ნორვეგიის საგარეო საქმეთა სამინისტრო შეშფოთებას გამოთქვამს ქართული ოცნების მიერ ჰომოფობიური კანონმდებლობისა და რუსული კანონის ხელახალი ინიციირების გამო და აღნიშნავს, რომ ეს ძირს გამოუთხრის ევროინტეგრაციასა და დემოკრატიას.
“ნორვეგია შეშფოთებულია “უცხოური გავლენისა” და “ოჯახური ღირებულებების” შესახებ საქართველოში არსებული სამართლებრივი ინიციატივებით, რომლებიც სამოქალაქო საზოგადოებასა და ლგბტქი+ პირთა სტიგმატიზაციას ახდენს. ისინი ძირს გამოუთხრის მნიშვნელოვან ღირებულებებს, საქართველოს დემოკრატიასა და ევროატლანტიკურ გზას”, — აღნიშნულია უწყების განცხადებაში.
Norway is concerned by legal initiatives in #Georgia on “foreign influence” & “family values”, which stigmatise civil society & LGBTQI+ persons.
Would undermine important values, Georgia’s democracy & Euro-Atlantic path.
— Norway MFA (@NorwayMFA) April 5, 2024
ჩაგდებიდან 1 წლისა და დაახლოებით 1 თვის შემდეგ, ქართულმა ოცნებამ თავისივე სიტყვა გატეხა და რუსულ კანონს აბრუნებს. ყოველგვარი წინასწარი ინფორმირების გარეშე, ეს მამუკა მდინარაძემ 3 აპრილს დააანონსა და რამდენიმე საათში შარშან დაწუნებული კანონპროექტი პარლამენტის ვებგვერდზე აიტვირთა.
მდინარაძეს არ დაუმალავს, რომ პროექტის შინაარსი იგივე იქნება, ოღონდ სიტყვა “აგენტს” არ გამოიყენებენ. აქვე ქართულმა ოცნებამ მიგვითითა იმაზეც, რომ რასაც შარშან რუსული კანონად მოვიხსენიებდით, წელსაც იგივე არ ვუწოდოთ.
ქართულმა ოცნებამ 3 აპრილსვე დააინიციირა ჰომოფობიური, ადამიანის უფლებების საწინააღმდეგო ცვლილებების პროექტი, რომელიც, მათ შორის, შეკრებისა და გამოხატვის შემზღუდავ დათქმებსა და ცენზურას ითვალისწინებს.
ამავე თემაზე მეტი ინფორმაციისთვის: