ხატია დეკანოიძე
- გიორგი ვაშაძე
- შალვა კერესელიძე
- დავით კირკიტაძე
- თამარ კორძაია
- ბექა ლილუაშვილი
- პაატა მანჯგალაძე
- ნიკა მაჭუტაძე
- ალექსანდრე მოწერელია
- ტარიელ ნაკაიძე
- ანა ნაცვლიშვილი
- სალომე სამადაშვილი
- გუბაზ სანიკიძე
- სულხან სიბაშვილი
- შალვა შავგულიძე
- ნატო ჩხეიძე
- როსტომ ჩხეიძე
- ანა წითლიძე
- დევი ჭანკოტაძე
- ლევან ხაბეიშვილი
- დავით ხაჯიშვილი
მოქალაქეებმა პარლამენტის შენობაზე სტენსილები გააკეთეს
View this post on Instagram
პარლამენტთან აქციაზე ორი მშვიდობიანი მონაწილე დააკავეს
View this post on Instagram
პარლამენტმა რუსულ კანონს მხარი დაუჭირა
ქართული ოცნების პარლამენტმა რუსულ კანონს მესამე მოსმენითაც დაუჭირა მხარი. მომხრე იყო 84 დეპუტატი, ხოლო მოწინააღმდეგე — 30. რეგისტრაცია გაიარა 116-მა დეპუტატმა.
შემდეგი ეტაპი პროექტის პრეზიდენტისთვის გადაგზავნაა. ცნობილია, რომ სალომე ზურაბიშვილი რუსულ კანონს ვეტოს დაადებს. შესაბამისად, ის კვლავ პარლამენტს დაუბრუნდება განსახილველად, რაც იმას ნიშნავს, რომ კანონი ჯერ ძალაში ვერ შევა.
მესამე მოსმენა პარლამენტში ხმაურისა და დაპირისპირების ფონზე მიმდინარეობდა. კენჭისყრის დროს კი ისმოდა ოპოზიციის დეპუტატების შეძახილები “არა რუსულ კანონს” და ქართული ოცნების დეპუტატების ტაში. კენჭისყრის შემდეგ პარლამენტის სხდომა დასრულდა.
პარალელურად, საკანონმდებლო ორგანოსთან დილიდან შეიკრიბნენ მოქალაქეები, რომლებიც რუსულ კანონს აპროტესტებენ.
კავკასიის უნივერსიტეტთან თანამშრომლობას წყვეტს ნინიკო რობაქიძე
View this post on Instagram
ლევან ბერძენიშვილი კავკასიის უნივერსიტეტს ტოვებს
View this post on Instagram
ნიკო ნერგაძემ კავკასიის უნივერსიტეტი დატოვა
View this post on Instagram
პოსტერები პარლამენტთან მიმდინარე აქციიდან
“კავკასიის უნივერსიტეტის პრეზიდენტმა მითხრა, რომ სუს-მა მოსთხოვა ჩემი გაშვება სამსახურიდან” — სოსო ბერიკაშვილი
View this post on Instagram
სახალხო დამცველის განცხადება რუსულ კანონზე
View this post on Instagram
ბუნდესტაგის საგარეო საქმეთა კომიტეტის თავმჯდომარის თქმით, საქართველოს მთავრობამ მათთან საუბარზე უარი თქვა
View this post on Instagram
38 უნივერსიტეტის ადმინისტრაცია სტუდენტებისა და ლექტორებისა პროტესტს გაემიჯნა
View this post on Instagram
ჯონ ბასის განცხადება
View this post on Instagram
დაპირისპირება პარლამენტში
გინება და ფიზიკური დაპირისპირება პარლამენტში რუსული კანონის განხილვისას — ვინ რა თქვა
პარლამენტის სხდომაზე, სადაც დღეს რუსული კანონი მესამე მოსმენით განიხილება, ხმაურით და დაპირისპირებაა. პლენარული სხდომა პოლიტიკური განცხადებებით დაიწყო, რა დროსაც ოპოზიციის კრიტიკულ გამოსვლებს ქართული ოცნების დეპუტატების მხრიდან ყვირილი მოჰყვა.
