საქართველოდან ყოველწლიურად უფრო მეტი ადამიანი მიდის, ვიდრე ბრუნდება. 2023 წელს უარყოფითმა სალდომ 40 ათასს მიაღწია. აღსანიშნავია არასრულწლოვანთა გადინების მზარდი ტენდენციაც, რაც ქვეყნიდან ხანგრძლივად გასვლის სურვილზე მიანიშნებს. საქართველოს სოციო-ეკონომიკური გამოწვევების გამო თუ მზარდი პოლიტიკური დაძაბულობისა და რეპრესიების გამო ტოვებენ. ქვიარ მოქალაქეების შემთხვევაში კი, ხშირია იძულებითი მიგრაცია გარიყვისა და დევნის, უსაფრთხოების შეგრძნების მოშლის, პოლიტიკური ჩაგვრისა და სიცოცხლისთვის აუცილებელ სერვისებზე ხელმისაწვდომობის შეზღუდვის გამო.

“უკანონო” პოდკასტის მორიგ ეპიზოდში მოწვეულ სტუმრებთან, აქტივისტ თაზო სოზაშვილთან და “თანასწორობის მოძრაობის” წარმომადგენელ მარიამ გულიაშვილთან ერთად, ვსაუბრობთ ქვიარების ქვეყნიდან წასვლის მიზეზებზე, საქართველოში არსებულ სიტუაციასა და იძულებითი მიგრაციის თანმდევ გამოწვევებზე.