მედია აპრილი წარმოგიდგენთ “უკანონო” პოდკასტს

საქართველოში  უკანონოდ გამოცხადდა ყველაფერზე საუბარი, რაც ქვიარ საკითხებს უკავშირდება, უფრო ფართოდ კი ზოგადად ადამიანის უფლებები იქცა თავდასხმის სამიზნედ. ამ პოდკასტში ხან სერიოზულად, ხანაც შედარებით მსუბუქად ვსაუბრობთ ისეთ ამბებზე, რაზე სიჩუმეც “ქართულ ოცნებას” უნდა.

სამხრეთ კავკასია ქვიარ ადამიანებისთვის უსაფრთხო სახლი მეტწილად არაა და ბევრ ადამიანს სამშობლოდან წასვლა და ბევრად დაცულ ქვეყანაში გადაცხოვრება უწევს. განსაკუთრებით უნდა აღინიშნოს ბოლო წლების საქართველოში მკვეთრად გაუარესებული მდგომარეობა, რამაც ბევრი ქვიარ ადამიანი იძულებული გახადა, ქვეყნიდან წასულიყო. სახელოვნებო პროექტი “ქვიარ ღვთაებების მიგრაცია”, რომელზეც რამდენიმე არტისტი წლების განმავლობაში მუშაობდა, სწორედ ამ ამბავს ეხმიანება. პროექტის ერთ-ერთი ავტორი, მულტიმედია ხელოვანი უტა ბექაია გვესაუბრება პროექტის სათქმელზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.