თავდაპირველად, ყვირილი მაშინ დაიწყო, როცა თინა ბოკუჩავამ ოცნების დეპუტატებს 83 მხდალი მოღალატე უწოდა. ბოკუჩავამ სიტყვა მაინც გააგრძელა თქვა, რომ ხალხს ვერ შეაშინებენ და ერთს თუ დაიჭერენ 100 გამოვა. ხმაური იყო ანა ნაცვლიშვილის გამოსვლის დროსაც, რომელიც პარლამენტში აირწინაღით, სათვალით და ევროკავშირი-საქართველოს დროშებით მივიდა.
მას შემდეგ, რაც ოცნების დეპუტატმა, რიმა ბერაძემ თქვა, რომ ოპოზიციის მხრიდან კანონთან “სპეკულაციები და ტყუილებია”, პაატა მანჯგალაძემ განაცხადა, რომ ბერაძეს პატივს სცემს, მაგრამ ის 9 აპრილის დროს რაიკომის მდივანი იყო და უფლება არ აქვს, პროპაგანდაზე ისაუბროს. ამ განცხადებასაც ხმაური მოჰყვა.
სიტუაცია მას შემდეგ დაიძაბა, როცა ლევან ხაბეიშვილმა თქვა, რომ ქართული ოცნების დეპუტატს, დიმიტრი სამხარაძეს თავში ნაგვის ყუთი აქვს და სწორედ ის კურირებს ახალგაზრდებზე თავდასხმასა და მუქარას. ხაბეიშვილის შემდეგ რატი იონათამიშვილმა დაიწყო სიტყვით გამოსვლა, თუმცა შეწყვეტა მოუწია, რადგან დეპუტატებმა ჩხუბი დაიწყეს.
პარლამენტის პირდაპირი ეთერი შეწყდა და ტექნიკური შესვენება გამოცხადდა. თუმცა, ადგილზე მყოფი მედიის კადრებში ჩანს, რომ სამხარაძე გინებით და მუქარით მივარდა ოპოზიციის მაგიდებთან. რიმა ბერაძემ მანჯგალაძეს თავში ფურცლები ჩაარტყა, ვაშაძეს კი პლანშეტის დარტყმით ემუქრებოდა.
სულხან-საბა ორბელიანის უნივერსიტეტის განცხადება
View this post on Instagram
რუსთაველის გამზირი ახლა
View this post on Instagram
აქციის მონაწილები სხვადასხვა ჭურჭლის გამოყენებით ხმაურობენ და ასე გამოხატავენ პროტესტს რუსული კანონის წინააღმდეგ
View this post on Instagram
ცარიელი აუდიტორია და ეზო IBSU-ში
View this post on Instagram
რუსული კანონის წინაადმდეგ აქცია გრძელდება
View this post on Instagram
მოქალაქეები საყოფაცხოვრებო ნივთების საშუალებით ცდილობენ, იხმაურონ და ასე გამოხატონ პროტესტი რუსული კანონის წინააღმდეგ
View this post on Instagram
კადრი აქციიდან
View this post on Instagram
პარლამენტის შენობასთან მიმდინარე აქციას სტუდენტები მსვლელობით უერთდებიან
View this post on Instagram
თსუ-ს სოციალურ და პოლიტიკურ მეციერებათა ფაკულტეტის 6-ვე მიმართულება იფიცება
View this post on Instagram
კადრები აქციიდან
View this post on Instagram
პარლამენტის თანამშრომლებმა საქართველოსა და ევროკავშირის დროშები გადმოფინეს
View this post on Instagram
თავისუფლების მოედანზე სპეცრაზმია მობილიზებული
View this post on Instagram
პარლამენტთან რუსული კანონის საწინააღმდეგო აქცია მიმდინარეობს
View this post on Instagram
Freedom House-ის განცხადება
View this post on Instagram
ამერიკაში ქართველი ემიგრანტების მიერ შესრულებული “ჩემო კარგო ქვეყანავ”
View this post on Instagram
ნიუ-იორკში ქართველმა ემიგრანტებმა რუსული კანონის საწინააღმდეგო კიდევ ერთი აქცია გამართეს
View this post on Instagram
პარლამენტთან რუსული კანონის საწინააღმდეგო აქცია 10:00 საათიდან დაიწყება
View this post on Instagram
ფოტოები — ბანერები მიმდინარე აქციიდან
View this post on Instagram
„საქართველოს ხელისუფლებამ სასწრაფოდ უნდა თქვას უარი ამ რეპრესიული კანონპროექტის მიღებაზე“ — Amnesty International
საერთაშორისო უფლებადამცველი ორგანიზაცია Amnesty International კიდევ ერთხელ გმობს პოლიციის მხრიდან რუსული კანონის საწინააღმდეგო აქციაზე გამოსული მშვიდობიანი დემონსტრანტების მიმართ უკანონო ძალის გამოყენებას და მოუწოდებს საქართველოს ხელისუფლებას, სასწრაფოდ თქვას უარი კანონპროექტის მიღებაზე.
