UNFPA-ის უახლესი მონაცემებით, პალესტინაში ორსულ ქალთა რიცხვი 43 000-ს აჭარბებს და მათ წინაშე არსებული გამოწვევები სიცოცხლისთვის სახიფათოა. ქალები ღაზაში კვლავ საკვებისა და სუფთა წყლის დეფიციტის წინაშე არიან, რომ აღარაფერი ვთქვათ, ორსულებისთვის საჭირო მედიკამენტებსა და შესაბამის სამედიცინო სერვისებზე.
ომის დაწყების შემდეგ ორსულ ქალთა უმრავლესობას არ ჰქონია წვდომა ჯანდაცვაზე, რის გამოც, გავრცელებულია მძიმე ანემია. ორსულ ქალთა უდიდესი ნაწილი ვერ ახერხებს საავადმყოფოში მშობიარობას, რადგან სამედიცინო დაწესებულებათა დიდი ნაწილი განადგურებული ან დახურულია, რაც დამატებით საფრთხეს ქმნის, ხოლო მათ, ვინც შორს მანძილზე წასვლას ახერხებენ, გრძელ რიგებსა და მძიმე სანიტარულ პირობებთან უწევთ შეგუება.
ბოლო მონაცემებით, ჩრდილოეთ ღაზაში არსებული 20 ჯანდაცვის პუნქტიდან მხოლოდ 2 ფუნქციონირებს, მაშინ, როცა იქ დაახლოებით 14 000 ორსული ქალი ან მეძუძური დედაა — კრიზისს სატრანსპორტო გამოწვევები და სამედიცინო პერსონალის დეფიციტი ამძიმებს. UNFPA-ის ანგარიშის თანახმად, გაზრდილია ნაადრევის მშობიარობისა და ორსულთა გარდაცვალების შემთხვევები.
თავშესაფრებში არსებული ანტისანიტარიის გამო ქალებს 25%-ს კანის დაავადებები და ჯანმრთელობის სხვა პრობლემები აღენიშნება. კვლავ საგანგაშო ვითარებაა და ფაქტობრივად, შეუძლებელი გახდა მენსტრუალური ჰიგიენის შენარჩუნება. 690 000-ზე მეტ ქალს არ აქვს ხელმისაწვდომობა აუცილებელ სანიტარულ საშუალებებზე. მაგალითად, საპნის ფასი 1 100%-ით არის გაზრდილი, რაც კიდევ უფრო ხელმისაწვდომობის პრობლემას კიდევ უფრო აღრმავებს.
ამ ისედაც მძიმე ფონზე, ზამთრის მოახლოებასთან ერთად, მოსალოდნელია, რომ მიმდინარე მასობრივი იძულებითი გადაადგილება, გაძლიერებული კონფლიქტი, საკვების დეფიციტი, ჰუმანიტარული ხელმისაწვდომობის ნაკლებობა და სხვა გარდაუვლად დაამძიმებს ქალებისა და გოგოების მდგომარეობას პალესტინაში.