მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

ქვიარ ადამიანებისთვის რომანტიკული თუ სექსუალური პარტნიორის პოვნა ხშირად დამატებით შიშებსა და გამოწვევებთან არის დაკავშირებული, განსაკუთრებით იმ ადამიანებისთვის, ვინც საკუთარი ორიენტაციისა და იდენტობის შესახებ ვერავისთან ამბობს. პოლიტიკურად განსაზღვრულ ქვიარფობიურ მოცემულობაში კი, შფოთვა კიდევ უფრო მეტია, ამასთან, სტრესულია ის მოლოდინები, ტოქსიკური მახასიათებლები თუ ქცევის მოდელები, რასაც გაცნობის აპლიკაციაში ვხედავთ.

“უკანონო” პოდკასტის ახალ ეპიზოდში, აქტივისტ მიკო შახდინარიანთან ერთად, ვსაუბრობთ გაცნობასა და ურთიერთობასთან დაკავშირებულ პერსონალურ გამოცდილებებსა და დაკვირვებებზე თუ ზოგადად, იმ მოცემულობაზე რაც ამ მიმართულებით არსებობს.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

       

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.