მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

ნაციონალური მოძრაობის მიერ 2007 წლიდან დაწესებული შეზღუდვების შემდგომ პირველად, “ქართულმა ოცნებამ” 28 ივნისიდან აამოქმედა კანონი, რომლითაც მედია სასამართლო დარბაზში, შენობასა და ეზოში ფოტო, აუდიო და ვიდეო გადაღება შეუზღუდა. გადაღებისა და ჩაწერის უფლება მხოლოდ უფლებამოსილ პირს აქვს, რომელსაც იუსტიციის საბჭო განსაზღვრავს. 30 ივნისს, სინდისის პატიმრების პროცესებზე მისულ მედიის წარმომადგენლებს ახალ რეალობასთან მოუწიათ შეჯახება.

პოდკასტის მე-10 ეპიზოდში “პუბლიკისა” და “64”-ის მულტიმედია ჟურნალისტებთან, მინდია გაბაძესა და სოფო აფციაურთან ერთად, ვსაუბრობთ, როგორია მედიის სამუშაო გარემო სასამართლოში.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.