ხალხი რუსული კანონის წინააღმდეგ — განახლებადი

პუბლიკას ფოტო — რუსთაველის გამზირი 03:00 საათზე

საბა ლობჟანიძის სთორი ინსტაგრამზე

“ვერასდროს და ვერავინ დადგება ქართველ ხალხზე მაღლა! ჩვენ ვართ საქართველო და ჩვენი გზა ევროპაშია. არა რუსულ კანონს! არა ძალადობას!“, — წერს ფეხბურთელი საბა ლობჟანიძე.

ფოტო — ცირკის შენობასთან აქციის მონაწილეებს უცხო, ნიღბიანი პირები თავს დაესხნენ და ფიზიკურად გაუსწორდნენ

ამ დრომდე უცნობია ამ პირების ვინაობა.

დაშავებულია რამდენიმე ადამიანი.

მოვუწოდებ ხელისუფლებას, უკან გაიწვიოს კანონპროექტი და ჩაერთოს დიალოგში — გაეროს ადამიანის უფლებათა უმაღლესი კომისარი

გაეროს ადამიანის უფლებათა უმაღლესი კომისარი ვოლკერ თურქი შეშფოთებულია საქართველოში აქციის მონაწილეების მიმართ არაპროპორციული ძალის გამოყენებით. ის მიმართავს საქართველოს ხელისუფლებას, გამოიძიოს დემონსტრანტების მიმართ ძალის გადამეტების ფაქტი, და მოუწოდებს მას, გაიწვიოს რუსული კანონი.

„მე მოვუწოდებ საქართველოს ხელისუფლებას, გაიწვიოს ეს კანონპროექტი და ჩაერთოს დიალოგში, მათ შორის სამოქალაქო საზოგადოებასა და მედიაორგანიზაციებთან. დაფინანსების უცხოეთიდან მიმღები არასამთავრობო ორგანიზაციებისა და მედიასაშუალებების „უცხოური ძალის ინტერესების გამტარებლად“ მონიშვნა სერიოზულ საფრთხეს უქმნის გამოხატვისა და შეკრების თავისუფლებას“, — განაცხადა გაეროს ადამიანის უფლებათა უმაღლესმა კომისარმა.

აშშ მოუწოდებს საქართველოს მთავრობას, დააბრუნოს საქართველო ევროატლანტიკური მომავლის გზაზე — დერეკ შოლე

აშშ საქართველოს ხელისუფლებას მოუწოდებს, დარჩეს ერთგული საქართველოს ევროატლანტიკური მომავლისა.

„პრემიერმინისტრ ირაკლი კობახიძეს დღეს კიდევ ერთხელ განვუმარტე ჩვენი შეშფოთება საქართველოს ამჟამინდელი ტრაექტორიის შესახებ — მთავრობის მტრული რიტორიკა და ანტიდემოკრატიული კანონმდებლობის მხარდაჭერა საქართველოს ევროატლანტიკურ მომავალს რისკის ქვეშ აყენებს.

ამერიკის შეერთებული შტატები მოუწოდებს საქართველოს მთავრობას, დააბრუნოს საქართველო ევროატლანტიკური მომავლის გზაზე, რომელიც ქართველების აბსოლუტურ უმრავლესობას სურს“, — წერს აშშ-ის სახელმწიფო მდივნის მრჩეველი დერეკ შოლე X-ზე.

რუსული კანონის წინააღმდეგ 11 მაისს მასშტაბური აქცია დაანონსდა

„მინდა დაიმახსოვროთ ეს თარიღი — 11 მაისი. 11 მაისს ყველამ ერთად მოვაწყოთ ძალიან დიდი მანიფესტაცია. დიდი, მშვიდობიანი, ძლიერი, თავდაჯერებული მანიფესტაცია. ჩაინიშნეთ ეს თარიღი.

ყველამ ავიღოთ ეს დავალება: ის ადამიანები, ვინც ჯერ აქ არ ყოფილან, მოვიყვანოთ” — განაცხადა აქციის ერთ-ერთმა ორგანიზატორმა ლევან ცუცქირიძემ პარლამენტთან სიტყვით გამოსვლისას.

ვიდეო — აქციის მონაწილეების ხორუმი გმირთა მოედანზე

მოლდოვა დგას ქართველ ხალხთან ერთად — მოლდოვის პრეზიდენტი

„მოლდოვა დგას ქართველი ხალხის გვერდით, რომელიც ურყევ სიმამაცესა და ძლიერ ერგულებას ავლენს დემოკრატიისა და თავისუფლებისთვის.