„საქართველოს ხელისუფლებამ ამ საზიანო კანონის გატანის მცდელობისას ღიად დაიწყო ადამიანის უფლებებისა და სამოქალაქო საზოგადოების რეპრესია, რაც ბოლო დღეებში შემაშფოთებელ დონეზე ავიდა.
ის, თუ როგორ მოხდა ამ კანონპროექტის მხარდაჭერა — როცა პოლიტიკური ოპონენტები ძალაუფლების კორიდორებში დადუმებულნი იყვნენ სამართლებრივი პროცედურებით, გარეთ კი დემონსტრანტებს უმოწყალოდ სცემდნენ და აკავებდნენ პოლიციის მხრიდან სიმკაცრის ფონზე — მეტყველებს იმაზე, თუ რაოდენ საზიანო გავლენა აქვს ამ კანონს და რომ ის ცალსახად მიზანში იღებს ადამიანის უფლებებს.
ჩვენ მოვუწოდებთ საქართველოს ხელისუფლებას, შეწყვიტოს მცდელობა იმისა, რომ გაანადგუროს გამოხატვის, გაერთიანებისა და მშვიდობიანი შეკრების თავისუფლების უფლება. ხელისუფლებამ სასწრაფოდ უნდა თქვას უარი ამ რეპრესიული კანონპროექტის მიღებაზე. ყველამ, ვინც ეჭვმიტანილია ადამიანის უფლებების დარღვევაში, მათ შორის პოლიციელებმა, რომლებმაც უკანონოდ გამოიყენეს ძალა, პასუხი უნდა აგოს კანონის წინაშე, ინსტანციის უმაღლესი დონის ჩათვლით“, — წერია Amnesty International-ის განცხადებაში.
View this post on Instagram
ფოტოები — პარლამენტთან რუსული კანონის საწინააღმდეგო აქცია გრძელდება
View this post on Instagram
ფოტო — კადრი აქციიდან
View this post on Instagram
“გირჩი — მეტი თავისუფლება” აცხადებს, რომ დღეს დილით რუსული კანონის საწინააღდეგო აქციის სხვა მონაწილეებთან ერთად დააკავეს მათი 4 მხარდამჭერი
“გირჩი — მეტი თავისუფლება” აცხადებს, რომ დღეს დილით რუსული კანონის საწინააღდეგო აქციის სხვა მონაწილეებთან ერთად დააკავეს მათი 4 მხარდამჭერი დააკავეს: ძმები — გიორგი კემულარია და ლაშა კემულარია, რევი ყურაშვილი და ზურა ხომერიკი.
“ე.წ. სამართალდამცველებთან საუბრის დროს [გიორგი კემულარიამ] ახსენა, რომ იყო “გირჩი — მეტი თავისუფლების” წევრი და ხალხი ამ ძალადობას არ შეარჩენდა, რის შემდეგაც გაცილებით აგრესიულად ექცეოდნენ და დამატებით სცემეს”, — აცხადებენ პარტიაში.
“ლაშა კემულარიას სახეზე აღენიშნება სიწითლეები და მრავლობითი დაზიანებები ტანის არეში; ზურა ხომერიკის კადრები ვრცელდება, სადაც ნათლად ჩანს, ნიღბიანი სამი ადამიანი როგორ სცემს დაკავების შემდეგ, კორდონს მიღმა; რევი ყურაშვილს თითის ანაბეჭდით იძულებით, მისი ნების საწინააღმდეგოდ გაახსნევინეს კუთვნილი მობილური ტელეფონი”, — აცხადებს ადვოკატი.
View this post on Instagram
„ათიათასობით ქართველი ადამიანი აჩვენებს, რომ ევროპის გული თბილისშიცაა“ — ანალენა ბერბოკი
“ალბათ ეს [კადრები] ახალ ამბებში ნახეთ. საქართველოში ათიათასობით ადამიანი კვირების განმავლობაში საპროტესტო აქციებში მონაწილეობს, რათა მათი ქვეყანა ევროკავშირის წევრი გახდეს: სტუდენტები, მშობლები, ბებია-ბაბუა შვილიშვილებთან ერთად. ისინი აპროტესტებენ თავიანთი მთავრობის მიერ ინიცირებულ კანონს, რომელიც მიზნად ისახავს შეზღუდოს არასამთავრობო ორგანიზაციებისა და სამოქალაქო საზოგადოების ორგანიზაციების მუშაობა, რომლებიც ნაწილობრივ საზღვარგარეთიდან ფინანსდებიან.
