“არა რუსულ კანონს! კი ევროპას” — ამ მკაფიო გზავნილის გარშემო 39 ტიკტოკ კრეატორი შეიკრიბა და ერთობლივი ვიდეო გაავრცელა. ტიკტოკერები რუსულ კანონს ეწინააღმდეგებიან და მხარს ევროპას უჭერენ.
თი მაჭავარიანის განცხადებით, მას სურს, რომ მისმა შვილებმა იცხოვრონ თავისუფალ საქართველოში.
“რუსული არაფერი გვჭირდება და არც არასდროს გვჭირდებოდა. ქართველი თავისუფალი ხალხის გზა მხოლოდ ევროპაშია”, — აცხადებს მარიამ დავითაძე.
ბექა მაისურაძის თქმით, ყველაფერს “არა” უნდა ვუთხრათ, რაც ჩანასახშივე მწვანეს უნთებს ბოროტებასა და ღვარძლს, ხოლო ვუთხრათ “კი” — სიყვარულსა და სიკეთეს! ამიტომ არა მონობას, არა კონფორმიზმს, არა რუსეთს!
“ახლა არ არის იარლიყების მიწებების დრო — ახლა არის გაერთიანების დრო. არა რუსულ კანონს! არა ნებისმიერ რამეს, რომელიც უკეთეს მომავალს გვაშორებს”, — ამგვარად მიმართავს ანანო თოთიაური ხალხს.
კიდევ ერთი ტიკტოკერის, ნათია მეზვრიშვილის განცხადებით კი, საქართველოს მომავალი მხოლოდ ევროპაა.
ელენიკო ფოქსის თქმით, “ვინც პარტიული ნიშნით არავის მივეკუთვნებით და არც ერთ პატერნს ვერგებით, თავისუფლების გარდა, ისინი აუცილებლად გავიმარჯვებთ რუსულ რეჟიმზეც და რუსულ კანონზეც”.
ჯოზეფ ლალიაშვილი კი აღნიშნავს: “სანამ ჯერ კიდევ შეგვიძლია თქვენთან საუბარი, რა თქმა უნდა, არა რუსულ კანონს. გადმოდით ნათელ მხარეზე”.
@jozeflaliashvili✊🏻 39 ქართველი კონტენტ-კრეატორი: აქ ისმის თითქმის ყველას ხმა, ვისაც ყველაზე ხშირად გვიყურებთ და გვისმენთ… 🇬🇪🇪🇺 ჩვენ ვერთიანდებით ევროპული მომავლისთვის – არა რუსულ კანონს!♬ original sound – Jozef
პირველ მაისს პარლამენტმა რუსულ კანონს მეორე მოსმენით დაუჭირა მხარი. საკანონმდებლო ორგანოსთან მოქალაქეები ისევ შეიკრიბნენ. აქცია დაახლოებით 12 საათის განმავლობაში გრძელდებოდა. მოქალაქეების წინააღმდეგ ხელისუფლებამ გამოიყვანა სპეცრაზმი, რომელმაც გაუფრთხილებლად გამოიყენა წყლის ჭავლი, ცრემლსადენი გაზი და წიწაკის სპრეი, ასევე, რეზინის ტყვიები, რასაც შსს უარყოფს, თუმცა ჟურნალისტებმა ადგილზე ნახეს და გადაიღეს რეზინის ტყვიები, ასევე, დაშავებულ ადამიანებს სხეულზე ჰქონდათ ჭრილობები და ისინი ამბობდნენ, რომ რეზინის ტყვიები მოხვდათ.