ჩვენ მხარს ვუჭერთ მათ მისწრაფებებს, გააძლიერონ დემოკრატიული ინსტიტუციები და ააგონ ისეთი მომავალი, რომელიც გაიზიარებს ევროპულ ღირებულებებს“, — წერს მოლდოვის პრეზიდენტი მაია სანდუ X-ზე.

ფოტო — გმირთა მოედანზე მოქალაქეებმა ფოიერვერკი გაუშვეს

საქართველოში არსებული ვითარება ძალიან საგანგაშოა — ლატვიის საგარეო საქმეთა მინისტრი

„საქართველოში არსებული ვითარება ძალიან საგანგაშოა.

ლატვია გმობს მშვიდობიანი დემონსტრანტების წინააღმდეგ ძალადობის გამოყენებას.

როგორც საქართველოს საგარეო საქმეთა მინისტრს, ილია დარჩიაშვილს, ვუთხარი, „უცხოური გავლენის“ კანონპროექტი ძირს უთხრის საქართველოს მისწრაფებეს ევროკავშირისკენ“, — წერს ლატვიის საგარეო საქმეთა მინისტრი ბაიბა ბრაჟე X-ზე.

კადრები გმირთა მოედნიდან

ფოტო — გმირთა მოედანი ისევ გადაკეტილია

მაუწყებლის ფოტოები — გმირთა მოედანი ამ წუთებში

ვიდეო — გმირთა მოედანი ახლა

მორაგბე ბექა გიგაშვილის სთორი ინსტაგრამზე

“არა რუსეთს!! არა მოძალადეებს!!”, — წერს საქართველოს ეროვნული ნაკრების მორაგბე ინსტაგრამზე.

მე იმ კაცის დედა, ვინც პირველად რუსი აქო. არა რუსეთს — ჯაბა კანკავა

რუსული კანონის წინააღმდეგ პოზიცია კიდევ ერთხელ დააფიქსირა ეროვნული ნაკრების ფეხბურთელმა და ყოფილმა კაპიტანმა, ჯაბა კანკავამ.

“მე იმ კაცის დედა …. ვინც პირველად რუსი აქო. არა რუსეთს” — წერს კანკავა ინსტაგრამის სთორზე და ევროკავშირისა და საქართველოს დროშებს აქვეყნებს.

რუსული კანონი და საპროტესტო აქციებზე მოქალაქეების წინააღმდეგ ძალადობა დაგმეს ეროვნული ნაკრების სხვა ფეხბურთელებმაც.

მოესწრებით იმ დროს, როცა საქართველო თავისუფალი გახდება! — გიორგი აბურჯანია

“დაიმახსოვრეთ, მოესწრებით იმ დროს, როცა საქართველო თავისუფალი გახდება! მაგრამ იცოდეთ, თუ მაშინაც დამოუკიდებელ ქვეყანაში, თავისუფლებისთვის შეწყვეტთ ბრძოლას, ამ თავისუფლებას დაკარგავთ თქვენც და ქვეყანაც

არა რუსეთს!

არა ძალადობას!“ — წერს ფეხბურთელი გიორგი აბურჯანია.

„ქართული ოცნების“ ანტიდასავლური რიტორიკა ძირს უთხრის აშშ-საქართველოს ურთიერთობას — მეთიუ მილერი

„ქართული ოცნების” ანტიდასავლური რიტორიკამ გადაიყვანა საქართველო საეჭვო ტრაექტორიაზე, რომელიც საფრთხეს უქმნის საქართველოს ევრო-ატლანტიკურ გზას და ძირს უთხრის აშშ-საქართველოს ურთიერთობას“, — ამბობს აშშ-ის სახელმწიფო დეპარტამენტის სპიკერი.

პუბლიკას ვიდეო — აქციის მონაწილეები გმირთა მოედანზე ცეკვავენ

მთავარის ვიდეო — “ბებო, აქ ვერ დაგვიჭერენ… მთავარ არხზე გადართე და დამინახავ!”

აქციის მონაწილეების ერთობლივი სიმღერა გმირთა მოედანზე

მორაგბე გელა აფრასიძის სთორი ინსტაგრამზე

“არა რუსეთს!” — წერს საქართველოს მორაგბეთა ეროვნული ნაკრების წევრი.

