უკვე წელიწადზე მეტია, რაც ქვეყანაში საპროტესტო გამოსვლები მიმდინარეობს, ამის პარალელურად კი “ქართული ოცნება” ავტორიტარული ძალაუფლების განმტკიცებას ცდილობს, ერთმანეთის მიყოლებით იღებენ კანონებს და რეპრესიებით ცდილობენ, წინააღმდეგობა მოკლან.

ამ მოცემულობის გათვალისწინებით, კიდევ უფრო მნიშვნელოვანია სოლიდარობის ძალა და საზოგადოებრივ ჯგუფებს შორის მყარი კავშირი, თუმცა ეს სულ უფრო რთული ხდება. “უკანონო” პოდკასტის ახალ ეპიზოდში “მოძრაობა სოციალური დემოკრატიისთვის” წევრი, ანთროპოლოგი და გენდერის მკვლევარი, თათია დვალი გვყავს სტუმრად და ვსაუბრობთ, მაინც რა არის სოლიდარობა, როგორი მაგალითები გვაქვს, რამდენად მნიშვნელოვანია მსგავსი აქტები ავტორიტარიზმის წინააღმდეგ და როგორია ის მემკვიდრეობა, რაც საბჭოთა ავტორიტარიზმმა დაგვიტოვა და რომელშიც თავის გამორკვევას ვცდილობთ.