მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

თეატრი აღმოჩნდა ის სივრცე, რომელსაც განსაკუთრებული წინააღმდეგობის უნარი აღმოაჩნდა, როცა რეჟიმისადმი დაუმორჩილებლობაზე გვაქვს საუბარი. სპექტაკლები დიდი ხნის განმავლობაში არ იდგმებოდა სახელმწიფო თუ კერძო თეატრებში, შემდეგ კი აქა-იქ აღდგა, მათ შორის, დამოუკიდებელი თეატრების ნაწილმა საუბარი დაიწყო თუ გააგრძელა თემებზე, რომლებიც თავის თავში მოიაზრებს წინააღმდეგობას. “უკანონო” პოდკასტის მორიგ ეპიზოდში თეატრის რეჟისორებსა და დრამატურგებთან, ქეთევან სამხარაძესა და დავით ხორბალაძესთან ერთად, ვსაუბრობთ წინააღმდეგობაში მყოფ თეატრზე.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.