12 ოქტომბრიდან, კინოთეატრ ამირანში ელენე ნავერიანის ფილმის — შაშვი შაშვი მაყვალი — ნახვას შეძლებთ. ფილმი თამთა მელაშვილის იმავე სახელწოდების რომანის მიხედვით არის გადაღებული, რომელიც 2021 წლის პრემია საბაზე საუკეთესო რომანის კატეგორიაში გამარჯვებული გახდა.
ფილმში მთავარ როლებს ეკა ჩავლეიშვილი და თემიკო ჭიჭინაძე ასრულებენ. “შაშვი შაშვი მაყვალი”-ს მსოფლიო პრემიერა კანის კინოფესტივალის სექცია Quinzaine de Cineaste-ში შედგა. ამასთან, ელენე ნავერიანის ფილმი სარაევოს კინოფესტივალზე 2023 წლის საუკეთესო ფილმად დასახელდა, ხოლო ეკა ჩავლეიშვილი საუკეთესო ქალ მსახიობად.
შაშვი შაშვი მაყვალი შუა ხნის ასაკის, პატარა ქალაქში მცხოვრები ეთეროს შესახებ გვიყვება, რომელიც თავისივე მაღაზიას ამუშავებს და მის ერთფეროვან ცხოვრებას მოულოდნელი ინციდენტი თავდაყირა აყენებს — ეთერო სასიყვარულო თავგადასავალში ეხვევა.