ევროპარლამენტარი მირიამ ლექსმანი კრიტიკულად გამოეხმაურა „ქართული ოცნების“ მიერ დაანონსებულ ინიციატივას მადისკრედიტირებელი ბაზის შექმნის შესახებ. ლექსმანმა დაგმო ეს ინიციატივა და მას „ავტორიტარული“ უწოდა.
„სწორედ ასე გამოიყურება ავტორიტარიზმი. სირცხვილი „ქართულ ოცნებას“ და ყველას, ვინც მათ ქართველი ხალხის იმედებისა და მისწრაფებების განადგურების საშუალებას აძლევს“, — დაწერა ლექსმანმა X-ზე (ყოფილ ტვიტერზე).
This is what authoritarianism looks like. Shame on the Georgian Dream and those enabling its destruction of Georgian people’s hopes and aspirations https://t.co/8a80NYvqGF
— Miriam M. Lexmann (@MiriamMLex) May 8, 2024
შეგახსენებთ, რომ მოქალაქეებისა და აქტივისტების დისკრედიტაციისთვის ქართული ოცნება მორიგი ბაზის შექმნას აპირებს. ბაზაში ხალხს ჩაწერენ ისეთ ქმედებებზე საჯაროდ პოზიციონირებისთვისაც, რასაც ხელისუფლება „ძალადობას“ და „მუქარას“ არქმევს. ასეთ მაგალითად შალვა პაპუაშვილმა ბოლოდროინდელი მშვიდობიანი პროტესტიც მოიყვანა, რომლის მონაწილეებიც შანტაჟსა და შტურმის მცდელობაში დაადანაშაულა. პარლამენტის თავმჯდომარის თქმით, ეს მონაცემთა ბაზა განთავსდება სპეციალურ ვებგვერდზე და იქნება საჯარო და „გამჭვირვალე“.