კანონის უზენაესობა, დემოკრატიული სტანდარტები და მედიის თავისუფლება აუცილებელია ევროკავშირში გაწევრიანებისთვის. და ათიათასობით ქართველი ადამიანი აჩვენებს, რომ ევროპის გული მხოლოდ ვარშავასა და ლისაბონს შორის არ სცემს. ის თბილისის ქუჩებშიც ამ დემოკრატიულმა, ცოცხალმა და კრიტიკულმა სამოქალაქო საზოგადოებამ გამოიტანა. საქართველოს ევროკავშირის კანდიდატის სტატუსი ისტორიული შესაძლებლობაა და ხელისუფლებაზეა დამოკიდებული ამ ხმის მოსმენა”, — ასე ეხმაურება გერმანიის საგარეო საქმეთა მინისტრი ანალენა ბერბოკი თბილისში მიმდინარე რუსული კანონის საწინააღმდეგო აქციებს.
View this post on Instagram
ომბუდსმენის ინფორმაციით, პრაქტიკულად ყველა დაკავებული პოლიციის მხრიდან ძალადობაზე მიუთითებს და დაზიანებებიც აღენიშნებათ
საქართველოს სახალხო დამცველის ინფორმაციით, 13 მაისს პარლამენტთან ადმინისტრაციული წესით დაკავებული 23 პირიდან პრაქტიკულად ყველა პოლიციის მხრიდან ძალადობაზე მიუთითებს და დაზიანებებიც აღენიშნებათ.
“კერძოდ, 23-დან 22 დაკავებული პოლიციის მხრიდან განხორციელებულ არასათანადო მოპყრობაზე მიუთითებს, მათგან 16 კი სპეციალური საგამოძიებო სამსახურის მხრიდან გამოძიების ჩატარებას ითხოვს”, — აცხადებს ომბუდსმენი.
სახალხო დამცველი ასევე აღნიშნავს, რომ აპარატი მოახდენს გამოძიების მიმდინარეობის მონიტორინგს, გააგრძელებს დაკავებულთა მონახულებასა და საზოგადოების ინფორმირებას.
ფოტო — სტუდენტების მსვლელობა პარლამენტისკენ
View this post on Instagram
ვიდეო — სტუდენტების მარში პარლამენტის შენობისკენ
View this post on Instagram
კობახიძის თქმით, ივანიშვილმა ჯეიმს ო’ბრაიენს შეხვედრაზე უარი უთხრა
პრემიერმინისტრ კობახიძის ინფორმაციით, ამერიკის შეერთებული შტატების სახელმწიფო მდივნის თანაშემწეს ევროპისა და ევრაზიის საკითხებში, ჯეიმს ო’ბრაიენს ბიძინა ივანიშვილმა შეხვედრაზე უარი უთხრა. ამ შეხვედრასთან დაკავშირებით მას ჟურნალისტებმა ჰკითხეს მას შემდეგ, რაც პროპაგანდისტულმა ტელევიზიამ, იმედმა ჯერ გაავრცელა, შემდეგ კი წაშალა ინფორმაცია იმის შესახებ, რომ ო’ბრაიენს, რომელიც საქართველოში ჩამოდის, “ჩამოაქვს ბიძინა ივანიშვილის სანქცირების კონკრეტული პაკეტი”.
“იყო ბიძინა ივანიშვილის მიმართ თხოვნა შეხვედრასთან დაკავშირებით, რაზეც ბიძინა ივანიშვილმა უარით უპასუხა. ამას ჰქონდა თავისი ახნა და განმარტება. […] გასული თვეების განმავლობაში იყო შემთხვევები, როდესაც სხვა უცხოელ დიპლომატებს და პოლიტიკოსებსაც უთხრა უარი ბიძინა ივანიშვილმა შეხვედრაზე. ყველა შემთხვევაში უარის მიზეზი იყო ერთი და იგივე – ბიძინა ივანიშვილი აცხადებდა, რომ ის ისედაც არის დე ფაქტო სანქციების ქვეშ, მას აქვს გაყინული ორი მილიარდი დოლარი, რომელიც მან დასავლეთს რეალურად მიანდო და სამწუხაროდ, ეს თანხა, მაგრამ აღმოჩნდა გლობალური ომის პარტიის ხელში. აქედან გამომდინარე, ბიძინა ივანიშვილის პოზიციაა, რომ შანტაჟის ქვეშ ის ვერავითარ შეხვედრას ვერ გამართავს. როგორც კი დასრულდება ეს შანტაჟი და დე ფაქტო სანქციები, მაშინვე, რა თქმა უნდა, ნებისმიერი შეხვედრა შეიძლება შედგეს”, — აცხადებს კობახიძე.
