ქვიზი: როგორ იცნობ ქალ შემსრულებლებს Tbilisi Open Air-ის ისტორიიდან

სულ რამდენიმე დღეში ქვეყნის მთავარი მუსიკალური ფესტივალი კიდევ ერთხელ შეკრებს ადამიანებს, რომლებიც ერთი იდეის გარშემო ერთიანდებიან — “მუსიკა ათავისუფლებს”. Tbilisi Open Air 4 და 5 ივლისს Lisi Wonderland-ში გაიმართება და ქართველ და უცხოელ შემსრულებლებს უმასპინძლებს.

წლებია, თვალყურს ვადევნებთ სიახლეებს, რომელსაც ფესტივალი გვთავაზობს, მაგრამ მთავარი, რაც არ იცვლება, ის ატმოსფეროა, რომელიც ამდენი წელია, TOA-ს ათიათასობით სტუმარს ერთ სივრცეში უყრის თავს. მიუხედავად იმისა, რომ ბოლო წლების თითქმის არცერთ Tbilisi Open Air-ს წვიმისა თუ ტალახის გარეშე არ ჩაუვლია, ეს დღეები ბევრისთვის წლის საუკეთესო მოგონებად რჩება.

უკვე მეორე წელია, Tbilisi Open Air-ზე იქნება ქვიარ კუთხეც, სადაც შეგეძლებათ ითამაშოთ ქვიზები და მოიგოთ საჩუქრები. ქვიარ ინიციტივა და თემიდა ასევე შემოგთავაზებთ სხვადასხვა ტიპის გართობას და მხიარულებას, კარაოკეს, გლითერებით სახის მოხატვას, სტიკერებს და ა.შ.

წელს, პირველად, თავისი გამორჩეული ენერგიით და ფერადი განწყობით, Lisi Wonderland-ში MZESUMZIRA-ს სცენა დაგხვდებათ. ბილეთებისა და შემსრულებლების შესახებ მეტი ინფორმაციის ნახვას ამ ბმულზე შეძლებთ.

წინა წლების მსგავსად, მედია აპრილი Tbilisi Open Air-ის მედია პარტნიორია, რაც იმას ნიშნავს, რომ ფესტივალის მიმდინარეობისას და დასრულების შემდეგ, არაერთ საინტერესო აქტივობას შემოგთავაზებთ. თუმცა, სანამ იქ შევხვდებით, გვინდა გავიგოთ, როგორ და რა გახსოვს TOA-ს ქალ შემსრულებლებსა და მათ დაუვიწყარ პერფორმანსებზე.