ფოტოები — წარწერები გმირთა მოედნიდან

ფოტოები — გმირთა მოედანი ახლა

პრემიერი აშშ-ში მიიწვიეს კანონის შეჩერების დათქმით, ეს არაა პარტნიორული სულისკვეთება — საგარეო

საქართველოში აშშ-ის ელჩის, რობინ დანიგანის, განცხადების საპასუხოდ, საგარეო საქმეთა სამინისტრომ განაცხადა, რომ საქართველოს პრემიერმინისტრი აშშ-ში მიწვეული იყო იმ დათქმით, რომ ვიზიტამდე საქართველოს პარლამენტს დროებით უნდა შეეჩერებინა რუსული კანონის განხილვა, რაც, უწყების თქმით, „არ შეესაბამება პარტნიორობის სულისკვეთებას“.

„დღეს გავრცელდა აშშ-ის ელჩის განცხადება იმის თაობაზე, რომ საქართველოს მთავრობის მაღალი თანამდებობის პირები მიწვეული იყვნენ აშშ-ში, რაზეც ქართულმა მხარემ უარი თქვა. ამასთან დაკავშირებით, გვსურს განვმარტოთ, რომ საქართველოს პრემიერ-მინისტრი აშშ-ში მიწვეულ იქნა დათქმით, რომ ვიზიტამდე საქართველოს პარლამენტს დროებით უნდა შეეჩერებინა „უცხოური გავლენის გამჭვირვალობის შესახებ“ კანონპროექტის განხილვა. დათქმით ვიზიტის განხორციელება არ შეესაბამება პარტნიორობის სულისკვეთებას, რომელიც ურთიერთპატივისცემასა და ურთიერთნდობაზე უნდა იყოს დაფუძნებული, რასთან დაკავშირებითაც აშშ-ის ელჩს დეტალური განმარტება წარედგინა“, — განაცხადა საგარეო საქმეთა სამინისტრომ.

დღეს აშშ-ის ელჩმა საქართველოში, რობინ დანიგანმა, დაწერა, რომ საქართველოს მთავრობის მაღალი თანამდებობის პირები შეერთებული შტატების მაღალი თანამდებობის პირებთან სტრატეგიული პარტნიორობისა და აშშ-ის დახმარების შესახებ ნებისმიერი შეკითხვის განსახილველვად მიიწვიეს, თუმცა, სამწუხაროდ, ქართულმა მხარემ უარი თქვა ამ მიწვევაზე.

ქართული სპორტის ქომაგების განცხადება

ქართული ლეგიონი იმისთვის არ ვებრძვით უკრაინაში რუსეთს, რომ ამასობაში ჩვენი საქართველო გარუსდეს — ქართული ლეგიონი

„ქართული ლეგიონის შექმნის გადაწყვეტილება მივიღეთ მაშინ, როდესაც კიევში, მაიდანზე შეკრებილი ახალგაზრდების სასტიკი დარბევა ვიხილეთ.

მოვუწოდებთ საქართველოს ხელისუფლებას, შეწყვიტოს ქუჩებში საპროტესტოდ გამოსული მოქალაქეების წინააღმდეგ ძალის გამოყენება.

ქართული ლეგიონი იმისთვის არ ვებრძვით უკრაინაში რუსეთს, რომ ამასობაში ჩვენი საქართველო გარუსდეს.

ჩვენ ვგდგავართ ქართველი ხალხის გვერდით, როგორც ქართული საზოგადოების ნაწილი“, — წერს „ქართული ლეგიონი“.

ფოტო — კადრი გმირთა მოედანზე მიმდინარე აქციიდან

ვიდეო — თბილისის ოპერისა და ბალეტის თეატრში ევროკავშირის დროშა გადმოფინეს

მაყურებლები „საქართველოს“ სკანდირებენ

აქციაზე პოლიციამ Bedford Falls-ის გიტარისტი მიხეილ კალანდარიშვილი დააკავა

გმირთა მოედანზე რუსული კანონის საწინააღმდეგო აქციის დროს პოლიციამ ჯგუფ Bedford Falls-ის გიტარისტი მიხეილ კალანდარიშვილი დააკავა.