რაც შეეხება იმას, თუ საიდან აქვს ინფორმაცია ქვეყნის პრემიერმინისტრს ოლიგარქ და არაფორმალურ მმართველ ბიძინა ივანიშვილთან დაგეგმილი შეხვედრების შესახებ ინფორმაცია, კობახიძე აღნიშნავს, რომ მას უწევდა “გარკვეული საკითხების შეთანხმება”.
View this post on Instagram
სტრიტ-არტისტი გაგოშა მორიგი ნამუშევრის ფოტოს ავრცელებს წარწერით „Never Back to USSR!“
View this post on Instagram
ფოტოები — ბანერები ანტირუსული აქციიდან
View this post on Instagram
ვიდეო — როგორ ძალადობს აქციის მონაწილეზე რამდენიმე პოლიციელი
ვრცელდება ვიდეო, სადაც ჩანს, როგორ ძალადობს აქციის მონაწილეზე რამდენიმე პოლიციელი. ისინი აქციის მონაწილეს მიათრევენ, ფიზიკურად უსწორდებიან, ურტყამენ ხელებს და ფეხებს.
ვიდეო 13 ივნისის დილითაა გადაღებული.
View this post on Instagram
ფოტო — სტუდენტთა ნაკადები ერთმანეთს შეხვდა და ერთობლივად მიემართება რუსთველისკენ
View this post on Instagram
ვიდეო — პარლამენტისკენ მიმავალ სტუდენტებს მოქალაქეები სოლიდარობის ნიშნად ფანჯრიდან საქართველოს დროშას უქნევდნენ
View this post on Instagram
ვიდეო — სტუდენტების შეძახილები: “საქართველოს რუსი ოლიგარქის გარეშე გაუმარჯოს!”
სტუდენტების მეორე ნაწილი ჭავჭავაძიდან პარლამენტისკენ მიემართება.
View this post on Instagram
ფოტო — სტუდენტების მეორე ნაწილი ჭავჭავაძიდან პარლამენტის შენობისკენ მოემართება
View this post on Instagram
„არ დაგავიწყდეთ, რომ ჩვენ შორის უთანხმოების ჩამოგდება მხოლოდ ვოლდემორს სურს! ძალა ერთობაშია! არა რუსულ კანონს!“ — სულაკაურის გამომცემლობა
სულაკაურის გამომცემლობა რუსულ კანონს ეხმიანება და თავის პოსტში ალბუს დამბლდორის ციტატა წიგნიდან „ჰარი პოტერი და ცეცხლოვანი თასი“ მოჰყავს:
„ლორდ ვოლდემორის დაბრუნების შემდეგ, ჩვენი ძალა ერთობაშია, ხოლო სისუსტე — დაცალკევებაში. ლორდ ვოლდემორს უთანხმოებისა და შუღლის ჩამოგდების უდიდესი ნიჭი აქვს. ჩვენ მასთან ბრძოლას მხოლოდ იმ შემთხვევაში შევძლებთ, თუ არანაკლებ დიდ მეგობრობასა და ნდობაზე დამყარებულ მტკიცე კავშირებს შევქმნით“, — აღნიშნულია გამომცემლობის პოსტში.
აქციაზე პოლიციის მიერ ნაცემი და დაკავებული მოქალაქე იზოლატორიდან კლინიკაში გადაიყვანეს
რუსული კანონის საწინააღმდეგო აქციაზე ნაცემი და დაკავებული მოქალაქე, გურამ ადამია იზოლატორიდან კლინიკაში გადაიყვანეს. ამის შესახებ მედია აპრილს ორგანიზაცია უფლებები საქართველოს ადვოკატმა, დიმიტრი ნოზაძემ განუცხადა.
