ბიზნესისა და ტექნოლოგიების უნივერსიტეტი (BTU) ახალი ფართომასშტაბიანი პროექტის “ქალები ხელოვნურ ინტელექტში” ბენეფიციართა პირველი ნაკადის შესარჩევად განაცხადების მიღებას იწყებს. პროექტის მიზანი ქალების გაძლიერება და ტექნოლოგიებში მათი მეტი ჩართულობაა. პროექტი გაეროს ქალთა ფონდის (UN Women) მხარდაჭერით ხორციელდება.
Women in AI-ის ფარგლებში, საქართველოს მასშტაბით 200 ქალი შეირჩევა და თითოეული მათგანი ხელოვნური ინტელექტისა და ვებდეველოპმენტის მიმართულებებით 9 თვის განმავლობაში გადამზადდება.
სარეგისტრაციო ინფორმაციის თანახმად, პროგრამაზე დაშვების მიზნებისთვის მსმენელი ვალდებულია, შეავსოს სარეგისტრაციო ფორმა; გაიაროს BTU-ის მიერ ორგანიზებული ლოგიკური აზროვნებისა და ტექნიკური კომპეტენციის შეფასების ტესტირება; გაიაროს BTU-ის მიერ ორგანიზებული ტესტირება ინგლისურ ენაში.