მუსიკოსი აქციის სხვა მონაწილეებთან ერთად იდგა ცოცხალ ჯაჭვში გზის გადაკეტვისას, როცა პოლიციელები მას მივარდნენ და სხვა დემონსტრანტებს ხელიდან გამოსტაცეს.

აქციის ქცევის წესები

ფოტო — პოსტერი აქციიდან

გზის გადაკეტვა შეკრების თავისუფლების ფორმაა — საქართველოს ახალგაზრდა იურისტთა ასოციაცია

საქართველოს ახალგაზრდა იურისტთა ასოციაციამ გმირთა მოედანზე აქციის მონაწილეების დაკავებასთან დაკავშირებით განცხადება გაავრცელა.

„გზის გადაკეტვა შეკრების თავისუფლების ფორმაა. შინაგან საქმეთა სამინისტროს მიერ გმირთა მოედანზე მშვიდობიანი დემონსტრაციის დაშლა მიმდინარეობს გზის სავალი ნაწილის გასუფთავების მიზნით.

Შინაგან საქმეთა სამინისტროს შევახსენებთ, რომ ადამიანის უფლებათა ევროპული სასამართლოს განმარტებით, გზის გადაკეტვა და სხვა ფიზიკური საშუალებების გამოყენება რომელიც მიმართულია ტრანსპორტის მოძრაობის შეფერხებისკენ, შეკრების თავისუფლების ფარგლებში ექცევა. გზის გადაკეტვა შეკრების თავისუფლების ფარგლებს შესაძლოა გასცდეს იმ შემთხვევაში, როდესაც ადგილი აქვს ნორმალური ცხოვრებისა და სხვების მიერ განხორციელებული კანონიერი ქმედებებისთვის ხელის იმგვარ შეშლას, რომელიც მნიშვნელოვნად აღემატება საჯარო ადგილას შეკრების უფლების რეალიზების შედეგად გამოწვეულ შეფერხებას. Მაშინ, როდესაც დემონსტრაციას ძალადობრივი ხასიათი არ აქვს, სახელმწიფომ უნდა გამოიჩინოს მიმღებლობა დემონსტრაციის შედეგად გამოწვეული შეფერხებების მიმართ, რაც შეიძლება, მათ შორის, ტრანსპორტის მოძრაობის შეფერხებაში გამოიხატოს.

აქედან გამომდინარე, გმირთა მოედანზე მიმდინარე აქციის დაშლა საპოლიციო ძალების მიერ წარმოადგენს აქციის მონაწილეების შეკრების თავისუფლებაში უკანონო ჩარევას, ხოლო ამ მიზნით განხორციელებული ადმინისტრაციული დაკავებები – არაპროპორციულ საშუალებას“, — აცხადებს ორგანიზაცია.

საია მოუწოდებს:

• შინაგან საქმეთა სამინისტროს: არ დაარღვიოს მშვიდობიანი დემონსტრანტების შეკრების და მანიფესტაციის უფლება; შეწყვიტოს ადმინისტრაციული დაკავებები და მისცეს მათ პროტესტის გამოხატვის საშუალება.
• პოლიციელებს: არ დაემორჩილონ უკანონო ბრძანებებს.

ვიდეო — რუსთაველიდან გმირთა მოედნისკენ მსვლელობას მოქალაქე ევროკავშირის დროშით ხვდება

ფოტოები — გმირთა მოედანზე მყოფებს პარლამენტიდან მსვლელობით წამოსულები შეუერთდნენ

დემონსტრანტების ნაწილმა გმირთა მოედნის გადაკეტვა რამდენიმე საათის წინ დაიწყო, თუმცა პოლიცია მათ ამის საშუალებას არ აძლევდა და დააკავებები დაიწყო.

GCRT — უფასო სამედიცინო და ფსიქოლოგიური დახმარება აქციაზე დაკავებულ და დაშავებულ პირებს

GCRT აქციების დროს დაკავებულ და დაშავებულ პირებს გაუწევს უფასო სამედიცინო დახმარებას. საჭიროების შემთხვევაში, უზრუნველყოფს მათ კრიზისულ და გრძელვადიან ფსიქოლოგიურ მხარდაჭერას.

