მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

“უკანონო” პოდკასტის მორიგ ეპიზოდში საბჭოთა წარსულის კვლევის ლაბორატორიის მკვლევართან, რუსუდან კობახიძესთან ერთად, ვსაუბრობთ “ქართული ოცნების” მცდელობაზე, დააშინონ მოქალაქეები, ჩაახშონ პროტესტი და აწარმოონ პროპაგანდა. “ქართული ოცნების” ნაბიჯები, რომლებსაც გასული წლებია პროტესტში მყოფი მოქალაქეების წინააღმდეგ დგამენ, მოგვაგონებს ისტორიულ პარალელებს, რაც საბჭოთა გამოცდილებიდან გვახსოვს — განვიხილავთ, რამდენად რელევანტურია შედარებები წარსულთან და რამდენად მედეგია დღევანდელი წინააღმდეგობა.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.