“ხილული დაზიანება რაც არის, თვალი აქვს ჩალურჯებული და სისხლჩაქცევები აქვს. როგორც ვიცი, მსუბუქი ტვინის შერყევა აქვს. დაზიანებები აშკარად ეტყობოდა და სასწრაფოთი გადავიყვანეთ. იზოლატორში მიიყვანეს, ჩვენ მოვითხოვეთ და სახალხო დამცველის წარმომადგენელმა და გადაიყვანეს, ადვოკატებმა ვიბრძოლეთ, რომ გადაეყვანათ, თავიანთი გადაწყვეტილებით არაფერი გაუკეთებიათ”, — აცხადებს ადვოკატი დიმიტრი ნოზაძე.
კლინიკის ექიმი TV პირველთან ამბობს, რომ ამ ეტაპზე ადამიას მდგომარეობა დამაკმაყოფილებელია და მას აქვს მსუბუქი ხარისხის თავის ტვინის შერყევა.
ბიზნესასოციაცია “ქალები მომავლისთვის” განცხადებას ავრცელებს და მოუწოდებს საქართველოს მთავრობას, გაიწვიოს რუსული კანონპროექტი
“კანონი მეორედ შემოსატანი არ იყო” — ივლიანე ხაინდრავამ მინისტრის მრჩევლის თანამდებობა დატოვა
შერიგებისა და სამოქალაქო თანასწორობის საკითხებში სახელმწიფო მინისტრის მრჩეველმა, ივლიანე ხაინდრავამ თანამდებობა დატოვა. ინფორმაცია ამის შესახებ მან მედია აპრილს დაუდასტურა.
ივლიანე ხაინდრავას თქმით, თანამდებობის დატოვების მიზეზი გახდა ის ვითარება, რომლამდეც მივიდა ქვეყანა.
“მე საკმაოდ ბევრი ვიცხოვრე და ვიცი, დაუშვებლად მიმაჩნია ის დაპირისპირება, რომელიც შეიქმნა საზოგადოებაში და რომლის თავიდან აცილება შესაძლებელი და საჭირო იყო”, — აცხადებს ხაინდრავა.
მას ასევე ვკითხეთ, რას ფიქრობს რუსულ კანონზე, რაზეც გვიპასუხა:
“მე მაგას რუსულ კანონს არ ვუძახი, ეს არის კანონი, რომელიც არის. თუმცა ამ კანონმა გამოიწვია ის, რაც გამოიწვია. შეიძლებოდა ამის თავიდან არიდება და აუცილებელიც იყო. მე ვფიქრობ, რომ მეორედ ეს კანონი შემოსატანი არ იყო, რადგანაც პირველად ჩვენ ვნახეთ საზოგადოების რეაქცია”.
სახალხო დამცველი მოუწოდებს საგამოძიებო უწყებებს, მოახდინოს ყველა სავარაუდო დამნაშავის პასუხისმგებლობის გამოკვეთა და შესაბამისი სამართლებრივი ღონისძიებების გატარება
სახალხო დამცველის აპარატი გამოეხმაურა ოპოზიციური პოლიტიკური ლიდერების, პოლიტიკოსების, არასამთავრობო ორგანიზაციების წარმომადგენლების, მედია საშუალებებისა და აქციის მონაწილეების მიმართ განხორციელებული ძალადობრივი ქმედებების ფაქტებზე გატარებულ ღონისძიებებს და მოუწოდა საგამოძიებო უწყებებს, უმოკლეს ვადებში მოახდინოს ყველა სავარაუდო დამნაშავის პასუხისმგებლობის გამოკვეთა და შესაბამისი სამართლებრივი ღონისძიებების გატარება.
„სახალხო დამცველის აპარატმა არაერთ მსგავს ფაქტზე მოახდინა რეაგირება და მიმართა შესაბამის საგამოძიებო უწყებებს – სპეციალურ საგამოძიებო სამსახურს, გენერალურ პროკურატურას, შინაგან საქმეთა სამინისტროს“, — წერია სახალხო დამცველის განცხადებაში.
