მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

ადამიანის იმუნოდეფიციტის ვირუსის გავრცელება გასული საუკუნის 80-იანი წლებიდან იწყება. თავდაპირველი შემთხვევები გეი კაცებში გამოვლინდა, რის გამოც პოლიტიკურმა თუ რელიგიურმა ინსიტუტებმა სცადეს, რომ აღნიშნული დაავადება გეი კაცებისთვის ექსკლუზიურ მოცემულობად წარმოედგინათ. ამას უარყოფის, ადამიანების სიკვდილის, აუცილებელი მყისიერი რეაგირების დაგვიანების გამო, ვირუსის სულ უფრო სწრაფი და ფართო გავრცელების ათწლეულები მოჰყვა. 90-იანების მეორე ნახევარში მკურნალობის საშუალებაც გაჩნდა, რაც აქტივისტების ორგანიზებული ბრძოლის შედეგად დადგა.

ახლა, მკურნალობის შემთხვევაში, აივი მართვადია, სისხლში ვირუსის დონის დათრგუნვა და არაგანსაზღვრად მდგომარეობამდე მიყვანა შესაძლებელია და ადამიანი ფაქტობრივად უცვლელი ცხოვრების წესით აგრძელებს სიცოცხლეს — მხოლოდ ერთი აბის დალევა უწევს ყოველდღიურად, თუმცა მაინც შემორჩა მითები და შიშები. “უკანონო” პოდკასტის მორიგ ეპიზოდში ინფექციური პათოლოგიისა და შიდსის ცენტრის ეპიდემიოლოგიური დეპარტამენტის უფროსთან, ნინო ბადრიძესთან ერთად ვისაუბრებთ, აივ ინფეციასთან/შიდსთან დაკავშირებულ ტყუილ-მართალსა და ქართულ რეალობაზე.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.