საქართველოში პროტესტის დიდი გამოცდილება გვაქვს, თუმცა ბოლო თვეებია მან ჩვენთვის აქამდე უცნობი ფორმები შეიძინა. სიტყვა “მარში”, რომელსაც ამ დრომდე სხვადასხვა მნიშვნელობით ვიყენებდით, დღეს ყველას ერთ ასოციაციას გვიჩენს — ეს არის თანაგანცდის, მხარდაჭერის, ემპათიის, ერთიანობის, ორგანიზებულობის, კრეატიულობისა და იუმორის ნაზავი და შესაძლებლობა, სადაც ადამიანები უამრავ განსხვავებას გვერდზე დებენ და საერთო ნიშნით ერთიანდებიან.
უკვე დიდი ხანია, ყოველდღიურად მოუთმენლად ველით ახალი მსვლელობის დაანონსებას და როცა უკვე ვფიქრობთ, რომ ვეღარაფერი გაგვაოცებს; რომ აღარ დარჩა მსვლელობა, რომელმაც სხვადასხვა ქალაქის ქუჩები ხმაურით არ მოიცვა, სწორედ მაშინ გამოინახება ის, რაც მოქალაქეებს კვლავ აერთიანებს.
მარშების მთავარი ატრიბუტი პოსტერებია. მოქალაქეები პროტესტს სხვადასხვა წარწერით, ნახატითა თუ სიმბოლოებით შეიარაღებულები გამოხატავენ, რომელთაგან ზოგი გვასევდიანებს, ზოგი გვამხიარულებს.
თუ დაინტერესდი, სავარაუდოდ, შენც არაერთი მარშის მონაწილე ყოფილხარ. ჰოდა, საინტერესოა, რა დაგამახსოვრდა.
{{#if image:description}}