მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

ქართული ლიტერატურის მრავალსაუკუნოვან ისტორიაში ქვიარ გამოცდილებები ფრაგმენტულად თუ გაიელვებს, თანამედროვე რეალობაში უფრო მეტად მოექცა ფოკუსში ჰეტერონორმატიული გააზრების მიღმა არსებული ამბები, თუმცა რეპრეზენტაცია ისევ ნაკლოვანია, რასაც რეჟიმის მხრიდან კონტროლის მცდელობა ემატება.

რა შეიძლება მივიჩნიოთ ქვიარ ტექსტად, რა ადგილი უკავია ქვიარ გამოცდილებებს ქართულ ლიტერატურაში, როგორია ამ მიმართულებით არსებული დღევანდელობა და მოლოდინები ან რამდენად მივყვებით მსოფლიოში არსებულ ტენდენციებს, როცა თარგმნას ეხება საქმე. “უკანონო” პოდკასტის მორიგი ეპიზოდის სტუმარი ლიტერატურათმცოდნე, მწერალი, ერთ-ერთი გამორჩეული ქართული ქვიარ ნაწარმოების, “აკუმის” ავტორი, ნანა აბულაძეა.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.