როგორც განცხადებაშია აღნიშნული, სახალხო დამცველის აპარატმა საგამოძიებო უწყებებს დროული და ეფექტიანი რეაგირების განხორციელების მიზნით, მიმართა ლევან ხაბეიშვილის, სოფო ჯაფარიძის, ალეკო ელისაშვილის, გია ჯაფარიძის, გიორგი მუმლაძის, ბორის ჩელე ყურუას, ნოდარ ჩაჩანიძის, დიმიტრი ჩიქოვანის, ბაიკერ ლაშა ღვინიანიძის, დიჯეი გიორგი შენგელიას, სამოქალაქო აქტივისტის ანა სუბელიანის მამის, აშშ-სა და საქართველოს მოქალაქე თეოდორ ჯონასის, პედაგოგ ლადო აფხაზავას მიმართ განხორციელებული ძალადობის ფაქტებზე; ასევე, ონლაინ გამოცემა „პუბლიკას“ ჟურნალისტ ალექსანდრე ქეშელაშვილისა და ამავე მედიის ჟურნალისტების, ონლაინ გამოცემა „ტაბულას“ ჟურნალისტ გიორგი ბადრიძის, გამოცემა „აპრილის“ ჟურნალისტ გიორგი ბასხაჯაურის, ტელეკომპანია „ტვ პირველთან“ შესაძლო ჩასაფრებისა და ამავე ტელეკომპანიის გადამღები ჯგუფის საქმიანობის ხელშეშლაზე, „ინფორმაციის თავისუფლების განვითარების ინსტიტუტის“ (IDFI) აღმასრულებელ დირექტორ გიორგი კლდიაშვილსა და „ფორმულას“ გადამღებ ჯგუფზე თავდასხმის ფაქტებზე; ასევე, 13 მაისსა და წინა დღეებში მომხდარ/საჯაროდ გავრცელებულ არაერთ ვიდეომასალაში აღბეჭდილ ძალადობრივ ქმედებებზე, მათ შორის, ლეონიძის ქუჩაზე მოქალაქის მიმართ განხორციელებული ძალადობის, გმირთა მოედანზე ახალგაზრდების ჯგუფზე მომხდარი თავდასხმის შემთხვევებზე.
„აღსანიშნავია, რომ ოპოზიციური პარტიების წარმომადგენლებზე, ჟურნალისტებსა და აქციის მონაწილეებზე თავდასხმის ფაქტებში იკვეთება პოლიტიკური, საქმიანობისა და მოსაზრების ნიშნით ადამიანთა დევნის ნიშნები, რაც კატეგორიულად ეწინააღმდეგება კონსტიტუციითა და საერთაშორისო აქტებით გარანტირებულ ადამიანთა ინდივიდუალურ უფლებებს, ისე დემოკრატიული საზოგადოებისა და სამართლებრივი სახელმწიფოს ძირითად პრინციპებს“, — აღნიშნულია სახალხო დამცველის განცხადებაში.
- სახალხო დამცველი მოუწოდებს საგამოძიებო უწყებებს, უმოკლეს ვადებში, მოახდინოს ყველა სავარაუდო დამნაშავის პასუხისმგებლობის გამოკვეთა და შესაბამისი სამართლებრივი ღონისძიებების გატარება, როგორც კანონდამრღვევი პოლიციელების, ისე მოძალადე ფიზიკური პირებისა თუ ჯგუფების, და მათი ორგანიზატორების ან/და წამქეზებლების იდენტიფიცირების მიზნით.
- სახალხო დამცველი აუცილებლად მიიჩნევს, რომ საგამოძიებო უწყებებმა ყურადღების მიღმა არ დატოვონ ხსენებული არასათანადო ქმედებების მოტივი, რომელიც უკავშირდება მათი განსხვავებული შეხედულებების, პროფესიული საქმიანობისა თუ პოლიტიკური პოზიციების გამო დევნას.
„ღამეები არ მძინავს… უნდა შეველიოთ ამ კანონპროექტს და მშვიდად გავაგრძელოთ ცხოვრება“ — ირმა სოხაძე
მომღერალმა და POSTV-ის გადაცემის წამყვანმა კომენტარი “კვირის პალიტრასთან” გააკეთა:
„მე არ ვიცი, ეს კანონი რუსულია, ფრანგული თუ ამერიკული და არც მაინტერესებს. მნიშვნელოვანი ისაა, რომ ასეთ ვნებათაღელვას იწვევს. სტრატეგიული პარტნიორების უმეტესობა გვაფრთხილებს, თქვენთვის ეს არ ივარგებს და არ გააკეთოთო, ამიტომ უნდა შეველიოთ ამ კანონპროექტს და მშვიდად გავაგრძელოთ ცხოვრება. გავაკეთოთ ის, რაც ჯობია ჩვენი ქვეყნისთვის და იმ ახალგაზრდებისთვის.
