ევროკომისიის ვიცეპრეზიდენტი ღირებულებებისა და გამჭვირვალობის საკითხებში, ვერა იუროვა აცხადებს, რომ რუსული კანონი წინააღმდეგობაშია ევროკავშირის მიდგომასთან.
W/ 🇬🇪 MFA @iliadarch we also discussed the foreign agents law in #Georgia.
On foreign funding, the right approach is to focus on #transparency. 🇬🇪 should take inspiration from 🇪🇺
Focusing on sanctioning/labelling /restricting actors’ operation is in contradiction w/ EU approach. https://t.co/8zZS84HrtQ
— Věra Jourová (@VeraJourova) April 30, 2024
“სწორი მიდგომა უცხოურ დაფინანსებაზე ფოკუსირებულ გამჭვირვალობაზე უნდა იყოს. საქართველომ შთაგონება ევროკავშირისგან უნდა აიღოს. სანქციებზე/იარლიყის მიწებებაზე/აქტორების საქმიანობის შეზღუდვაზე ფოკუსირება წინააღმდეგობაშია ევროკავშირის მიდგომასთან”, — წერს იუროვა.
ვერა იუროვამ ეს განცხადება მას შემდეგ გააკეთა, რაც საგარეო საქმეთა მინისტრს, ილია დარჩიაშვილს შეხვდა. სამინისტროს ინფორმაციით, მხარეებმა მოსაზრებები გაცვალეს რუსული კანონი შესახებ.
შეგახსენებთ, რომ ევროკავშირის უმაღლესმა წარმომადგენელმა, ჯოზეფ ბორელმა და სამეზობლო პოლიტიკისა და გაფართოების საკითხებში ევროკავშირის კომისარმა, ოლივერ ვარჰეიმ რუსულ კანონთან დაკავშირებით ერთობლივი განცხადება უკვე გააკეთეს. მათ მოუწოდეს საქართველოს ხელისუფლებას, “თავი შეიკავოს ისეთი კანონპროექტის მიღებისგან, რომელმაც შეიძლება საფრთხეში ჩააგდოს საქართველოს მსვლელობა ევროკავშირისკენ”.
მოგვიანებით კი ბორელმა კიდევ ერთხელ გააკრიტიკა რუსული კანონი და აღნიშნა, რომ შეუთავსებელია ევროკავშირის ღირებულებებთან.