ინგლისში პირველად ენდომეტრიოზის სამკურნალო ყოველდღიურ აბს გამოიყენებენ. წამალი ჯანმრთელობის ეროვნული ინსტიტუტის მიერ დამტკიცდა.
მკურნალობის ამ მეთოდით წელიწადში სარგებლობას დაახლოებით 1000 ქალი შეძლებს. სპეციალისტების განმარტებით, მკურნალობის ეს მეთოდი ინექციურისგან განსხვავებით, უფრო სწრაფია და მისი მიღება სახლშია შესაძლებელი. ამასთან, აბი ყველა საჭირო ჰორმონს შეიცავს.
შეფასებისას, ექსპერტებმა ხაზი გაუსვეს, თუ რამდენად მნიშვნელოვანია მკურნალობის ალტერნატიული მეთოდების არსებობა — ისეთის, რომლის ჩატარებაც სახლის პირობებშია შესაძლებელი. მათი თქმით, ეს ადამიანებს საკუთარი ჯანმრთელობის მდგომარეობის მართვაზე ავტონომიას მიანიჭებს.
გარდა ამისა, სპეციალისტები აღნიშნავენ, რომ მკურნალობის ამ ტიპის შეწყვეტა/განახლება უფრო მარტივი პროცესია, ეს კი განსაკუთრებით მნიშვნელოვანია მათთვის, ვინც ბავშვის გაჩენას გეგმავს.
ამ ეტაპზე მკურნალობა მხოლოდ იმ პაციენტებისთვის იქნება ხელმისაწვდომი, რომელთათვისაც სხვა სახის სამედიცინო, მათ შორის ქირურგიული ჩარევა წარუმატებელი აღმოჩნდა.