ორგანიზაციას შეგიძლიათ დაუკავშირდეთ შემდეგ ნომრებზე:
📞577 22 68 68
📞577 12 68 68

ფოტო — გმირთა მოედანი ახლა

ვიდეო — სიტუაცია გმირთა მოედანზე ახლა

🟣 დემონსტრანტების ნაწილმა გმირთა მოედნის გადაკეტვა რამდენიმე საათის წინ დაიწყო, თუმცა პოლიცია მათ ამის საშუალებას არ აძლევდა და რამდენიმე პირი დააკავა.

🔵 აქტივისტების მხარდასაჭერად მოქალაქეები რუსთაველის გამზირიდან დაიძრნენ და გმირთა მოედნის პიკეტს შეუერთდნენ.

საქართველოს ეროვნული ნაკრების ფეხბურთელი ანრი მექვაბიშვილი ინსტაგრამზე

“საქართველოსთვის თამაში ყოველთვის ყველაზე საამაყო იყო, არის და იქნება.

ჩვენ ვართ საქართველო

ზღაპრის ბოლო კეთილია”, — წერს საქართველოს ეროვნული ნაკრების ფეხბურთელი ანრი მექვაბიშვილი ინსტაგრამზე.

ფოტო — მსვლელობა გმირთა მოედნისკენ

გიორგი ქვილითაიას სთორი

“ჩვენს ცხოვრებაში დგება მომენტი, როცა დუმილი დანაშაულია. არსებობს ზღვარი, რომლის იქითაც აზრს კარგავს ყველაფერი. დღეს ეს ზღვარი ჩვენი სამშობლოა”, — წერს საქართველოს ეროვნული ნაკრების ფეხბურთელი გიორგი ქვილითაია.

ვიდეო — მსვლელობა პარლამენტის შენობიდან გმირთა მოედნისკენ

კრიმინალური პოლიცია გმირთა მოედანზე მშვიდობიან დემონსტრანტებს აკავებს.

შემოქმედებითი სააგენტოების ერთობლივი განცხადება

“ჩვენ, შემოქმედებითი ინდუსტრიის წარმომადგენლები, ბოიკოტს ვუცხადებთ ყველა იმ ბიზნესმენს და მათ დაფუძნებულ ყველა იმ კომპანიას, რომლებმაც მხარი დაუჭირეს რუსულ კანონს. არქი, CELFIE, Wissol, Wendy’s, Dunkin’, Smart, Subway, ჯორჯიან მანგანეზი, მილდიანი, აიჯი დეველოპმენტი, VR ჰოლდინგი, KTW, თეთრი კვადრატი, ანაგი. ჩვენ არ ვითანამშრომლებთ ამ ბრენდებთან. ჩვენი რესურსი არ მოხმარდება კოლაბორაციონისტ ბიზნესმენებს და მათ კომპანიებს!!!” — აღნიშნულია ერთობლივ განცხადებაში.

ფეხბურთელ თორნიკე ოქრიაშვილის ინსტაგრამ სთორი რუსული კანონის წინააღმდეგ

“ყოვლად მიუღებელია ის რეალობა, რაც ჩვენს ქვეყანაში ხდება! არა ძალადობას! არა რუსეთს! საქართველო ევროპაში”, — წერს ფეხბურთელი ინსტაგრამზე და აქციიდან საკუთარ ფოტოს აქვეყნებს.

არცერთი ჩემპიონატია იმაზე მნიშვნელოვანი, ვიდრე ქვეყანა, არა რუსეთს — ქოჩორაშვილი

რუსული კანონის წინააღმდეგ პოზიცია კიდევ ერთხელ დააფიქსირა ეროვნული ნაკრების ფეხბურთელმა, გიორგი ქოჩორაშვილმა. ინსტაგრამის სთორში ის წერს, რომ არაფერია იმაზე მნიშვნელოვანი, ვიდრე ქვეყანა. არცერთი ჩემპიონატი და არცერთი სპორტული ღონისძიება.

“თავისუფლება ძალაა, რომელიც ღმერთმა მოგვცა და ეს თავისუფლება არის ის, რასაც თითოეული ქართველი ფლობს. ის 26 მარტის დღე, რომლის დროსაც ყველა ბედნიერი იყო, ერთმანეთს ვეხუტებოდით და ვზეიმობდით, არ გამქრალა და ჩვენს გულებში ინახება. მაგრამ არაფერია იმაზე მნიშვნელოვანი, ვიდრე ქვეყანა. არცერთი ჩემპიონატი და არცერთი სპორტული ღონისძიება.

