მედია აპრილი წარმოგიდგენთ “უკანონო” პოდკასტს
საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.
სიცილი მძლავრი ფენომენია, რომლის გავლენა და ფუნქცია სოციალური, კულტურული თუ პოლიტიკური თავისებურებების მიხედვით იცვლება. ადამიანები ვიცინით სასაცილო ხუმრობაზე, ტკივილისას, რადგან ტირილი არ გვინდა, უხერხულობისგან და მიკუთვნების განცდის საზღაურად. ზოგჯერ საზოგადოების ერთადერთი იარაღი ხელისუფლების წინააღმდეგ სიცილი თუ დაცინვაც შეიძლება იყოს. განსაკუთრებით მწარე კი ისაა, როცა ხელისუფალი იწყებს საზოგადოების დაცინვას.
კომიკოს ანა სიხარულიძესთან ერთად, ვლაპარაკობთ სიცილზე, იუმორისტულ მიმდინარეობებსა და კონტროლის ხელში აღების თუ წესრიგის შეცვლის აუცილებლობაზე, ასევე ქართულ სთენდაფ სცენაზე, რომლის ნაწილიც ჩვენი სტუმარია.
პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.
განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.