მას შემდეგ, რაც პოლიციამ ბლოგერი უჩა აბაშიძე დააკავა, მის სახლთან შეკრებილმა მოქალაქეებმა ჭავჭავაძის გამზირზე გადაინაცვლეს და ქუჩის გადაკეტვა სცადეს, რასაც პოლიციის მხრიდან ფიზიკური დაპირისპირება მოჰყვა.
სამართალდამცავებმა აქციის მონაწილეების დაკავება დაიწყეს. ამ ეტაპზე უცნობია, რამდენი ადამიანია დაკავებული.
უჩა აბაშიძე სამხედრო ჟურნალისტი და ბლოგერია, რომელიც აქტიურად გამოხატავდა თავის პოზიციას რუსული კანონის წინააღდეგ. მის სახლში პოლიცია რამდენიმე საათის წინ შევიდა და ჩხრეკა დაიწყო. ოჯახის ახლობლები ამბობდნენ, რომ ბინაში არ უშვებდნენ, აბაშიძეს კი ტელეფონის გამოყენების უფლებას არ აძლევდნენ.
საიას განცხადებით, ადგილზე მივიდა ადვოკატიც, რათა საგამოძიებო მოქმედებებს დასწრებოდა, თუმცა, უწყებამ არ მისცა არ ამის და არც მისი დაცვის ქვეშ მყოფ პირთან შეხვედრის შესაძლებლობა, რაც სისხლის სამართლის დანაშაულია.
რამდენიმესაათიანი ჩხრეკის შემდეგ უჩა აბაშიძე დააკავეს. ადვოკატის ინფორმაციით, ის სისხლის სამართლის კოდექსის 236-ე მუხლითაა დაკავებული, რაც იარაღის შეძენა-შენახვას გულისხმობს.