დიდება და თავისუფლება საქართველოს და არა ძალადობას. არა რუსეთს!! საქართველოს გზა ევროპაშია! მე ვარ საქართველო!” — წერს  გიორგი ქოჩორაშვილი.

უფასო სამართლებრივი დახმარება აქციაზე დაკავებულთათვის

გაიწვიეთ ეს კანონი — გიორგი ჩაკვეტაძე

საქართველოს ეროვნული ნაკრების ფეხბურთელი, გიორგი ჩაკვეტაძე მოუწოდებს ხელისუფლებას, გაიწვიოს რუსული კანონი.

“მიჭირს და რთულია ვუყურო, როგორ უპირისპირდებიან ჩემს თანამოქალაქეებს, განსაკუთრებით ქალებს და ბავშვებს. არაფერი არ დგას ჩვენს ხალხზე მაღლა, არანაირი კანონი არ დგას ამაზე მაღლა. გაიწვიეთ ეს კანონი და კვლავ ისე ერთიანად გავაგრძელოთ ცხოვრება, როგორც 26 მარტს იყო! უარი რუსეთს, სრული სვლით ევროპისკენ!”, — წერს ჩაკვეტაძე ინსტაგრამზე.

ვდგავარ ახალგაზრდების გვერდით, ვინც ჯანმრთელობას საფრთხის ქვეშ აყენებს მომავლისთვის – ბუდუ ზივზივაძე

საქართველოს ეროვნული ნაკრების ფეხბურთელი, ბუდუ ზივზივაძე აცხადებს, იმ ახალგაზრდების გვერდით დგას, რომლებიც თავიანთ ჯანმრთელობას საფრთხის ქვეშ აყენებენ საქართველოს მომავლისთვის. ფეხბურთელის თქმით, “ვერანაირად გამართლდება შვიდობიან მომიტინგეებზე თავდასხმა”.

“ძალიან სამწუხაროა, რომ სპორტსმენს, კონკრეტულად კი ფეხბურთელს, უკვე მეორედ მიწევს დავაფიქსირო აზრი ქვეყანაში მიმდინარე მოვლენებზე და არ მიწევს ფეხბურთზე ფიქრი და ევროპის ჩემპიონატისთვის მომზადება, რომ ჩემი ქვეყანა ვასახელო დიდ საფეხბურთო ფორუმზე, მაგრამ როგორც რიგითი საქართველოს მოქალაქე, თავს ვალდებულად ვთვლი, რომ კვლავ გავიმეორო ❌არა რუსეთს და არა ყველაფერს რაც საქართველოს რუსეთისკენ მიაქანებს❌. საქართველოს გზა ევროპაშია.
ვდგავარ იმ ახალგაზრდების გვერდით ვინც თავიანთ ჯანმრთელობას საფრთხის ქვეშ აყენებენ საქართველოს მომავლისთვის.
ვერანაირად გამართლდება შვიდობიან მომიტინგეებზე თავდასხმა”, – წერს ის facebook-ზე და აღნიშნავს, რომ სურს,  საქართველო ყოველთვის ისეთი ერთიანი და ბედნიერი იყოს, როგორც 26 მარტის ღამეს.

“მე ვარ საქართველო ✊🇬🇪”, – აღნიშნავს ფეხბურთელი.

50-ზე მეტი იუთუბერი ერთობლივი ვიდეო მიმართვით ეწინააღმდეგება რუსულ კანონს

50-ზე მეტი იუთუბერი ერთობლივი ვიდეო მიმართვით ეწინააღმდეგება რუსულ კანონს. ისინი ერთხმად ამბობენ, რომ ეწინააღმდეგებიან კანონს, რომელიც ევროპას გვაშორებს და გმობენ ძალადობას.

ვიდეო — მიმდინარე ვითარება გმირთა მოედანზე

გადაკეტილია გმირთა მოედნის ნაწილო, ვარაზისხევის მხრიდან.

ჰაკერულმა დაჯგუფება „ანონიმუსმა“ შსს-ს ვებგვერდი დაჰაკა

ამის შესახებ დაჯგუფება სოციალურ ქსელ X-ზე წერს.

ამჟამად ვებგვერდი police.ge მიუწვდომელია.

პუბლიკას ფოტო — გმირთა მოედანზე აქციის მონაწილეებს გზის გადაკეტვის საშუალებას არ აძლევენ