ქალთა ფონდის პროექტი, ფემინისტური პოდკასტი “ფემინსტრიმი” ახალ სეზონს იწყებს და ავტორებს საქართველოს რეგიონებიდან ეძებს, რომლებიც ისაუბრებენ ფემინისტურ მოძრაობაზე საქართველოში, ადგილობრივ გამოწვევებსა და მობილიზაციის სტრატეგიებზე.
შემოთავაზებული საკითხები შეიძლება იყოს:
- რეგიონული ფემინისტური/ქალთა მოძრაობები საქართველოს სხვადასხვა ქალაქსა და თემში;
- ზრუნვის პრაქტიკები საქართველოს რეგიონებში — საჭიროებები, დინამიკა და გამოწვევები;
- შიდა მიგრაციის გენდერული ასპექტები — შრომითი მიგრაცია, ეკომიგრაცია, ქვიარ ჯგუფების მიგრაცია;
- ინტერსექციული მიდგომის დანერგვის მნიშვნელობა აქტივიზმისა და მოძრაობისთვის (ადგილობრივი ფემინისტური, გარემოსდაცვითი, შრომითი, კულტურული, საგანმანათლებლო ინიციატივების თანაკვეთა);
- ფემინისტური პოლიტიკა საქართველოს რეგიონებში — რესურსებზე თანაბარი წვდომა და პოლიტიკური მონაწილეობა ქალებისა და სხვა უჩინარი ჯგუფებისთვის;
- ანტიგენდერული მოძრაობების აღმასვლა საქართველოს რეგიონებში — მობილიზაცია და წინააღმდეგობის სტრატეგიები.
ამასთან, ქალთა ფონდი რეგიონულ ფემინისტურ მობილიზაციასთან დაკავშირებულ სხვა შემოთავაზებებსაც განიხილავს.
კონკურსის შედეგად შეირჩევა 4 ავტორი და თითოეული ოთხ პოდკასტს მოამზადებს. ავტორებმა უნდა წარადგინონ ოთხივე პოდკასტის კონცეფცია — რა თემაზე იქნება საუბარი პოდკასტში; ვინ იქნებიან რესპონდენტები (ასეთის არსებობის შემთხვევაში).
პოდკასტების ტექსტური ვერსია განთავსდება საზოგადოებრივ-პოლიტიკური ონლაინგამოცემა პუბლიკას, მედია აპრილისა და ქალთა ფონდის ვებგვერდებზე. პოდკასტები გამოქვეყნდება “ფემინსტრიმის” Facebook-სა და Youtube გვერდებზე, ასევე, Soundcloud-ზე, Spotify-სა და სხვა პლატფორმებზე.
პოდკასტის ავტორად ყოფნით დაინტერესებულებს განაცხადის გაგზავნას შეუძლიათ შემდეგ მეილზე: [email protected]
ამისთვის საჭიროა CV, მოკლე სამოტივაციო წერილი, თქვენ მიერ შერჩეული თემა და 4 პოდკასტის კონცეფცია. სათაურის ველში უნდა მიუთითოთ “პოდკასტების ავტორი”.
პროექტის ხანგრძლივობა 4 თვეა, ხოლო ანაზღაურება თითოეული პოდკასტისთვის 780 ლარს (დარიცხული) შეადგენს.
განაცხადის მიღების ბოლო ვადაა 27 ნოემბერი.
ქალთა ფონდის პროექტი “ფემინსტრიმი” ქალთა უფლებების შესახებ ცნობიერების ამაღლებას, გენდერული თანასწორობის შესახებ ცოდნისა და მგრძნობელობის გაზრდას, ქალთა შთაგონებასა და სოლიდარობას ემსახურება. პროექტის ფინანსური მხარდამჭერია “შვედეთის საერთაშორისო განვითარების თანამშრომლობის სააგენტო (SIDA).