პროტესტს ხელოვნურად ვერ გავაჩერებთ, ვერაფრით შევეწინააღმდეგებით. შეიძლება ვიღაცამ მართლაც ისარგებლოს, ამ ყველაფერს სათავეში ჩაუდგეს და იმაზე უარესი შედეგი მივიღოთ, ვიდრე იმ ფულის აღმოჩენა თუ ამ კანონის მიუღებლობა იქნება. ჩვენ იქ ვცდებით, როდესაც განსხვავებული აზრისა და კუდიანების დევნას ვიწყებთ, შეთქმულების თეორიებს განვიხილავთ. აქ არ არის განსხვავებული აზრი, აქ ყველა ერთ აზრზე ვართ, რომ ჩვენი მომავალი – ევროპისკენ სვლა კონსტიტუციით, 78-ე მუხლითაა დამტკიცებული.
ნუ დავყოფთ, რომ თითქოს ახალგაზრდებს უნდათ ევროპა და ჩემს თაობას კი – რუსეთი. არა, ბატონო, მე უფრო არ მინდა რუსეთი, რადგან უკვე ვიცხოვრე იმ ქვეყანაში და ვიცი, რაც არის, და როგორღა უნდა მინდოდეს იმ წარსულში დაბრუნება? ვინ დაგვაბრალა ეს ჩემს თაობას? ეს არ არის თაობათა ომი და საერთოდ, ეს არავის ომი არ არის. შეიძლება გამჭვირვალობა მართლაც აუცილებელია, მაგრამ არ მინდა ყველა ნიუანსი ვიცოდე ქვეყნის შუაზე გახლეჩის ფასად. ხომ გახსოვთ, რა ბედნიერები ვიყავით ამ კანონის დაინიცირებამდე? მართლაც გვჯეროდა, რომ „ზღაპრის ბოლო კეთილია“ და უცებ კვლავ შუაზე რატომ გავიხლიჩეთ?
ღამეები არ მძინავს, ვზივარ, ეკრანს ვუყურებ და ვტირი. გავიგოთ, რომ ყველა ვართ ერთ აზრზე! რაც უფრო მალე გავიგებთ და ვაღიარებთ, უკეთესი იქნება ჩვენთვისაც და ქვეყნისთვისაც”, — თქვა სოხაძემ.
“გამოვაფხიზლოთ ვაკე!” — დღეს, 13 მაისს, 18:00-დან დაიწყება მსვლელობა ვაკის პარკიდან პარლამენტის შენობამდე.
შეგახსენებთ, რომ დილას იურიდიულმა კომიტეტმა რუსულ კანომს მესამე მოსმენითაც დაუჭირა მხარი.
დღეს, 18:30 საათზე, გაიმართება შშმ პირების აქცია რუსული კანონის წინააღმდეგ
“დღეს, 13 მაისს, 18:30 საათზე, შეზღუდული შესაძლებლობის მქონე პირები, რუსული კანონის გასაპროტესტებლად, ვიკრიბებით რუსთაველის მეტროსთან და მსვლელობით შევუერთდებით მთავარ აქციას საქართველოს პარლამენტთან.
დღეს იურიდიულ საკითხთა კომიტეტმა მესამე მოსმენით მიიღო „უცხოური ძალის გამჭვირვალობის შესახებ” კანონპროექტი, რაც იმას ნიშნავს, რომ პლენარულ სხდომაზე მესამე მოსმენით დაამტკიცებენ აღნიშნულს. ჩვენი არაერთი მცდელობისა და უფლების მიუხედავად, შშმ პირები არ დაგვიშვეს საკომიტეტო სხდომებზე, ამიტომ ჩვენ, შეზღუდული შესაძლებლობის მქონე პირები, კიდევ ერთხელ დავაფიქსირებთ ჩვენს პოზიციას, რომ ხსენებული კანონმდებლობა დააზიანებს ქვეყნის ევროპულ მომავალს, უფრო მეტად შეზღუდავს შშმ პირთათვის გარემოს, მოგვიწევს უარი ვთქვათ ყველა იმ სიკეთეზე, რომელსაც გვთავაზობენ ჩვენი უცხოელი პარტნიორები. აღსანიშნავია, რომ აქამდე შშმ პირთათვის რაც გაკეთდა, ყოველივე უცხოელი დონორების ძალისხმევით”, — რუსული კანონს წინააღმდეგ პროტესტს შშმ პირებიც უერთდებიან.