მედია აპრილი წარმოგიდგენთ “უკანონო” პოდკასტს
საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.
ქართველი ქალების ბრძოლას თანასწორობისთვის ხანგრძლივი ისტორია აქვს. მე-19 საუკუნის ქალთა გამათავისუფლებელი ძვრების პარალელურად, საქართველოშიც იწყება მცდელობა, რომ რიგ საკითხებზე დისკუსია გააქტიურდეს. აღნიშნულ პროცესში ჩნდება სახელები, რომლებიც ბევრისთვის კარგად ნაცნობია, თუმცა ამის მიღმა მრავალი ქალის ხანგრძლივი და თავდაუღალავი შრომა დგას.
“უკანონო” პოდკასტის მორიგ ეპიზოდში საქართველოში ფემინიზმის ისტორიაზე ვისაუბრებთ — განათლების უფლებისთვის ბრძოლიდან, პოლიტიკურ უფლებებამდე, საბჭოთა იდეოლოგიზებულ მიდგომამდე და არსებულ მოცემულობამდე. ეპიზოდის სტუმარია მწერალი, მკვლევარი თამთა მელაშვილი.
პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.
განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.