ევროპის საბჭოს მინისტრთა კომიტეტმა ევროპის ადამიანის უფლებათა სასამართლოს მიერ საქართველოს წინააღმდეგ მიღებული საქმეების აღსრულებასთან დაკავშირებით რეზოლუცია გამოაქვეყნა. რეზოლუციაში საუბარია 7 სხვადასხვა საქმეზე, რომლებიც შეეხება სახელმწიფოს კრახს, დაიცვას მოქალაქეები ჰომო/ტრანსფობიური და რელიგიური ნიშნით თავდასხმისგან, ოფიციალური პირების მხრიდან ჰომო/ტრანსფობიური ან რელიგიური მიკერძოებიდან გამომდინარე ჩაგვრასა და არასათანადო გამოძიებას.
კომიტეტმა ხელისუფლებას ყველა განახლებული გამოძიებისა და სასამართლო პროცესის დროულად დასრულებისკენ, ევროპის ადამიანის უფლებათა სასამართლოს სამართლებრივი და ფაქტობრივი მიგნებების გათვალისწინებისკენ, საქმისთვის შესაბამისი კვალიფიკაციის თუ დაინტერესებული აპლიკანტებისთვის მსხვერპლის სტატუსის მინიჭებისკენ მოუწოდა, ასევე ყურადსაღებად მიიჩნია მიკერძოების/წინასწარგანწყობის მოტივის გამოკვლევა.
ამასთან, კომიტეტმა მწუხარება გამოთქვა, რომ მითითებების მიუხედავად, უწყებებმა “ოჯახურ ღირებულებათა და არასრულწლოვანთა დაცვის” კანონი მაინც მიიღეს და სხვა უფლებებთან ერთად, შეზღუდეს საჯარო შეკრება. კომიტეტის თქმით, აღნიშნული უკუსვლაა საქმეების აღსრულების ნაწილში, მათ შორის, იდენტობა და სხვები საქართველოს წინააღმდეგ საქმეში, რაც სერიოზულ კითხვებს აჩენს საქართველოს შესაბამისობასთან დაკავშირებით იმ ვალდებულებებთან, რასაც ევროპის სასამართლო აკისრებს.
კომიტეტმა უწყებებს მოუწოდა, რომ გაიწვიოს კანონი და არ განაგრძოს რაიმე ტიპის პრაქტიკული თუ სამართლებრივი ნაბიჯების გადადგმა, რაც ნაკისრ ვალდებულებებს კიდევ უფრო საფრთხის ქვეშ დააყენებს. კომიტეტმა ასევე მოუწოდა ხელისუფლებას, რომ უარი თქვას დისკრიმინაციულ ნარატივებზე და შეუვალი ბრძოლა გამოუცხადოს დისკრიმინაციის ყველა ფორმას, სიძულვილის ენასა და დანაშაულებს, მათ შორის, ნულოვანი ტოლერანტობის გზავნილის გავრცელებით და დაუსჯელობის დასრულებისთვის ქმედითი ნაბიჯების გადადგმით.
კომიტეტმა ხელისუფლებას იმისკენაც მოუწოდა, რომ შეკრების თავისუფლებით ეფექტურად სარგებლობა უზრუნველყოს, ყოველგვარი დისკრიმინაციის გარეშე, რის აღსასრულებლადაც გააძლიერებს დაცვას და პრევენციულ ზომებს, სისხლის სამართლის რეაგირება იქნება მტკიცე ნებისმიერი მიკერძოების მოტივისადმი და ძალადობრივი ნიშნით ჩადენილი ძალადობის ორგანიზატორებისა და წამქეზებლებისათვის.
კომიტეტმა სახელმწიფოს მოუწოდა, რომ 2025 წლის ივნისის ბოლომდე სიძულვილის მოტივით ჩადენილი დანაშაულების გამოძიების სპეციალიზაციის სისტემის შესახებ, მისი ამოქმედების ვადების შესახებ, ასევე სიძულვილით მოტივირებული დანაშაულების შესახებ სტატისტიკური ინფორმაციის წარდგენისკენ.