მასშტაბური პროტესტიდან 1 წლისა და დაახლოებით 1 თვის შემდეგ, ქართულმა ოცნებამ დაპირება არ შეასრულა და განაცხადა, რომ რუსულ კანონს აბრუნებს. ეს მამუკა მდინარაძემ 3 აპრილს დააანონსა და რამდენიმე საათში შარშან დაწუნებული კანონპროექტი პარლამენტის ვებგვერდზე აიტვირთა.
ამ ინციატივას საზოგადოება კრიტიკულად შეხვდა. ამ სტატიაში გიამბობთ, როგორ ეხმაურებიან კულტურის, სპორტის, ლიტერატურისა და შოუბიზნესის წარმომადგენლები რუსული კანონის ხელახალ ინიციირებას.
კლუბი ხიდი აცხადებს, რომ ეს კანონპროექტი რუსეთში მოქმედი კანონის ანალოგიაა და ყოველდღიურად თავისუფალი აზრის გამტარი ფიზიკური პირების, მედიებისა და ადამიანის უფლებათა დამცველი ორგანიზაციების რეპრესირების მექანიზმია.
რა შეიცვლება? ხალხი, ვინც გარეთ იყო გამოსული, ახლა იმათში ბრაზი რამხელაა. რამხელა განცდაა. ალბათ, ელოდებიან, რომ რაღაც ნაწილი უკვე ისეა გადაღლილი და ისეა სასოწარკვეთამდე მისული, რომ შეიძლება რეაგირება არ მოახდინოს. არის ამაში რაღაც ლოგიკა. ჩემი თაობის ხალხს ძალიან უჭირს. ენერგია გვაქვს ცოტა. მაგრამ არა იმდენად ცოტა, რომ ჩვენი პრინციპები ვერ დავიცვათ… ისევ იქ [აქციაზე] ვიქნები”, — აცხადებს კასრაძე.
“არ მგონია, რომ ამაზე ვინმე დაიღლება და კიდევ ხელმეორედ არ გამოვა. ვიბრძოლებთ ამისთვის […] დაგვანებონ თავი! ვცდილობთ რაღაცა ვაკეთოთ, ვიშრომოთ, ავაშენოთ, ყველას გეგმები აქვს და ყველას აქ გვინდა ყოფნა. იმის მაგივრად რომ ეს ყველაფერი ამ ჩვენს არაჩვეულებრივ ქვეყანაში შევირგოთ და ყველამ ერთად გავაკეთოთ, ისევ ასეთ დაუჯერებელ მდგომარეობაში გვაყენებს ჩვენივე სახელმწიფო, ქვეყნის ინტერესების საზიანოდ”, — აცხადებს ლომოური.
მხატვარ გია ბუღაძის განცხადებით, რუსული კანონის მიღების შემთხვევაში ქვეყანა დაკარგავს ევროპულ კურსს და “არარაობა და ქოცისტანი” დარჩება. ბუღაძე ოპოზიციურ სპექტრსა და ხალხს გაერთიანებისკენ მოუწოდებს.
IPN“არაფერი არ იქნება. იქნება არარაობა და ქოცისტანი, პირდაპირი გაგებით. ამის გაკეთება უნდათ და მიაჩნიათ, რომ გააკეთებენ, მაგრამ ეს არ არის მათი ხედვა. ამ შემთხვევაში ოპოზიციას აქვს გარკვეული გამოცდა და დღეს ისინი დგანან გამოცდის წინაშე. ახლა მაინც შეთანხმდნენ, შეიკრიბონ და ერთად დადგნენ.
ოპოზიციავ, ჭორაობას დაანებეთ თავი. ყველანი გავერთიანდეთ! ვგულისხმობ პროდასავლურ ოპოზიციურ სპექტრს და ხალხსაც მოვუწოდოთ, ერთად დავდგეთ, შევიკრიბოთ და მოვაშოროთ ესენი, იმიტომ, რომ ესენი დაანგრევენ ქვეყანას!”, — აცხადებს ბუღაძე.
“ერთი წლის წინ პირობა დადეს რომ ამ კანონს აღარ მიუბრუნდებოდნენ! მინიმუმ ამ პირობის თავზე გადახევას როგორ ამართლებთ?! თავი რომ დავანებოთ საფრთხეებს რაც ამ კანონის მიღების მერე შეექმნება ხალხს და ქვეყანას?! ეს, თავის დაბრმავების და უნამუსობის ახალი საფეხურია!” – აცხადებს კინწურაშვილი.
ჩაგდებიდან 1 წლისა და დაახლოებით 1 თვის შემდეგ, ქართულმა ოცნებამ თავისივე სიტყვა გატეხა და რუსულ კანონს აბრუნებს. ყოველგვარი წინასწარი ინფორმირების გარეშე, ეს მამუკა მდინარაძემ 3 აპრილს დააანონსა და რამდენიმე საათში შარშან დაწუნებული კანონპროექტი პარლამენტის ვებგვერდზე აიტვირთა.
მდინარაძეს არ დაუმალავს, რომ პროექტის შინაარსი იგივე იქნება, ოღონდ სიტყვა “აგენტს” არ გამოიყენებენ. აქვე ქართულმა ოცნებამ მიგვითითა იმაზეც, რომ რასაც შარშან რუსული კანონად მოვიხსენიებდით, წელსაც იგივე არ ვუწოდოთ.
ქართულმა ოცნებამ 3 აპრილსვე დააინიციირა ჰომოფობიური, ადამიანის უფლებების საწინააღმდეგო ცვლილებების პროექტი, რომელიც, მათ შორის, შეკრებისა და გამოხატვის შემზღუდავ დათქმებსა და ცენზურას ითვალისწინებს.
ამავე თემაზე მეტი ინფორმაციისთვის: